প্রধানমন্ত্রীগী লোইশঙ

প্রধান মন্ত্রীনা মীয়ামদা ৱা ঙাংখ্রে অমসুং প্রধান মন্ত্রী গরীব কল্যান অন্ন য়োজনা মখা শাংদোক্লে হায়না লাউথোকখি
স্কিম অসি দিপাবলী অমসুং ছথ পুজা হায়বদি নবেম্বর অরোইবা ফাওবা শাংদোক্লে : প্রধান মন্ত্রী
থা অমদা ইমুং অমদা চানা মপুম কে.জি. অমা লেম্না পীবগা লোয়ননা ইমুং অমগী মীওই অমমমদা –পুন্না মীওই করোর ৮০ হেনবদা চেং/গেহু কে.জি. ৫ লেম্না পীগনি
স্কিম অসি থবক ওইনা পাংথোকপা ঙম্বগীদমক প্রধান মন্ত্রীনা লৌমীশিং অমসুং পুকচেল শেংনা তেক্স থিরিবশিংবু থাগৎখ্রে
কোরোনাভাইরসগী মায়োক্তা শোক্নরিবা লাল অসি অনলোক ২ য়ৌরকপগা লোয়ননা, লোকদাউন মনুংগী চেকশিনবা অদুগা চপ মান্ননা লৈনবা প্রধান মন্ত্রীনা মীওই খুদিংমক্তা খঙহনখ্রে

Posted On: 30 JUN 2020 4:24PM by PIB Imphal

ঙসি প্রধান মন্ত্রী নরেন্দ্র মোদীনা লৈবাক্কী মীয়ামদা ৱা ঙাংখি অমসুং নবেম্বর অরোইবা ফাওবা প্রধান মন্ত্রী গরীব কল্যান অন্ন য়োজনা মখা শাংদোক্লে হায়না লাউথোকখ্রে।

লায়রবশিং মতেং পাংবা

প্রধান মন্ত্রীনা হায়খি লোকদাউন মনুংদা লায়রবশিংদা চানবা ফংহনবা অসি লৈবাক অসিনা খ্বাইদগী মরুওইনা লৌখি। লোকদাউন হেক লাউথোকপগা সরকারনা প্রধান মন্ত্রী গরীব কল্যান য়োজনা পায়খৎতুনা লায়রবশিংগী লুপা করোর লাখ ১.৭৫গী পেকেজ অমা লাউথোকখি।

মহাক্না হায়খি হৌখিবা থা অহুমদা লায়রবা ইমুং করোর ২০গী জন ধন একাউন্তশিংদা লুপা করোর ৩১,০০০ হাপচিনখ্রে, লৌমী করোর ৯ হেনবগী বেঙ্ক একাউন্তশিংদা লুপা করোর ১৮,০০০ হাপচিনখ্রে অমসুং শিন্মীশিং থবক পীনবা প্রধান মন্ত্রী গরীব কল্যান রোজগর য়োজননা লুপা করোর ৫০,০০০ চাদিং তৌখ্রে।

প্রধান মন্ত্রী গরীব কল্যান য়োজনা নবেম্বর ফাওবা শাংদোকপা

প্রধান মন্ত্রীনা হায়খিথা অমদা ইমুং অমদা চানা মপুম কে.জি. অমা লেম্না পীবগা লোয়ননা ইমুং অমগী মীওই অমমমদা –পুন্না মীওই করোর ৮০ হেনবদা চেং/গেহু কে.জি. ৫ লেম্না পীনবা লৌখিবা অচৌবা ৱারেপ অসি মালেম শিনবা থুংনা খঙলে। লেম্না চেং পীরিবা মী মশিং অসি অচৌবা লৈবাক কয়াগী অপুনবা মীশিংদগী শরুক কয়া হেল্লিবনি।

প্রধান মন্ত্রীনা হায়খি নোংচু থা লাকপদগী লৌউ-শিংউগী থবক অয়াম্বা হৌরে। গুরু পুর্নিমা, রক্ষবন্ধন, শ্রী কৃষ্ণ জন্মাস্থামি, গনেস চতুর্থি, ওনাম, দুসেরা, দিপাবলী, ছথ পুজা য়াওনা কুম্মৈ কয়া মথং মথং লৈরে। হায়রিবা মতম অসিদা শেন দরকার ওইবা হেনগৎলক্কদবা অদু খঙদুনা দিপাবলী অমসুং ছথ পুজা হায়বদি নবেম্বর অরোইবা ফাওবাপ্রধান মন্ত্রী গরীব কল্যান য়োজনা শাংদোক্নবা সরকারনা ৱারেপ লৌরে হায়বদি জুলাইদগী চৎনবা হৌখিবা স্কিম অসি নবেম্বর অরোইবা ফাওবা চৎনরগনি। থা ৫গী মতম অসিদা মীওই করোর ৮০ হেনবদা থা অমদা লেম্না চেং/গেহু কে.জি. ৫ পীগনি। ইমুং অমগী মীওই অমদা লেম্না চেং/গেহু কে.জি. ৫ পীরিবা অসিগী মথক্তা থা অমদা ইমুং অমদা লেম্না চানা মপুম কে.জি. ১ পীগনি।

