(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• এক্তিব কোবিদ-১৯ কেস্তগী রিকোবর্দ কেস মশীংনা ১,২৭,৮৪৬ হেনখ্রে
• হৌখিবা পুং ২৪ অসিদা, কোবিদ-১৯ অনাবা মীওই ১৩,১৫৭ নাবা ফখ্রে, মসিনা অপুনবা ফিগরদা ৩,৪৭,৯৭৮ য়ৌরে। রিকোবরী রেৎনা ৫৯.৪৩% য়ৌরে।
• হৌজিক-হৌজিক্কী ওইনা, কোবিদ-১৯ এক্তিব কেস মশীং ২,২০,১১৪ চেকশিন্না লাইয়েংদুনা লৈরি।
• লৈবাক অসিগী তেস্তিং লেবকী নেৎৱার্ক অসি লেব ১০৫৬ হাপচিন্দুনা মপাঙ্গল হেন্না কনখৎহনখ্রে।
• হৌখিবা পুং ২৪ অসিদা সেম্পল ২,১৭,৯৩১ তেস্ত তৌখি, মসিনা অপুনবা সেম্পল তেস্ত তৌখ্রবা মশীং ৮৮,২৬,৫৮৫ য়ৌহনখ্রে।
• জুন্দা লুপা কোতি ৯০,৯১৭গী জি.এস.তি. রেবিন্যু খোমখি।
• দোক্তরশিংগী নুমিৎ পালন তৌখ্রে; প্রধান মন্ত্রী, য়ুম্লৈ-কৈরৈ মন্ত্রী অমসুং হকশেল মন্ত্রীনা থৌরম অসিদা দোক্তশিংবু ইকাই খুম্নবা উৎখ্রে।
• পেত্রোলিয়মগী পোত্থোকশিংগী দিমান্দ মহৌশাগী ফিবমদা হঞ্জিল্লকপা হৌরে।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ কোবিদ-১৯ নাবা ফগৎলকপগী চাং হেনগৎলক্লে; চাদা ৫৯.৪৩ য়ৌরে

কোবিদ-১৯ লাকশিন্নবা অমসুং লায়েংনবা ভারত সরকার অমসুং রাজ্যশিং/য়ুতিশিংনা পুন্না অকনবা থবকশিং পায়খৎপদগী কোবিদ-১৯ এক্তিব কেস মশিংদগী হেন্দুনা হৌজিক মীওই ১,২৭,৮৬৪ অনাবা ফরে। মসিনা মরম ওইদুনা কোবিদ-১৯ অনাবা মীওইশিংগী মরক্ত ফরকপগী চাং চাদা ৫৯.৪৩ য়ৌরে। হৌখিবা পুং ২৪দা কোবিদ-১৯ অনাবা মীওই ১৩,১৫৭ অনাবা ফদুনা হৌজিক পুন্না মীওই ৩,৪৭,৯৭৮ অনাবা ফরে। হৌজিক এক্তিব কেস ২,২০,১১৪ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি। হৌজিক লৈবাক অসিদা চাংয়েং তৌনবা লেব মশিং লেপ্তনা হেনগৎলি। হৌজিক ভারত্তা কোবিদ-১৯ চাংয়েং তৌনবা লেব ১০৫৬ লৈরে। মসিগী মনুংদা সরকারগী ৭৬৪ লেবশিংনি অমসুং লনাইগী লেব ২৯২ নি। চাংয়েং তৌবগী থবকসু নুমিৎ খুদিংগী কনখৎহল্লে। হৌখিবা পুং ২৪দা সেম্পল ২,১৭,৯৩১ চাংয়েং তৌখি। হৌজিক ফাওবদা অপুনবা সেম্পল ৮৮,২৬,৫৮৫ চাংয়েং তৌখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635679

কোবিদ-১৯গী অপদেৎ

ভারত সরকারনা পীবা ভেন্তিলেতরশিংদা বাইলেবেল পোজিতিব এয়রৱে প্রেসর (বাইপাপ) মোদ য়াওদে হায়বগী ৱাথোক অমা লাকপগী পাউ হকশেল অমসুং য়াইফ –য়ুম্বাল মন্ত্রালয়না মীদিয়াগী রিপোর্ত খরদগী ফংলে। হকশেল অমসুং য়াইফ – য়ুম্বাল মন্ত্রালয়না দিল্লীগী জি.এন.সি.তি. য়াওনা রাজ্য অমসুং য়ু.তি.শিংদা পীরিবা "মেক ইন ইন্দিয়া" ভেন্তিলেতরশিং অসি আই.সি.য়ু.দা শীজিন্ননবগীদমক্তনি। হায়রিবা কোবিদ-১৯ ভেন্তিলেতরশিং অসিগী তেক্নিকেলগী স্পেসিফিকেসনশিং অসি দিরেক্তর জেনরেল ওব হেলথ সর্বিসেস (দি.জি.ঐচ.এস.), হকশেল অমসুং য়াইফ – য়ুম্বাল মন্ত্রালয়না লুচিংদুনা শেম্বা নোলেজ এক্সপর্তশিংগী তেক্নিকেল কম্মিতী অমনা পীবদগী ভেন্তিলেতরশিং অসি লৈদুনা সপ্লাই তৌবনি। লৈদুনা য়েন্থোকখ্রবা ভেন্তিলেতরশিং অসিদা স্পেসিফিকেসনশিং অসি শুনা য়াওরবনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635566

