জুন, ২০২০দা খোমগৎখিবা গ্রোস জি.এস.তি. রিভিন্যু অসি লুপা করোর ৯০,৯১৭নি মসিগী মনুংদা সি.জি.এস.তি.গী লুপা করোর ১৮,৯৮০, এস.জি.এস.তি.গী লুপা করোর ২৩,৯৭০, আই.জি.এস.তি.গী লুপা করোর ৪০,৩০২ (পোৎ পুশিল্লকপদগী খোমগৎপা লুপা করোর ১৫,৭০৯ য়াওরগা) অমদি সেসকী লুপা করোর ৭,৬৬৫ (পোৎ পুশিল্লকপদগী খোমগৎপা লুপা করোর ৬০৭ য়াওরগা)নি‍।

লৈঙাক্না আই.জি.এস.তি.দগী রিগুলর সেত্তলমেন্ত ওইনা সি. জি.এস.তি.দা লুপা করোর ১৩,৩২৫ অমদি এস.জি.এস.তি.দা লুপা করোর ১১,১১৭ সেত্তল তৌখ্রে‍। রিগুলর সেত্তলমেন্ত মতুংদা জুন, ২০২০দা কেন্দ্র লৈঙাক অমদি স্তেত লৈঙাকশিংনা তানখিবা অপুনবা রিভিন্যু অসি সি.জি.এস.তি.গী লুপা করোর ৩২,৩০৫ অমদি এস.জি.এস.তি.গী লুপা করোর ৩৫,০৮৭ নি‍।

থা অসিগী রিভিন্যু অসি মমাঙ চহীগী মান্নবা থাদা লৈখিবা জি.এস.তি. রিভিন্যুগী চাদা ৯১নি‍। মমাঙ চহীগী মান্নবা থাদা লাকখিবা মান্নবা জি.এস.তি.গা য়েংনবদা থা অসিগী মনুংদা পোৎ পুশিল্লকপদগী কারকখিবা রিভিন্যু অসি চাদা ৭১ অমদি দোমেস্তিক ত্রাঞ্জেক্সনদগী (সর্ভিস ইম্পোর্ত য়াওরগা) কারকখিবা রিভিন্যুসি চাদা ৯৭ ওইখি‍। লৈঙাক্না জি.এস.তি. রিতর্ন ফাইল তৌবগী মতম কোমথোকখিবদগী জুন থা মনুংসিদা মে ২০২০গী রিতর্ন খরগী মথক্তা ফেব্রুৱারী, মার্চ অমদি এপ্রিল ২০২০গী রিতর্নশিং ফাইল তৌরকখি‍। জুন ২০২০দা ফাইল তৌরমগদবা মে ২০২০গী রিতর্ন খরদি জুলাই ২০২০গী হৌরকপা নুমিৎ খরনিদা ফাইল তৌরক্লগনি‍।

কোবিদ-১৯না মরম ওইদুনা শেনবা চহীসিদা রিভিন্যু কারকপগী ফীভমদা চৈথেং ফংখি, অহানবদা লাইচৎ অসিনা শেন্মিৎলোনদা শোকহনবদগী অমদি অনিশুবদনা লাইচৎ অসিনা মরম ওইরগা লৈঙাক্না রিতর্ন ফাইল তৌবগী অমদি খাজনা থিবগী মতম কোমথোকখিবদগীনি‍। অদুম ওইনমক হৌখিবা থা অহুমসিদা লৈখিবা ফীভমসিনা জি.এস.তি. রিভিন্যু অমুক হিঙ্গৎলক্লে হায়বা উৎলি‍। এপ্রিল থাদা খোমগৎখিবা জি.এস.তি. লুপা করোর ৩২,২৯৪ ওইদুনা মমাঙ চহীগী মান্নবা থাদা খোমগৎখিবা রিভিন্যুগী চাদা ২৮ ওইখি, অমদি মে থাদা লুপা করোর ৬২,০০৯ খোমগত্তুনা মমাঙ চহীগী মান্নবা থাদা খোমগৎখিবা রিভিন্যুগী চাদা ৬২ ওইখি‍। চহীসিগী অহানবা ক্বার্তরদা খোমগৎখিবা জি.এস.তি. অসি মমাঙ চহীগী মান্নবা ক্বার্তরদা খোমগৎখিবা রিভিন্যুগী চাদা ৫৯ নি‍। অদুম ওইনমক মশীং য়াম্লবা তেক্সপেয়রশিংনা মখোয়গী মে, ২০২০গী রিতর্ন ফাইল তৌরকপগী মতম হৌজিকসু লৈরি‍।

চার্ত অসিনা চৎলিবা চহীসিদা থাগী ওইনা লৈখিবা গ্রোস জি.এস.তি. রিভিন্যুগী ফীভম উৎলি‍। তেবল অসিনা স্তেতশিংনা জুন, ২০২০দা খোমগৎখিবা জি.এস.তি.গী স্তেত-স্তেতশিংগী ফিগর জুন, ২০১৯গা চাংদম্নদুনা অমদি চহী পুম্বগী ওইনা উৎলি‍।

তেবল: এপ্রিল ২০২০দা স্তেত-স্তেতকী খোমগৎখিবা জি.এস.তি. [1]

[1] পোৎ পুশিল্লকপদা লৌবা জি.এস.তি. য়াওদে

************