স্তেৎশিং/য়ু.তি.শিংগা লোয়ননা কেবিনেৎ সেক্রেতরীনা কোবিদ-১৯গী শেম-শানবা অৱাংবা থাক্কী য়েংশিন মীফম অমা ঙসি পাঙথোকখ্রে।

কোবিদ-১৯ নাবা অনাবশিংগী মরক্তা ফগৎলকপগী চাং ৬০% লানখ্রে। ঙসি ৬০.৭৩% য়ৌখি।

কোবিদ-১৯ কেসশিং ঙন্না খঙদোকপা অমসুং মতম চানা ক্লিনিকেল মেনেজমেন্ত তৌবনা নোংমদা ফগৎলকপগী চাং হেনগৎলক্লি। হৌখিবা পুং ২৪গী মনুংদা, কোবিদ-১৯ নাবা মীওই ২০,০৩৩ লায়েংদুনা অপুনবা মশিং ৩,৭৯,৮৯৭ শুদুনা ফগৎলকপগী মশিং য়াম্না হেনগৎখ্রে।

হৌজিক্কী ওইনা এক্তিব কেস ২,০৩,০৫১ লৈ অমদি মখোয় পুম্নমক মেদিকেলগী মীৎয়েং মখাদা লৈরি‍।

কোবিদ-১৯ ঙাকথোক্নবা, লাকশিন্নবা অমসুং য়েংশিন্নবা সরকারগী থাক পুম্নমক্তা পুন্না হোৎনবনা ফগৎলকপশিং অমসুং এক্তিব কেসশিংগী মরক্তা খেৎনবা লেপ্তনা হেনগৎপগা লোয়ননা অফবা ফলশিং উবা ফংলি। ঙসি ফাওবদা কোবিদ-১৯গী এক্তিব কেসশিংদগী ফগৎখিবা কেসনা ১,৫২,৪৫২ হেনখ্রে।

“তেস্ত, ত্রেস, ত্রীৎ”কী ললোংগা লোয়ননা স্তেৎশিং/য়ু.তি.শিংদা পাকশন্না কোবিদ-১৯ তেস্ত তৌবগী খুদোংচাবা ফংহন্নবা অপনবা পুম্নমক লৌথোক্নবা তোঙান তোঙানবা পাম্বৈশিং নৌনা লৌখৎখ্রে, নুমিৎ খুদিংগী তেস্ত তৌবা সেম্পল তপ্না-তপ্না হেনগৎলক্লি লোয়ননা ঙসি ফাওবদা সেম্পল লাখ ৯৩রোম তেস্ত তৌখ্রে। হৌখিবা পুং ২৪গী মনুংদা সেম্পল ২,৪১,৫৭৬ তেস্ত তৌখ্রে। ঙসি ফাওবদা তেস্ত তৌখিবা সেম্পলগী অপুনবা মশিং ৯২,৯৭,৭৪৯ শুখ্রে।

মসি লৈবাক অসিদা তেস্তিং লেবশিংগী চাওথোরক্লিবা নেৎৱার্ক অসিনা মরম ওইরগা ওইথোকপা ঙম্বনি। লৈঙাক্কী লেব ৭৭৫ অমদি লন্নাইগী লেব ২৯৯গা লোয়ননা ঙসি লেব ১০৭৪ লৈবা ঙমখ্রে‍। মসিদা য়াওরিবা অসি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৫৭৯ (লৈঙাক্কী: ৩৬৬ + লন্নাইগী: ২১৩)
• ত্রুনেতদা বেজ তেস্তিং লেব: ৩৮২ (লৈঙাক্কী: ৩৭৬ + লন্নাইগী ২৯)
• সি.বি.এন.এ.এ.তি.দা বেজ তেস্তিং লেব: ৯০ (লৈঙাক্কী ৩৩ + লন্নাইগী ৫৭)

হকশেল অমসুং য়াইফ য়ুম্বাল মন্ত্রালয়না য়াম্না কনদবা/লাইওং উৎত্রিবা/লাইওং অমত্তা উৎতবা কোবিদ-১৯ কেসকী হোম ক্বারন্তিনগী শেমদোক্লবা গাইদলাইনশিং ফোঙখ্রে। গাইদলাইন অসিনা মে ১০, ২০২০দা হীরম অসিদা থোকখিবা গাইদলাইনশিং অদু সুপর্সেসন তৌরি। শেমদোক্লবা গাইদলাইনশিংগী অখুপ্পা ৱারোল মসিদা ফংগনি: https://www.mohfw.gov.in/pdf/RevisedHomeIsolationGuidelines.pdf

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

***