পি.এম.না দোক্তরশিংগী নুমিত্তা দোক্তরশিংদা ইকায়খুম্নবা উৎলি

প্রধান মন্ত্রী, শ্রী নরেন্দ্র মোদীনা দোক্তরশিংগী নুমিত্তা দোক্তরশিংগী মফমদা ইকায়খুম্নবা উৎখ্রে‍। ত্বীত অমদা প্রধান মন্ত্রীনা হায়খি, “কোবিদ-১৯গী মায়োক্তা থৌনা লৈনা মাংজিল থানা লান্থেংনদুনা থোইদোক হেন্দোকপা সেবা তৌরিবা – ঐখোয়গী দোক্তরশিংবু ভারতনা ইকায়খুম্নবা উৎলি। দোক্তর্স দে ২০২০

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635539

দা. হর্শ বর্ধন্না গুদ ক্লিনিকেল প্রেক্তিস গাইদলাইন হেন্দবুক এন্দ প্রোস্পেক্তস ফোর ফেলোশিপ প্রোগ্রাম ফোর ইন্তর্নেসনেল স্ত্যুদেন্তস ওব এন.বি.ই. ফোংখ্রে

হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না ঙসি গুদ ক্লিনিকেল প্রেক্তিস গাইদলাইন হেন্দবুক এন্দ প্রোস্পেক্তস ফোর ফেলোশিপ প্রোগ্রাম ফোর ইন্তর্নেসনেল স্ত্যুদেন্তস (এফ.আই.পি.এস.) ওব এন্সনেল বোর্দ ওব ইগজামিনেসন (এন.বি.ই.) ফোংখ্রে। ৱেব প্লেৎফোর্মদা ইবুক অসিবু ফোংবগী থৌরম অদুদা ৱা ঙাংলদুনা দা. হর্শ বর্ধন্না মেদিকেলগী কম্ম্যুনিতীদা লৈরিবশিংনা মখোয়গী শিনফমগী ইথিকেল বিহেবিয়রশিং ঙাক্না চৎনবগীদমক ৱাশকচগদবনি হায়না পুক্নিং চিংশিনখি। দোক্তরশিংগী নুমিত্তা দোক্ররশিংবু মহাক্না ইকাই খুম্নবা উৎলদুনা দা. হর্শ বর্ধন্না লৈবাক অসিনা জুলাই ১বু নেসনেল দোক্তর্স দেনি হায়না লাউথোক্লিবা দা. বি.সি. রোয়দা ইকাইখুম্নবা উৎখি। "দোক্তর অমা ওইবা হায়বসি ইশাগী মাই পাকপা অমনি, দোক্তর অফবা অমা ওইবা হায়বসি লেপ্পা লৈতবা শীংনবা অমনি। মসিনা মশাগী হিংনবসু তাঞ্জবা মসুং মীয়ামগী সেবাসু অমুক্তদা তৌবা মালেমদা অমত্তা ঙাইরবা শিনফম অমনি।" মহাক্না দোক্তরশিংনা কত্থোকপগা লোইননা কোবিদ-১৯ লাইচৎকী মতমদা হোৎনবীরিবশিং অসিগীদমক থমোই শেংনা ইকাই খুম্নবা উৎখি। মখোয়না ঐখোয়গী অশেংবা হিরোশিংনি হায়না দা. হর্শ বর্ধন্না ফোংদোকখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635676

কেন্দ্রগী গৃহ মন্ত্রী শ্রী অমিত শাহনা দোক্তরশিংগী নুমিত্তা দোক্তরশিংদা তৌবিমল খঙবা উত্তুনা থাগৎপা ফোঙদোক্লি

ঙসি দোক্তরশিংগী নুমিত্তা কেন্দ্র গৃহ মন্ত্রী শ্রী অমিত শাহন ত্বীত অমদা কোবিদ-১৯গী মায়োক্তা থেংনরিবা লানফম অসিবু মাঙজিল থাদুনা লমজিংলিবা ভারতকী থৌনা থরবা দোক্তরশিংদা তৌবিমও খঙবা উৎখ্রে অমদি থাগৎপা ফোঙদোকখ্রে‍। অসিগুম্লবা অরুবা তানফমসিদা লৈবাকসিবু তেক্ত-কায়দনা অমদি মশা মউ ফনা থম্নবগীদমক লেপ্লিবা মখোয়গী খোঙফম অসি তশেংনমক থোইদোক হেন্দোকপা অমনি হায়না কেন্দ্র গৃহ মন্ত্রীনা থমখি‍। দোক্তরশিংগী নুমিৎসিদা লৈবাকসিনা মখোয়গী পুক্নীং লুপ্পা অমদি কত্থোকপবু ইকায়খুম্নবা উৎলি হায়না কেন্দ্র মন্ত্রীনা মখা তাখি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635603

ঝার্খন্দগী সহিয়াশিং: মফম খুদিংদা লৈরিবা কম্ম্যুনিতি হেল্থ ৱার্করশিংদা ইথিল অমা পোকহল্লি

ঝার্খন্দদা “সহিয়াশিং” হায়না খঙনরিবা আশাশিংনা অরাপ্পা মফমশিং মরু ওইনা ত্রাইবেলগী মফমশিংদা হেল্থ ক্যেরগী সর্ভিসশিং ফংহনবদা মতেং পাংলি। স্তেৎ অসিদা সহিয়া সাথি (আশা ফেসিলিতেতর) ২২৬০না সপ্পোর্ত তৌবা সহিয়া ৪২,০০০, ব্লোক ত্রেনর ৫৮২, দিস্ত্রিক্ত কম্ম্যুনিতি মোবিলাইজর ২৪ অমসুং স্তেৎকী থাক্তা লৈবা কম্ম্যুনিতি প্রোসেস রিসোর্স সেন্তর অমা লৈ। প্রোগ্রাম অসি হৌদোকপদগী, সহিয়াশিংনা কৎথোক্তুনা অমসুং অরাপ্পা য়ৌবা ৱাবা ত্রাইবেলশিংগী মফমশিংদা হেল্থ ক্যের ফংহনবা হোৎন্দুনা লাক্লি। সাপোন অমসুং ঈশিংনা খুৎ তোয়না হামদোকপা, মীয়াম তীনবা মফমশিংদা থোকপদা মাস্কশিং/ফেস কভরশিং শীজিন্নবা, লোক খুবা অমসুং হাকথি খনবদা মথৌ তাবা হৌনা-লোনচৎ ঙাক্না চৎপা অসিগুম্বা কোবিদ-১৯ ঙাকথোক্নবা পাম্বৈশিংগী মতাংদা এৱের্নেস পীনবা মার্চ ২০২০দগী হৌনা কোবিদ-১৯গা মরী লৈনবা তোঙান তোঙানবা থবক থৌরমদা সহিয়াশিংনা থৱায় য়াওনা শরুক য়াদুনা লাক্লি। কন্তেক্ত ত্রেসিং তৌবা, লাইন লিস্তিং অমসুং কোবিদ-১৯ কেসকী ফোলো-অপ অসিদসু মখোয়না তৌরি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635562

