কোবিদ-১৯ লাকশিন্নবা অমসুং লায়েংনবা ভারত সরকার অমসুং রাজ্যশিং/য়ুতিশিংনা পুন্না অকনবা থবকশিং পায়খৎপদগী কোবিদ-১৯ এক্তিব কেস মশিংদগী হেন্দুনা হৌজিক মীওই ১,২৭,৮৬৪ অনাবা ফরে। মসিনা মরম ওইদুনা কোবিদ-১৯ অনাবা মীওইশিংগী মরক্ত ফরকপগী চাং চাদা ৫৯.৪৩ য়ৌরে। হৌখিবা পুং ২৪দা কোবিদ-১৯ অনাবা মীওই ১৩,১৫৭ অনাবা ফদুনা হৌজিক পুন্না মীওই ৩,৪৭,৯৭৮ অনাবা ফরে।

হৌজিক এক্তিব কেস ২,২০,১১৪ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি।

হৌজিক লৈবাক অসিদা চাংয়েং তৌনবা লেব মশিং লেপ্তনা হেনগৎলি। হৌজিক ভারত্তা কোবিদ-১৯ চাংয়েং তৌনবা লেব ১০৫৬ লৈরে। মসিগী মনুংদা সরকারগী ৭৬৪ লেবশিংনি অমসুং লনাইগী লেব ২৯২ নি।

লেবোরেতোরিশিং অদু মখাদা পীরি :

রিএল-তাইম আর তি পি সি আর তেস্তিং লেবস : ৫৭৬(সরকার :৩৬৫+লনাই: ২১১)

ত্রুনেত তেস্তিং লেবস : ৩৯৪(সরকার : ৩৬৭ + লনাই : ২৭)

সি বি এন এ এ তি তেস্তিং লেব : ৮৬ (সরকার :৩২+লনাই:৫৪)

চাংয়েং তৌবগী থবকসু নুমিৎ খুদিংগী কনখৎহল্লে। হৌখিবা পুং ২৪দা সেম্পল ২,১৭,৯৩১ চাংয়েং তৌখি। হৌজিক ফাওবদা অপুনবা সেম্পল ৮৮,২৬,৫৮৫ চাংয়েং তৌখ্রে।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*****