মালেম পুম্বনা কোরোনা ভাইরসকা লান্থেংনরিঙৈ অসিদা প্রধান মন্ত্রী মোদীনা লুচিংবা কেন্দ্রগী সরকারনা অচৌবা শীংনবা অসি খুদোংচাবদা ওন্থোক্লি মরু ওইনা খুঙ্গংগী মফমশিংগী হিংনবগী পাম্বৈ লৈহন্নবা লোয়ননা খুঙ্গংগী শেন্মীৎলোন ফগৎহনবগী থৌরাং তৌরি। ২০.০৬.২০২০দা হীরম অসিদা রিতর্নী মাইগ্রেন্তশিং অমসুং মসিগা মান্নবা খুঙ্গংগী শোকহল্লবা প্রজাশিংগী হিংনবগী পাম্বৈশিংগী খুদোংচাবশিং পীনবা অমসুং মফম অদুদা থবক পীনবা পব্লিক ৱার্কসকী থবক হৌনবা গরীব কল্যান রোজগার অভিয়ান (জি.কে.আর.এ.) হৌদোকখ্রে। অককনবা মতমগী মনুংদা লোইশিনগদবা কেম্পেন অসি নুমিৎ ১২৫ চত্থগনি অমদি স্তেৎ ৬ মদুদি বিহার, ঝর্খন্দ, মধ্য প্রদেশ, ওরিশা, রাজাস্থান অমসুং উত্তর প্রদেশকী এস্পিরেস্নেল দিস্ত্রিক্ত ২৭ য়াওনা জিলা ১১৬তা অকনবা মীৎয়েং চংদুনা ইমপ্লিমেন্ত তৌগনি

অভিয়ান অসিগী শরুক অমা ওইনা, জল জীবম মিসননা খুঙ্গংগী য়ুমথোং খুদিংদা তোতি ঈশিং ফংহনবা অমসুং স্কিল্দ, সেমি-স্কিল্দ অমদি মাইগ্রেন্ত রিতর্নীশিংদা থক্নবা ঈশিং সপ্লাই তৌবগা মরী লৈনবা থবক-থৌরমশিংদা চাওনা খুদোংচাবা ফংহল্লি। থক্নবা ঈশিং মরাং কাইনা য়ুমথোংদা য়ৌহন্নবা মতেং পাংবদা নত্তনা মাইগ্রেন্ত রিতর্নীশিংদা থবক পীনবগী মতেংসু পাংনবা জিলাশিং অসিগী খুঙ্গংশিংদা থবক পাইখৎপা হৌনবা স্তেৎশিংদা খঙহনখ্রে। স্তেৎশিং অসিদা ‘পাইখৎপা হৌরবা’ থবকশিং মদুদি হৌজিক লৈরিবা ৱাতর সপ্লাই স্কিমশিংগী পাইপ অসি চাওথোকপা নত্রগা শেমজিনগী থবক-থৌরমশিং হান্না লোইশিন্দুনা মসিগী খুঙ্গংশিং অসি ‘হর ঘর জল গাউ’ ওইহন্নবা হায়বদি ফঙ্কসনেল হাউসহোল্দ তেপ কন্নেক্সন (এফ.ঐচ.তি.সি.) ১০০% পীবা খুঙ্গংশিং ওইহন্নবা স্তেৎশিংদা খঙহনখ্রে। হৌজিক লৈরিবা ৱাতর সপ্লাই সিস্তেমগী পাইপ অসি শেমজিন্দুনা খুঙ্গংশিংগী লেমহৌরিবা লাইরবা অমসুং শোত্থরবা ইমুংশিংগী য়ুমথোংদা তোতি ঈশিং পীনবা অচৌবা খুদোংচাবা অমা ওইরগনি।

কেম্পেন অসি অককনবা মতমগী মনুংদা লোইশিনগদবা লোয়ননা অখন্নবা ফলশিং ফংহন্নবা ওইবনা, মাইপাকনা ইমপ্লিমেন্ত তৌনবা পান্দম থম্নবা থৌরাং তৌবা মথৌ তাই। স্কিল য়াওদবা, সেমি-স্কিল্দ অমদি স্কিল্দ মাইগ্রেন্ত রিতর্নীশিং অমসুং খুঞ্জাশিংদা থবক্কী খুদোংচাবশিং ফংহন্নবা জে.কে.আর.এ.গী খুঙ্গং খুদিংদা এফ.ঐচ.তি.সি.শিং ফংহন্নবগী মশিং, মরী লৈনবা ফন্দ শীজিন্ননবা প্লান, খুঙ্গংশিং, ব্লোকশিং অমদি জিলাশিং দা এফ.ঐচ.তি.সি. ১০০% য়ৌহন্নবা প্লান তৌবা অসি অচৌবা ফলশিং/কী পর্ফোর্মেন্স ইন্দিকেতরশিং(কে.পি.আই.শিং) ওইরি অমসুং স্তেৎশিংদা হায়রিবা হীরমশিং অসিদা থবক পাইখৎনবা খঙহল্লি। পাইপ শেম্বা, চেক শুবা, মৈগা হীরমশিং, পম্প চল্লাইবা অসিনচিংবগী স্কিলশিং লৈনবা রিতর্নী মাইগ্রেন্তশীং য়াওনা মফম অদুগী মীয়ামদা ত্রেনিং পীনবা কেম্পেনশিং হৌদোকখ্রে মসিনা ৱাতর সপ্লাইগা মরী লৈনবা থবক-থৌরমশিংগীদমক স্কিল লৈরবা মেনপাৱর লৈহল্লগনি। মসিগী মথক্তা, ভিলেজ এক্সন প্লানশিং (ভি.এ.পি.শিং) শেম্বা লোইশিনবা, গ্রাম পঞ্চায়েৎ/ভিলেজ ৱাতর এন্দ সেনিতেসন কম্মিতি/পানি সমিতি, আই.ই.সি. থবক-থৌরমশিং লৌখৎকনি। অভিয়ান অসিগীদমক ‘এস্পিরেস্নেল দিস্ত্রিক্ত’নি হায়না খন্দোক্লবশিংদা অখন্নবা মীৎয়েং থমগনি।

খন্দোক্লবা স্তেৎশিং অসিগা লোয়ননা জে.জে.এম.গী মখাদা তৌবা থবক-থৌরমশিংগী ওইনা অহানবা য়েংশিন মীফম পাঙথোকখ্রে অমসুং এস্পিরেস্নেল দিস্ত্রিক্তশিংদা অখন্নবা মীৎয়েং থম্বগা লোয়ননা ‘অভিয়ান’ অসি ইমপ্লিমেন্ত তৌনবা জিলাশিং অমদি খুঙ্গং-খুঙ্গংশিংদা য়ৌহন্নবা প্লান শেম্নবা মখোয়দা খঙহনখি।

আশা কয়া লৈরিবা কেম্পেন অসিনা জল জীবন মিসন ইমপ্লিমেন্ত তৌবগী খুত্থাংদা য়ুমথোংদা তোতি ঈশিং পীদুনা খুঙ্গংগী মীয়ামগী পুন্সি ফগৎহনবদা নত্তনা খুঙ্গংগী মীয়ামদা থবক পীবা অমদি খুঙ্গংগী শেন্মীৎলোন ফগৎহনগনি।

******