জুন থাদা লুপা করোর ৯০,৯১৭গী গ্রোস জি.এস.তি. রিভিন্যু খোমগৎখি

জুন, ২০২০দা খোমগৎখিবা গ্রোস জি.এস.তি. রিভিন্যু অসি লুপা করোর ৯০,৯১৭নি মসিগী মনুংদা সি.জি.এস.তি.গী লুপা করোর ১৮,৯৮০, এস.জি.এস.তি.গী লুপা করোর ২৩,৯৭০, আই.জি.এস.তি.গী লুপা করোর ৪০,৩০২ (পোৎ পুশিল্লকপদগী খোমগৎপা লুপা করোর ১৫,৭০৯ য়াওরগা) অমদি সেসকী লুপা করোর ৭,৬৬৫ (পোৎ পুশিল্লকপদগী খোমগৎপা লুপা করোর ৬০৭ য়াওরগা)নি‍। থা অসিগী রিভিন্যু অসি মমাঙ চহীগী মান্নবা থাদা লৈখিবা জি.এস.তি. রিভিন্যুগী চাদা ৯১নি‍। মমাঙ চহীগী মান্নবা থাদা লাকখিবা মান্নবা জি.এস.তি.গা য়েংনবদা থা অসিগী মনুংদা পোৎ পুশিল্লকপদগী কারকখিবা রিভিন্যু অসি চাদা ৭১ অমদি দোমেস্তিক ত্রাঞ্জেক্সনদগী (সর্ভিস ইম্পোর্ত য়াওরগা) কারকখিবা রিভিন্যুসি চাদা ৯৭ ওইখি‍। লৈঙাক্না জি.এস.তি. রিতর্ন ফাইল তৌবগী মতম কোমথোকখিবদগী জুন থা মনুংসিদা মে ২০২০গী রিতর্ন খরগী মথক্তা ফেব্রুৱারী, মার্চ অমদি এপ্রিল ২০২০গী রিতর্নশিং ফাইল তৌরকখি‍। জুন ২০২০দা ফাইল তৌরমগদবা মে ২০২০গী রিতর্ন খরদি জুলাই ২০২০গী হৌরকপা নুমিৎ খরনিদা ফাইল তৌরক্লগনি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635572

পেত্রোলিয়মগী পোত্থোকশিংগী দিমান্দ মহৌশাগী ফিবমদা হঞ্জিল্লকপা হৌরে

চহিসিগী মার্চ অমসুং এপ্রীলগী অরোইবা চয়োলদা খংহন-হন্থখিবা ভাতরকী অপুম্বা পেত্রোলিয়মগী প্রদকশিং কঞ্জুম তৌবা অসি পি.এস.য়ু.শিং(আই.ও.সি., বি.পি.সি. অমসুং ঐচ.পি.সি.)গী সেল ফিগরগী ওইনা জুন ২০দা হৌজিক তপ্না-তপ্না লোকদাউন লৈত্রিঙৈদা লৈরম্বা থাকশিংদা লাক্লে। ভারত্তা পেত্রোলিয়মগী প্রদকশিংগী সেল অসি মালেমদা খ্বাইদগী থাও কঞ্জুম তৌবা নেসনগী অহুমশুবা ওইরিবা অসি কোবিদ-১৯গী লায়চৎ অসিনা মথৌ তাহনখিবা লৈবাক শিন-থুংনা লৈরিবা লোকদাউন অসিনা মরম ওইদুনা ২০০৭দগী খ্বাইদগী হন্থরকখি। লোকদাউনশিং মথং-মথং থমখিবগা অমসুং তাঙ্কক-তাঙ্কক নাইবা মওং অমদা শেন্মিৎলোন অসি অনলোক তৌরকপগা লোয়ননা ইন্দস্ত্রীগী থবকশিং হান্নগী থবক মওংদা তৌবা য়ারকপা অমসুং মীশিংনা চত্থোক-চৎশিন তৌবনা অপুনবা পেত্রোলিয়মগী প্রদকশিং কঞ্জুম তৌবা অসি জুন ১৯(১১.৮ এম.এম.তি.)গা য়েংনরুবদা জুন ২০(১১.৮.এম.এম.তি.)য়ৌখিদুনা শেন্মিৎলোনগী স্পেক্ত্রমগী সেগমেন্ত পুম্নমক্তা প্রদক্সন/ইন্দস্ত্রিএল/চত্থোক-চৎশিনগী থবকশিং অসি হেনগৎলক্লে হায়বা তাক্লি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635689

য়ু.পি.এস.সি. সিবিল সর্বিস (প্রিলিমিনরি) একজামিনেসন, ২০২০ অমসুং ইন্দিয়ন ফোরেস্ত সর্বিস একজামিনেসন, ২০২০

