আয়ুশ

নেস্নেল মেদিস্নেল প্লান্তস বোর্দ অমসুং আই.সি.এ.আর.- নেস্নেল ব্যুরো ওব প্লান্ত জেনেতিক রিসোর্সেস্কী মরক্তা খুৎয়েক পীনখিবা য়ানা ৱারোল

Posted On: 07 JUL 2020 2:43PM by PIB Imphal

আয়ুশ মন্ত্রালয়গী মখাদা লৈবা নেস্নেল মেদিস্নেল প্লান্তস বোর্দ (এন.এম.পি.বি.) অমসুং এগ্রিকলচরেল রিসর্স এন্দ এজুকেসন বিভাগকী মখাদা লৈবা আই.সি.এ.আর.- নেস্নেল ব্যুরো ওব প্লান্ত জেনেতিক রিসোর্সেসকগী মরক্তা জুলাই ৬, ২০২০দা য়ানা ৱারোল অমা খুৎয়েক পীনখ্রে। হায়রিবা য়ানা ৱারোল অসিগী পান্দমদি মেদিস্নেল এন্দ এরোমেতিক প্লান্তস জেনেতিক রিসোর্সেস (এম.এ.পি.জি.আর.)বু আই.সি.এ.আর.-এন.বি.পি.জি.আর.গী অহাংবা মফমদা নেস্নেল জিন বেঙ্কতা অশাংবা মতমগী ওইনা তুংশিন্নবা (ফংবগী চাংগী মতুং ইন্না) অমসুং নত্ত্রগা রিজনেল স্তেসন্দনা ময়াই ওইবা মতমগী ওইনা তুংশিন্নবা অমসুং পাম্বীশিংগী জর্মপ্লাজম য়োকখৎনবা তেক্নিকশিংবু এন.এম.পি.বি.গী শিন্মীশিংদা ত্রেনিং পীনবগীদমক্তনি।

এম.এম.পি.বি. অমসুং আই.সি.এ.আর.-এন.বি.পি.জি.আর. অনীমক্না মতম শাংনা, চেকশিন্না অমসুং মমল কা হেন্না তিংদবা মওংদা হৌজিক্কী ওইনা অমসুং তুংগী মীরোলশিংগীদমক সমাজ অমসুং শেলথুমগী সেক্যুরিতীগীদমক য়েংদুনা জর্মপ্লাজম য়োকখত্তুনা থম্নবগীদমক্তনি। ওথোরাইজ তৌরবা ইন্সতিত্যুৎ অমা ওইরিবা এন.এম.পি.বি. অমসুং আই.সি.এ.আর.-এন.বি.পি.জি.আর.না আই.সি.এ.আর.গী মহুৎ শিন্দুনা এম.এ.পি.জি.আর.গী মরুশিংবু য়োক্তুনা থম্নবগী মওং মতৌশিং পুথোকপা অমসুং মখোয়গী মরী লৈনবা ওর্গনাইজেসনশিংদা চয়োলগী ওইনা প্রোগ্রেস রিপোর্ত পীখৎকনি।

হিদাক লাংথক কান্নবা পাম্বীশিং অসি য়েলহৌঙৈদগী লৈজরক্লবা হিদাকশিংগী রিসোর্স মতীক চানা য়াওই অমসুং হকশেল কাংলোন্দা চহী লীশিং কয়া শীজিন্নদুনা লাকখ্রে। ভারত্তা অসিগুম্বা হিদাক লাংথক কান্নরবা পাম্বী কয়া মরাং কায়না ফংই। মহৌশাদগী লৈজরক্লবা রিসোর্সশিং অসি মখোয়না হৌরিবা মফমশিং অদুদা চাউখৎলোনগী ওইবা থবক থৌরম কয়া পায়খৎশিনবনা নোংম-নোংমগী মুৎশিনক্লি। অসিগুম্বা মহৌশানা পীবীরম্লবা রিসোর্সশিং অসিবু তুং কোইনা মতম শাংনা শীজিন্নবা য়াহৌনবগীদমক তুংশিন্দুনা থমহৌবগী তঙাইফদবা লাক্লে। পাম্বীশিংগী জেনেতিক রিসোর্সশিংবু তুংশিনবা হায়বসি বাইওদাইবর্সিতী কঞ্জর্বেসনগী তঙাই ফদবা মচাক অমনি। মখোয়বু য়োকখৎকদৌরিবসিগী মরমদি মখোয়বু ঙাকশেন্দুনা মতম কুইনা হিংহনবা অমসুং মখোয়গী জিন অমসুং মখলশিং মাংহন্দবা নত্ত্রগা মখোয়গী মরুওইবা হৌফম অমসুং ইকোসিস্তেম্বু নৈখায়দবনি।

*****



(Release ID: 1636983) Visitor Counter : 181