মহাক্না হায়খি স্কিম অসি মখা শাংদোক্নবা সরকারনা লুপা করোর ৯০,০০০ হেন্না চাদিং তৌগনি অমসুং স্কিম অসিগী মমাংগী থা ৩দা শিজিন্নখিবা শেনফম অদু হাপচিল্লগদি স্কিম অসিদা থাদরিবা শেনফম পুন্না লুপা করোর লাখ ১.৫ ওইগনি। সরকারনা চেং/গেহু লৈবা ঙম্লিবা অমসুং লেম্না য়েন্থোক্লিবা অসিথবক ওইনা পাংথোকপা ঙম্বগীদমক প্রধান মন্ত্রীনা লৌমীশিং অমসুং পুকচেল শেংনা তেক্স থিরিবশিং থাগৎখি।

প্রধান মন্ত্রীনা হায়খি থবক থিনবা রাজ্য অমদগী অতোপ্পা রাজ্য অমদা চৎলিবা লায়রবশিংগী য়াইফনবা ‘লৈবাক অমা, কার্দ অমা’ চৎনবা হৌনবা লৈবাক অসি মাংলোমদা চঙশিল্লি।

অনলোক ২ মনুংদা অশোই-অঙাম থোক্তনা লৈবা

প্রধান মন্ত্রীনা হায়খি কোরোনাভাইরস থেংননবা অনলোক ২গী মতম অসিগা নোং-চিংগী ফিবম্না পুরকপা অনা-অয়েক কয়াগা ফাংজিন্নরে। মী খুদিংমক মখোয়গী হকশেলগী চেকশিনগদবনি। লোকদাউনগী মতম চানা ৱারেপ লৌখিবদগী মীওই লাখ কয়াগী পুন্সি কনবা ঙমখি অমসুং মালেমদা লৈবাক অসিনা শিবগী চাং খ্বাইদগী নেমখি। অদুবু অনলোক ১ মনুংদা লমহেনবা অমসুং থওইদবা কয়া  উবা ফংখি অমসুং মমাংদা মীয়াম্না মাক্স উপতুনা, নোংমগী মনুংদা কয়ারক সেকেন্দ ২০ হেন্না খুৎ হামখি অমসুং ‘দো গজ দুরী’ ঙাকখি। হেন্না চেকশিনবা দরকার ওইরকপা মতমদা থওইদবা হেনগৎলক্লিবা অসি অফবা নত্তে।

প্রধান মন্ত্রীনা হায়খি মরুওইনা লাইচৎ শন্দোক্লিবা মফমশিংদা লোকদাউন মনুংগী চেকশিনবা অদু লৈগদবনি। অসিগুম্বা নিয়মশিং ইন্দবা মীওইশিংদা মীয়াম্না ৱাখল তাহনগদবনি অমসুং মীয়াম তিনবা মফমদা মাক্স উপ্তবগীদমক লৈবাক অমগী প্রধান মন্ত্রী লুপা ১৩০০০ ফাইন থিহনখিবা অদু খুদম ওইনা পীগদবনি। প্রধান মন্ত্রী য়াওনা কনা অমতা আইনগী মথক্তা লৈতবা মরম্না, ভারতকী লোকেল এদমিনিস্ত্রেসন্না অকনবা থবক পায়খৎকদবনি।

মাংলোমদা চংশিনবা

প্রধান মন্ত্রীনা হায়খি লায়রবশিংগী ফিবম ফগৎহন্নবা সরকারনা মখা তানা থবক পায়খৎকনি। চেকশিন-থৌরাং লৌখৎতুনা শেল-থুমগী থবকশিংসু চৎথগনি। আত্মনির্ভর ভারত শেমগৎনবা থবক তৌনবা অমুক হন্না ৱাশক লৌগদবনি অমসুং মসি মীয়ামগী খোল্লাও ওইহনগদবনি অমসুং ‘দো গজ দুরী’গী লাইৱা শিজিন্নদুনা চেকশিন্না লৈগদবনি অমসুং মাক্স উপকদবনি।

*****



(Release ID: 1635424) Visitor Counter : 38