য়ুনিয়ন পব্লিক সর্বিস কম্মিসন্না সিবিল সর্বিস (প্রিলিমিনরি) একজামিনেসন, ২০২০ [ইন্দিয়ন ফোরেস্ত সর্বিস (প্রিলিমিনরি) একজামিনেসন, ২০২০ য়াওনা[ ০৪.১০.২০২০ (নোংমাইজিং)দা ভারত পুম্বদা রিভাইস প্রোগ্রাম ওব ইকজামিনেসন/আর.তি. ০৫.০৬.২০২০ ফোংখিবদুগী মতুং ইন্না পাঙথোক্লগনি। সিবিল সর্বিস (প্রিলিমিনরি) একজামিনেসন, ২০২০, [ইন্দিয়ন ফোরেস্ত সর্বিস (প্রিলিমিনরি) একজমিনেসন, ২০২০ য়াওনা]গী মশীং য়াম্লবা কেন্দিদেৎশিংনা পরিখাগী মফম হোংবীনবগী হায়জরকপবু য়েংলদুনা কম্মিসন অসিনা মখোয়না পাম্বা সেন্তর খন্ননবগী খুদোংচাবা অমা পীখ্রে।

অকুপ্পা ৱারোলগীদমক, ttps://www.pib.gov.in/PressReleseDetail.aspx?PRID=1635587

প্রধান মন্ত্রী গরীব কল্যান অন্ন য়োজনাগী মখাদা এপ্রিল-নবেম্বর মনুংদা চেং, গেহু অমসুং হৱায় য়েন্থোকপদা চাউরাক্না লুপা ক্রোর ১,৫০,৪৭১ চঙগনি হায়না পানরি

২০২০গী নবেম্বর অরোইবা ফাওবা প্রধান মন্ত্রী গরীব কল্যান অন্ন য়োজনা শাংদোক্লগনি হায়না প্রধান মন্ত্রী নরেন্দ্র মোদীনা ঙরাং লাউথোকখ্রে। মহাক্না হায়খি স্কিম অসি জুলাইদগী ২০২০গী নবেম্বর ফাওবা শাংদোকলে। থা ৫গী মতম অসিগী মনুংদা মীওই ক্রোর ৮০ হেনবদা থা অমদা লেম্না চেং/গেহু কেজি ৫ লেম্না পীগনি অমসুং থা অমদা ইমুংদা অমদা চানা মপুম কেজি ১ লেম্না পীগনি। সেন্তরনা লেপ্পা চেং/গেহুগী মমল অসি থা অমদা লুপা ক্রোর ১,৪০০ ওইদুনা চাউরাক্না লুপা ক্রোর ১১,২০০ চাদিং তৌখি। অসুম্না, চেং, গেহু অমসুং হৱায় য়েন্থোকপদা চাউরাক্না লুপা ক্রোর ১,৫০,৪৭১ চঙগনি হায়না পানরি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635648

লায়রবশিংদা লেম্না চানবা পীগদবা প্রধান মন্ত্রী গরীব কল্যান অন্ন য়োজনা নবেম্বর ফাওবা শাংদোকপগীদমক য়ুনিয়ন হোম মিনিস্তরনা প্রধান মন্ত্রী শ্রী নরেন্দ্র মোদীবু থাগৎখ্রে

য়ুনিয়ন হোম মিনিস্তরনা মহাক্কী ত্বীৎ অমদা হায়খি "মহাক্কী তুইত অমদা , মখোয়গী থবক কন্না শুবা অমসুং কৎথোকপনা হৌজিক অৱাবা তারবা মতমদা লায়রবশিংগী মতেং পাংবগীদমক লৈবাক অসিগী থবক কন্না শুরিবা লৌমীশিং অমসুং পুকচেল শেংনা তেক্স থিরিবশিংদা অমিৎ শাহনা মহাক্কী থাগৎপা ফোংদোকখি ।"

অকুপ্পা ৱারোলগীদমক,https://www.pib.gov.in/PressReleseDetail.aspx?PRID=1635433

কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মন্ত্রী শ্রী নরেন্দ্রা সিংহ তোমারনা লৌমীশিংদা খারিফ পন্থা মনুংদা মহৈ-মরোং পুথোকপা হেন্নবা খ্বাইদগী ফবা লৌউ-শিংউগী পাম্বৈশিং শীজিন্ননবা খঙহনখ্রে

কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মন্ত্রী শ্রী নরেন্দ্রা সিংহ তোমারনা লৌমীশিংদা মখোয়গী লৌফম অদুগী মতুং ইন্না লৌউবদা কান্নবা ফংনবা তোঙান তোঙানবা মখল কয়াগী মহৈ-মরোংশিং থানবা খঙহনখ্রে। লৈবাক অসিগী লৌমীশিংদা ইবা চিথী অমদা শ্রী তোমারনা হায় লৈবাক অসিগী অয়াম্বা শরুক্তা নোংজু থা লাকপগা ইরোইননা মফম অয়াম্বদা মহৈ মরোং লিংবগী থবক লোয়খ্রে অমসুং অতোপ্পা মফম খরদনা হৌজিক লিংলি। চিথী অদুদা শ্রী তোমারনা হায় মহাক্না লৌমীশিংগা পাও ফাওন্দুনা পোত্থোক পুথোকপা হেন্নবা খ্বাইদগী ফবা লৌউ-শিংউগী পাম্বৈশিং শীজিন্ননবা হায়খ্রে। কোবিদ-১৯গী লোকদাউন মনুংদা লৌমী ইচিন-ইনাওনা কৎথোকখিবা অদুবু থাগৎলদুনা, শ্রী তোমারনা চিথী অমদা লৌমীশিংদা লৈবাক্কী শেন্মীৎলোনদা লৌউ-শিংউগী পোত্থোক্না মরু ওইবা থৌদাং লৌরি; লৌউ-শিংউ অমসুং খুঙ্গংশিং অত্মানির্ভার ভারতকী হৌরকফম ওইরি হায়না হায়খ্রে

