য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী শ্রী অমিত শাহনা ঙসি নেস্নেল কেপিতেল রিজন (এন.সি.আর.)গী য়ুনিফাইদ ওইবা কোবিদ-১৯ লালোং অমগীদমক দিল্লী, হরিয়ানা অমসুং উত্তর প্রদেশকী মুখ্য মন্ত্রীশিংগা মীফম অমা পাংথোকখ্রে
এন.সি.আর.দা লাইচৎ শন্দোকপগী চাং অসি হন্থনবা রেপিদ এন্তিজেন তেস্তশিং হেন্না তৌবদা মীৎয়েং চংবা তঙাই ফদে হায়না শ্রী অমিত শাহনা হায়খ্রে
শিবগী চাং অসি হন্থহন্নবগীদমক অনাবা মীওইশিং ঙন্না হোস্পিতালদা পুখৎপদা মীৎয়েং চংগদবনি হায়না হায়খ্রে
মীওইবগী মীনুংশিদা য়েংদুনা লাইরবা মীওইশিংগী পুন্সি কনবা য়াম্না মরু ওই-কেন্দ্রগী গৃহ মন্ত্রী
শ্রী অমিত শাহনসু অরোগ্য সেতু অমসুং ইতিহাস এপশিং শিজিন্নবা তঙাই ফদে হায়না ফোংদোকখ্রে
কোবিদ অনাবাশিং কন্সল্তেসন তৌবগী এম্স দিল্লী তেলিমেদিসিন মোদেল অদু উত্তর প্রদেশ অমসুং হরিয়ানাদা শন্দোকপা য়ারগনি- শ্রী অমিত শাহ
Posted On:
02 JUL 2020 8:16PM by PIB Imphal
কেন্দ্রগী গৃহ মন্ত্রী শ্রী অমিত শাহনা ঙসি নেস্নেল কেপিতেল রিজন (এন.সি.আর.)গী য়ুনিফাইদ ওইবা কোবিদ-১৯ স্ত্রাতিজী অমগীদমক দিল্লী, হরিয়ানা অসমুং উত্তর প্রদেশকী মুখ্য মন্ত্রীশিংগা মীফম অমা পাংথোকখ্রে৷
এন.সি.আর. রিজনদা লাইচৎ শন্দোকপগী চাং অসি হন্থনবা কোবিদ-১৯ নারমগনি হায়না চিংনবশিং অদু তেস্ত হেন্না হেন্না তৌবদা মীৎয়েং চংবা তঙাই ফদে হায়না মহাক্না ফোংদোকখ্রে৷ রেপিদ এন্তিজেন তেস্ত কিৎশিং শিজিন্নদুনা তেস্ত হেন্না হেন্না তৌবা অসিনা ৱল্দ হেল্থ ওর্গনাইজেসন্না পীবা পাউতাক্কী মতুং ইন্না লাইনা শন্দোকপগী চাং অসি চাদা ১০গী মখাদা লৈহনবদা মতেং পাংলগনি হায়না শ্রী অমিত শাহনা ফোংদোকখ্রে৷ হায়রিবা কিৎশিং অসি শিজিন্নদুনা চাদা ৯০ ফাওবা য়ৌনা স্ক্রীনিং তৌবা য়াবগী ওইথোকপা লৈ হায়না শ্রী অমিত শাহনা ফোংদোকখ্রে৷ হায়রিবা কিৎশিং অসি উত্তর প্রদেশ অমসুং হরিয়ানা সরকারশিংনা পাম্লিবা মশিং অদু ভারত সরকারনা পীবা ঙমগনি৷ মীওইবগী মীনুংশিদা য়েংদুনা লাইরবা অমসুং মতেং দরকার লৈরবা মীওইশিংগী পুন্সি কনবা য়াম্না মরু ওই হায়না শ্রী অমিত শাহনা ফোংদোকখ্রে৷ লাইনা অসিনা মী শিবগী চাং অসি হন্থহনবা য়ানবগীদমক অনাবা মীওইশিং অদু ঙন্না হোস্পিতালদা পুখৎপদা মীৎয়েং চংগদবনি হায়না মহাক্না মখানা তানা ফোংদোকখ্রে৷ শ্রী অমিত শাহনা এন.সি.আর.দা কোবিদ-১৯ মেপিংদা মতেং পাংনবগীদমক অরোগ্য সেতু অমসুং ইতিহাস এপশিং পাক শন্না শিজিন্নবা তঙাই ফদে হায়না ফোংদোকখ্রে৷
কোবিদ অনাবাশিংগীদমক দিল্লীদা শিজিন্নরিবা এম্স দিল্লী তেলিমেদিসিন কন্সল্তেসন মোদেল অদু উত্তর প্রদেশ অমসুং হরিয়ানাদসু শিজিন্নগদবনি হায়না কেন্দ্রগী গৃহ মন্ত্রীনা মখা তানা ফোংদোকখ্রে৷ উত্তর প্রদেশ অমসুং হরিয়ানানা মখোয়গী অনাবাশিং অদু এক্সপর্ত দোক্তরশিংদগী পাউতাক ফংনবগীদমক এম্স –তেলিমেদিসিন কোবিদ কন্সল্তেসন অদু য়াওবা য়াগনি হায়না মহাক্না ফোংদোকখ্রে৷ উত্তর প্রদেশ অমসুং হরিয়ানাদা লৈরিবা অপিকপা হোস্পিতালদা লৈরিবা দোক্তরশিংদা তৌগদবা ত্রনিং অদুসু তেলি-ভিদিওগ্রাফীগী মতেংনা এম্সনা পাংথোকপা ঙম্লগনি৷
নিতি অয়োগকী মেম্বর দা. ভি.কে. পোলনসু এন.সি.আর.দা কোবিদ-১৯ থেংনবগী স্ত্রাতিজীগী মতাংদা প্রজেন্তেসন অমসু পীখ্রে৷ মহাক্না দিল্লী-এন.সি.আর.দা লাইচৎ থেংনবদা শিজিন্নরিবা খ্বাইদগী ফরবা থবক থৌরমশিং অদুগী অকুপ্পা মরোল অদুসু পীখ্রে৷
মীফম অদুদা কেন্দ্রগী হকশেল অমসুং য়াইফ য়ুম্বাল মন্ত্রী দা. হার্শবর্ধন, উত্তর প্রদেশকী মুখ্য মন্ত্রী শ্রী য়োগী অদিত্যনাথ, হরিয়ানাগী মুখ্য মন্ত্রী শ্রী মনোহর লাল খত্তর, দিল্লীগী মুখ্য মন্ত্রী শ্রী আর্বিন্দ কেজ্রিৱাল অমসুং ভারত সরকার, উত্তর প্রদেশ, হরিয়ানা অমসুং দিল্লী সরকারগী সেনিয়র ওফিসিয়েলশিং শরুক য়ারম্মী৷
*****
(Release ID: 1636192)
Visitor Counter : 254