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635599

কোবিদ-১৯গী ৱারবা মতম অসিদা আর.সি.এফ.না লৌমীশিংদা হার ফংহল্লে

আর.সি.এফ প্লান্তশিং থবক ফজনা শুরি অমসুং মসিগী হারগী পোৎথোকশিং মরাংকাইনা পুথোকলি। মসিনা হার কয়া পুথোকপগী মথক্তা, আর.সি.এফনা দি.এ.পি, এ.পি.এস(২০:২০:০:১৩) অমসুং এন.পি.কে(১০:২৬:২৬)মেত্রিক তন লাখ ২ হেন্না কালেন লৌরোক্কী ওইনা লৌমীশিংদা ফংহনখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635634

পি.আই.বি. ফিল্দ ওফিসশিংদগী ফংবা পাউ

• চন্দিগরঃ য়ু.তি. চন্দিগরগী এদমিনিস্ত্রেতরনা অঙনবা তাংকক্তা কেশশিং খঙদোকপা ঙম্নবগীদমক মপান্দগী লাকপা অনাবশিংবু শেন্নবগী থবক হেন্না চেকশিন্না তৌনবা খঙহনখ্রে। মহাক্না হেলথ ওফিসিএলশিংদা খুদোংথীবা তাবা য়াবা হায়বদি মিরোনবী নুপীশিং, অহল ওইরবা মীওইশিং অমসুং অঙাংশিংদা মীৎয়েং থম্নবসু খঙহনখি। মহাক্না করিগুম্বা য়ুম্লোন কৈরোন্নবদা লৈবা মীওইশিংগী মরক্তা কোরোনাগী লাইওং উত্থোকপা লৈরবদি খুদক্তা পাউ পীরক্তুনা ঙল্লিঙৈ মতমদা লাইয়েংহৌনবসু পাউতাক পীখি।
• পঞ্জাবঃ পঞ্জাব সরকারনা ০১.০৭.২০২০দগীনা ৩০.০৭.২০২০ ফাওবা 'অনলোক ২'গীদমক তাংকক নাইনা হাংদোক্নবগী চৎন-কাংলোন অমা ফোংখ্রে অমসুং কন্তেন্মেন্ত জোনগী মপান্দা লৈবা মফমশিংদা তপ্না-তপ্না হাংদোকপা অহেনবা থবক-থৌরম কয়া হাংদোকপা হৌনবগীদমক ৱারেপ লৌখ্রে। সোসিএল দিস্তেন্সিং ঙাক্নবগীদমক, থবক থৌরম খুদিংমক্তা ফুৎ ৬কী অরাপ্পা (দো গজ কি দুরি) থম্নবা খঙহনখ্রে। মসিগী মতুং ইন্না, করিগুম্বা অথিংবা লৈতবা থবক থৌরম অমহেক্তনা মরম ওইদুনা মী চিলহনবা অমসুং ইন্নহনবা থোক্লবদি, সোসিএল দিস্তেন্সিংগী কাংলোনশিং ঙাক্না চৎননবগীদমক ওফিস নত্ত্রগা ইস্তাব্লিস্মেন্তনচিংবশিং তপ্না তপ্না হাঙ্ঘনবা, শিন্নরগা হাংহনবনচিংবা তৌরকপা য়াই। মী তিনবা মফমদা, থবক শুফম য়াওনা, চত্থোক চৎশিন তৌরিবা মী খুদিংমক মাস্ক উপ্পা তঙাইফদে অমসুং শোইদনা উপকদবনি।
• হিমাচল প্রদেশঃ প্রধান মন্ত্রী নরেন্দ্র মোদীনা প্রধান মন্ত্রী গরীব কল্যান অন্ন য়োজনাবু হন্দক চহীগী নবেম্বর ফাওবদা শাংদোকপীখিবগীদমক মুখ্য মন্ত্রীনা থাগৎচখ্রে। মুখ্য মন্ত্রীনা হায়খি, প্রধান মন্ত্রীনা ইমুং অমগী মীপুম খুদিংদা চেঙ/ গেহু কিলো ৫ পীবগা লোইননা মীওই করোর ৮০ হেনবগী ইমুং খুদিংমক্তা হোল গ্রাম কিলো অমমম থা মঙা শাংথনা পীবীগনি লাউথোকখিবসিনা অসিগুম্বা খম থেংনা ৱানরবা মতম অসিদদি মীয়ামগীদি লাইবক ফবা খোংথাং অমা ওইরগনি।
• হরিয়ানাঃ উপ্প মুখ্য মন্ত্রীনা কেন্দ্র সরকারদা শা ঙা য়োকপা, মরুওইনা য়েন লোইবা অমসুং মসিগা মরী লৈনবা থবক থৌরমশিংবু 'আত্মনির্ভর ভারত' পেকেজগী মখাদা স্মোল, মাইক্রো অমসুং মেদিয়ম ইন্দস্ত্রীগী কাংলুপতা চলহনবীবগা লোইননা মসিগী সেক্তর অসিদা কোবিদ-১৯ লাইচৎকী য়েংবীদুনা কেন্দ্রগী শেল-থুম মন্ত্রালয়না বেঙ্কশিংদগী লোন পীবীনবা চৎন-কাংলোনশিং ফোংবীনবা হায়জখ্রে।
• কেরলাঃ রাজ্যগী মন্ত্রী মন্দল মীফম্না ঙসি বসকী ভরা হেনগৎপদা য়াখ্রে; হেনগৎলিবা ভরা অসি কোবিদ-১৯না হেক লাকশিন্দ্রবফাওবা চৎনগনি। কেরলাদা চঙলকপা য়ানবগীদমক জগ্রাথা পোর্তেলদা মিং চনবগী থবক মখা তানা চৎনখিগনি। জুলাই ৩১ ফাওবা কন্তেন্মেন্ত জোনশিংদা অকনবা লোকদাউন চত্থখিগনি। মরক অসিদা, ৱানায়াদতগী চহী ৪০ শুরবী কত্তুনাকর ত্রাইব নুপী অমা পোজিতিব ওইরে, ত্রাইবেলনা নম্না তাবা পঞ্চায়ৎ অসিদা লাইনা অসিনা নাবা অহানবা ত্রাইব ওইরে। রাজ্য অসিগী মপান্দা কোরোনানা মরম ওইদুনা মীওই মাপন অমগা লৈখিদ্রে। ঙরাং, কোবিদ-১৯গী অনৌবা কেস ১৩১ লাকখি। মসিগী মনুংদগী কেস তরাদি লোকেল ত্রান্মিসন্নি। হৌজিক অনাবা মীওই ২,১১২ রাজ্য অসিদা তোঙান-তোঙানবা হোস্পিতালশিংদা লাইনা অসিদগী লাইয়েংলি।
• তমিল নাদুঃ রাজ্য সরকারনা খুঙ্গংগী মফমশিংদা মীয়াম্না জুলাই ১দগী লাই খুইরুম্বা য়ানবা এস.ও.পি. অমা থোকখ্রে, অদুমওইনমক হায়রিবা মফমশিং অসি মদুরাই নত্তনা কোবিদ-১৯ কেসশিংনা মরম ওইদুনা চেন্নই অমসুং কাঞ্চীপুরম, থিরুভালুর অমসুং চেনগলপত্তুগুম্বা জিল্লাশিংদদি হাংলোইদৌরি। নুমিৎ ৬নিগী খোংচৎকী মতুংদা তমিল নাদুদগী ৬৫২ য়াওনা ভারত মচা ৬৮৭না আই.এন.এস. জলাস্বাদা থুথুকুদি য়ৌখ্রে। ঙরাং অনৌবা কেস ৩৯৪৩, রিকোবরী ২৩২৫ অমসুং মীওই ৬০ লৈখিদ্রে। অপুনবা কেসঃ ৯০১৬৭, এক্তিব কেসঃ ৩৮৮৮৯, লৈখিদ্রবাঃ ১২০১। চেন্নইদা লৈবা এক্তিব কেস অসি ২২৬১০নি।
• করনাতাকাঃ রাজ্য সরকারনা লৈবাকপোকপা নুমিত্তা অনলোক ২.০গী চৎন-কাংলোনশিং পুথোকখ্রে, হায়রিবসি জুলাই ৩১ ফাওবা চৎনগনি। জুলাইদগীদি নুমিদাংগী কর্ফ্যুশিং নুমিদাং পুং ৮দগী অয়ুক্কী পুং ৫ ফাওবা ওইরগনি; নুমিৎ মঙানিগী সরকারগী থবক কাবা; মহৈলোইশঙশিংদি অদুমক লোনখিগনি। জুলাই ১৫দগী বেঙ্গলুরু অমসুং উদুপিদা সেরো সর্বে তৌগনি, অহানবগী ওইনা নৈনরবা মতুংদা করনাতাকা পুম্বা অমুক তৌগনি। ২০ শিদুনা লৈবাকপোকপা নুমিত্তা রাজ্য অসিদা খ্বাইদগী য়াম্না শিখ্রে। ঙরাং অনৌবা কেস ৯৪৭ লাক্লে অমসুং ৩২৫ রিপোর্ত তৌরকখ্রে। অপুনবা কেসঃ ১৫২৪২, এক্তিব কেসঃ ৭০৭৪, লৈখিদ্রবাঃ ২৪৬, দিসচার্জঃ ৭৯১৮।
• অন্ধ্র প্রদেশঃ রাজ্য অসিগী মেদিকেল ইনফ্রাস্ত্রকচরদা অহেনবা হাপকৎলকপা ওইনা, মুখ্য মন্ত্রীনা কোবিদ-১৯গী মনুংদা য়াম্না থুবা মওংদা মেদিকেল সর্বিস পীবা য়ানবগীদমক অনৌবা এম্বুলেন্সকী সর্বিস ১০৮ অমসুং ১০৪ হৌদোকখ্রে। হাই কোর্তনা লোৱর কোর্তশিংদা চত্থবা থবকশিং মতম খরা লেপ্নবা য়াথং পীখ্রে। অদুমওইনমক, য়াথং অদুদা, ইমর্জেন্সীশিংগী ওইনদি ওনলাইন্দা পেতিসন ফাইল তৌনবা খংহনখি। প্রাকাসম জিল্লাদা পুলিস ১০ অমসুং আয়ুশ মেদিকেল ওফিসর অমা পোজিতিব ওইরে। হৌখিবা পুং ২৪ অসিদা সেম্পল ২৮,২৩৯ তেস্ত তৌরবা মতুংদা অনৌবা কেস ৬৫৭, দিসচার্জ তৌখিবা ৩৪২, অমসুং লৈখিদ্রবা ৬ রিপোর্ত তৌরকখ্রে। কেস ৬৫৭গী মনুংদগী ৩৯না ইন্তর স্তেত কেসনি অমসুং তরেৎনা মপান্দগীনি। অপুনবা কেসঃ ১৫,২৫২, এক্তিব কেসঃ ৮০৭১, দিসচার্জঃ ৬৯৮৮, লৈখিদ্রবাঃ ১৯৩।
• তেলঙ্গানাঃ সাউথ সেন্ত্রেল রেলৱেনা কোবিদ-১৯ লাইয়েংনবগীদমক রেলৱে হোস্পিতাল হৌদোকখ্রে; আই.সি.এম.আর.না হোস্পিতালশিংদা লাইয়েংনবগীদমক পীবা চৎন-কাংলোনশিংদা য়ুম্ফম ওইদুনা পীরি। তেলঙ্গানা সরকারনা কন্তেন্মেন্ত জোনশিংদা জুলাই ৩১ ফাওবদা লোকদাউন শাংদোকখ্রে, মসিগা লোইননা কন্তেন্মেন্ত জোনশিংগী মপান্দা তপ্না তপ্না হাংদোক্নবা খঙহনখ্রে। ঙরান ফাওবদা লৈখিবা অপুনবা কেসঃ ১৬৩৩৯, এক্তিব কেসঃ ৮৭৮৫, লৈখিদ্রবাঃ ২৬০ দিসচার্জঃ ৭২৯৪।
• অরুনাচল প্রদেশঃ অরুনাচল প্রদেশকী মুখ্য মন্ত্রীনা জাতিগী দোক্তরশিংগী নুমিত্তা পীখিবা মহাক্কী ৱারোলদা হায়খ্রে মদুদি মালেমগী থাক্তা কোবিদ-১৯না অৱাবা পীরি, ঐখোয়গী দোক্তর অমসুং ফ্রন্তলাইন হেলথকেয়র ৱারকরশিংনা অয়ুক নুমিদাং খাক্তনা পুন্সি কল্লি। মখোয়না মশাবু কত্থোক্তুনা মীয়াম্বু লাইনা অসিদগী ঙাকথোকপীবগীদমক মখোয়গী শোই ঙামদনবগীদমক থৌনিজরি।
• অসমঃ অসমগী হকশেল মন্ত্রী হিমন্ত বিস্বা শর্মনা অসমদা কোবিদ-১৯ তেস্তিং লেব ১৩ লৈরে অমসুং ৬ অমা অথুবদা হাপকৎলগনি হায়না ত্বীৎ তৌখ্রে।
• মনিপুরঃ মনিপুরগী মুখ্য মন্ত্রী এন. বিরেন্না ঙসি দোক্তরশিংগী নুমিৎনা লাকপদা কোবিদ-১৯গা লান্থেংনরিবা দোক্তর খুদিংমক্তা মহাক্না ইকাই খুম্নবা উৎখ্রে।
• মিজোরমঃ মিজোরমদা ঙসি রিকোবর্দ তৌখ্রবা অনাবা অমা দিসচার্জ তৌখ্রে। হৌজিক রাজ্য অসিদা এক্তিব কেস ৩৭ লৈরি। অপুনা কোবিদ-১৯ কেস মশীংনা ১৬০নি। ১২৩ নাবা ফখ্রে। মিজোরমগী মুখ্য মন্ত্রী জোরাম্থাঙ্গানা প্রধান মন্ত্রী নরেন্দ্র মোদী অমসুং কেন্দ্রগী মন্ত্রী রাম বিলাস পাসৱনবু পি.এম.জি.কে.ৱাই. শাংদোকপীখিবগীদমক থাগৎপা ফোংদোকখ্রে।
• নাগালেন্দঃ জাতিগী দোক্তরশিংগী নুমিত্তা, নাগালেন্দগী হকশেল অমসুং য়াইফয়ুম্বাল মন্ত্রীনা দোক্তরশিংদা ইকাই খুম্নবা উৎখ্রে; মখোয়না অসিগুম্বা ৱারবা মতম অসিদা মীয়ামগীদমক তৌবীরিবা কত্থোকপগী থবকশিং অসি শিংথানিঙাইনি হায়খ্রে।
• সিক্কিমঃ সিক্কিমগী মুখ্য মন্ত্রীনা কোবিদ ফ্রন্তলাইন ৱারিয়র খুদিংমক্তা মখোয়গী কত্থোকপগী থবকশিং অসিগীদমক নুংশিবা অমসুং ইকাই খুম্নবগী খুদোল ওইনা শেলগী ইন্সেন্তিবশিং পীনবা লাউথোকখ্রে। মহাক্না দোক্তরশিংগীদমক অমুক্তং পীগদবা মনা ওইনা লুপা ২০,০০০, সর্সিং স্তাফশিংগীদমক লুপা ১০,০০০, অমসুং সপ্পোর্তিং স্তাফশিংগীদমক লুপা ৫০০০ লাউথোকখি।
• মহারাস্ত্রাঃ মহারাস্ত্রদা হৌজিক লৈরিবা কোবিদ১৯ অনাবা মশীং অসি ১৭৪৭৬১নি। লৈবাকপোকপা নুমিত্তা মীওই ৪৮৭৮ পোজিতিব ওইরকপগা লোইননা অনাবা ১৯৫১ নাবা ফখি। হৌজিক ফাওবদা অপুনবা মীওই ৯০৯১১ নাবা ফখ্রে। অপুনবা এক্তিব মশীংনা ৭৫৯৭৯নি। গ্রেতর মুম্বাই রিজন্দা, লৈবাকপোকপা নুমিত্তা অনৌবা কেস ৯০৩, রিকোবরী ৬২৫ অমসুং ৩৬ লৈখিদ্রে। মুম্বাইদা অপুনবা কেস মশীং ৭৭১৯৭ লৈরি, অপুনবা নাবা ফখিবনা ৪৪১৭০, অমসুং লৈখিদবনা ৪৫৫৪মি। অতোপ্পা অমদনা রাজ্য অসিগী কৈশুমশঙ ১১দা লৈবা মীওই ৩৬১ পোজিতিব ওইরে, মসিগী মনুংদগী ১০৬না এক্তিব কেসনি। হায়রিবা কৈশুমশঙশিং অসিদা লৈবা প্রিজন স্তাফ ৯৪ পোজিতিব ওইখ্রে অমসুং মরিসু্ লৈখিদ্রবনি।
• গুজরাৎঃ পুং ২৪গী মনুংদা অনৌবা কেস ৬২৬ লাকপগা লোইননা হৌজিক ফাওবদা অপুনবা কেস ৩২৪৪৬ য়ৌরে। রাজ্য অসিদা কোবিদ-১৯না মরম ওইদুনা ২০ লৈখিদবগা লোইননা অপুনবা লৈখিদবা মশীং ১,৮৪৮ শুখ্রে। খ্বাইদগী য়াম্বা কেস সুরত্তগী ১৮৩ লাকখি, মসিনা অহেমদবাদতগী অনৌবা কেস মশীংদা লান্থোকখ্রে। অহেমদবাদ শহরদগী অনৌবা কেস ১৮২ লাকখি। হৌখিবা পুং ২৪ অসিদা তোঙান-তোঙানবা হোস্পিতালশিংদগী মীওই ৪২২ নাবা ফদুনা থাদোকখি। মসিগা লোইননা কোবিদ-১৯দগী নাবা ফরবা মশীং ২৩৬৭০ শুখ্রে। রাজ্য অসিদা হৌজিক ফাওবদা সেম্পল লাখ ৩গা লিশিং ৭৩ তেস্ত তৌখ্রে। মরিক অসিদা ঙসিদগী হৌদুনা অনলোক ২গী চৎন-কাংলোনশিং চৎনবা হৌখ্রে, দুকানশিংনা নুমিদাংগী পুং ৮ফাওবা হাংবা য়াগনি, হোতেল অমসুং রেস্তোরন্তশিংনা কন্তেন্মেন্ত জোন নত্তবা মফমশিংদা নুমিদাং পুং ৯ ফাওবা হাংবা য়ারগনি। আই.আই.তি-গান্ধীনগরনা আর্তিফিসিএল ইন্তেলিজেন্সতা য়ুম্ফম ওইবা চেস্ত- এক্স রে লৌদুনা কোবিদ-১৯ দিতেক্ত তৌনবা খুৎলাই অমা পুথোকখ্রে। মসিগী খুৎলাই অসি মেদিকেল তেস্ত তৌদ্রিঙৈ মমাংদা অথুবগী ওইনা তেস্ত মচা অমা তৌবা য়ারগনি।
• রাজস্থানঃ লৈবাকপোকপা নুমিত্তা অনৌবা কেস ৭৮ লাকপগা লোইননা রাজ্য অসিগী অপুনাব মশীং ১৮০৯২ য়ৌখ্রে। রিকবরী মশীংনা ১৪২৩২ ওইরে। অলৱার জিল্লাদা অনৌবা কেস ২৯ লাকখ্রে অমসুং জয়পুরদগী ২৫ লাকখ্রে।
• মধ্য প্রদেশঃ লৈবাকপোকপা নুমিত্তা অনৌবা কেস ২২৩ লাকখি মসিনা রাজ্য অসিগী উপুনবা কেস মশীংদা ১৩,৫৯৩ য়ৌহনখ্রে। হৌজিক এক্তিব পেসেন্ত ২৬২৬ লৈরি, অদুগা অপুনবা রিকোবরীনা ১০,৩৯৫ নি অমসুং অপুনবা লৈখিদ্রবা মশীংনা ৫৭২নি। হোৎস্পোৎ ওইরিবা ইন্দোরদা অনৌবা কেস ৪৫ লাকখ্রে অমসুং লৈবাকপোকপা নুমিত্তা ৩ লৈখিদ্রে, মসিগা লোইননা অপুনবা কোবিদ-১৯ মশীং ৪৭০৯ য়ৌখ্রে। কোনুং ওইরিবা শহর বোপালদা লৈবাকপোকপা নুমিত্তা অনৌবা কেস ২৫ অমসুং ৩ লৈখিদ্রে। মসিদগী বোপালগী অপুনবা মশীং ২৭৮৯ ওইরে। মসিগা লোইননা, মোরেনা জিল্লাদসু অনৌবা কেস ৫৯ লাকখ্রে, গ্বালিয়রদা কেস ১৪ লৈরে, অমসুং ভিন্দনা অনৌবা কেস ১২ লাকখ্রে। কিল কোরোনা কেম্পেন অমা কোবিদ-১৯ মরক অসিদা ঙসি রাজ্য অসিগী য়ুম্থোং খুদিং য়ৌনবা হৌদোকখ্রে। মীওই ১১,৪০০ হেনবনা ঙসিদগী হৌদুনা থা অসিগী ১৫ ফাওবদা য়ুম্থোং খুদিংদা তঙাইফদবা গীয়রশিংগা লোইননা সর্বে তৌগনি। রাজ্য অসিনা সারথক কৌবা এপ অমা শাদুনা সর্বে অসিগী দোকুমেন্ত তৌনবা শীজিন্নগনি।
• ছতিশগরঃ লৈবাকপোকপা নুমিত্তা অনৌবা পোজিতিব কেস ৬৩ লাকপগা লোইননা রিকোবরী ১০০ তৌখি, মসিনা অপুনবা কোবিদ-১৯ কেস মশীং ২৮৫৮ শুখ্রে। রাজ্য অসিদা এক্তিব কেস মশীং ৫৯৫ লৈরি অমসুং হৌজিক ফাওবদা অনাবা ২২৫০ নাবা ফখ্রে।
• গোৱাঃ লৈবাকপোকপা নুমিত্তা অনৌবা কেস ৬৪ কোবিদ-১৯না নারে হায়বা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ১৩১৫ য়ৌরে। রাজ্য অসিদা এক্তিব কেস ৭১৬ লৈরি। লৈবাকপোকপা নুমিত্তা ৭২ রিকোবর তৌখি। মসিনা অপুনবা রিকোবরী মশীং ৫৯৬ শুহনখ্রে।

ফেক্ত চেক

*****