সরকারনা স্তেতিসতিক্স দে পাল্লন তৌদুনা নুংতি-নুমিৎ খুদিংদা স্তেতিসতিক্স শীজিন্নবা হেনগৎনবা অমসুং মীয়ামগী য়াইফনবগীদমক স্তেতিসতিক্সনা পোলিসি শেম্বদা করম্না মতেং পাংবগে হায়বগী মতাংদা মীয়ামবু সেন্সিতাইজ তৌই। মসি চহি খুদিংগী প্রোফেসর পি.সি. মহালানোবিসকী মপোক কুমওন, জুন ২৯দা মহাক্না নেসনল স্তেতিসতিকেল সিস্তেম লীংখৎপদা লৌখিবা মহাক্কী মমল য়াম্লবা থৌদাং অদুবু শকখঙবা উৎপা ওইনা পাল্লন তৌরি। মালেমগী ওইবা লায়চৎ অসিনা মরম ওইদুনা চহি অসিগী স্তেতিসতিক্স দে, ২০২০ অসি ভিদিও কনফরেন্সকী খুত্থাংদা পাংথোকখি। তোঙান তোঙানবা মীদিয়াগী চেন্নেলশিংগী খু্থাংদা লৈবাক অমসুং মালেম শীনবা থুংনা লাইব স্ত্রীমসু তৌখি। স্তেতিসতিক্স দে ২০২০গী থীম অসি সস্তেনএবল দিবেলপমেন্ত গোল (এস.দি.জি.)- ৩ (চহিগী খেৎনবা লৈতনা হকচাং ফনা অমসুং অনা অয়েক য়াওদনা লৈহনবা) অমসুং এস.দি.জি.-৫ (জেন্দর ইক্বেলিতি পুরকপা অমসুং নুপী অঙাংবু থৌনা হাপ্পা) ওইখি।

স্তেতিসতিক্স দে ২০২০গী থৌরম অসিদা স্তেতিসতিক্স অমসুং প্রোগ্রাম ইমপ্লিমেন্তেসন মন্ত্রালয়গী (এম.ও.এস.পি.আই.) অমসুং প্লানিং মন্ত্রালয়গী কেন্দ্রগী স্তেৎকী মন্ত্রী (ইন্দিপেন্দেন্ত চার্জ), রাও ইন্দেরজিৎনা ৱা ঙাংখি। থৌরম অসিগী থীমগী তোঙান তোঙানবা হীরমশিং অমসুং মখোয়গী কান্নবশিংগী মতাংদা থৌরম অসিদা প্রধান মন্ত্রীগী ইকনোমিক এদবাইজরি কাউন্সিলগী চ্যেরমেন অমসুং ইন্দিয়ন স্তেতিসতিক্স ইন্সতিত্যুৎকী প্রসিদেন্ত, দোক্তর বিবেক দেব্রোই, নেসনল স্তেতিসতিক্স কম্মিসন (এন.এস.সি.)গী চ্যেরমেন প্রোফেসর বিমল কুমার রোই, এম.ও.এস.পি.আই.গী ভারতকী চীফ স্তেতিসতিসিয়ন লোয়ননা সেক্রেতরী, শ্রী প্রবিন শ্রীবাসতবা, ভারত সরকারগী হকশেল অমসুং য়াইফ য়ুম্বালগী সেক্রেতরী, দোক্তর প্রীতি সুদান, ফেদরেসন ওফ ইন্দিয়ন চেম্বরস ওফ কম্মর্স অমসুং ইন্দস্ত্রীগী প্রসিদেন্ত অমসুং এপোল্লো হোস্পিতালস ইন্তর্প্রাইজেস লিমিতেদকী জোইন্ত জেনরেল মেনেজিং দিরেক্তর, দোক্তর সঙ্গিতা রেদী, ইন্দিয়ন স্তেতিসতিকেল ইন্সতিত্যুৎকী দিরেক্তর প্রোফেসর সঙ্গহমিত্রা বন্দিয়োপধিয়া হায়রিবশিং অসিনা ৱা ঙাংখি। তোঙান তোঙানবা ইন্তর্নেসনলগী এজেন্সিশিংনসু থৌরম অসিদা মখোয়গী ৱারোল থম্লকখি, মখোয়শিং অদুদু মিং ওইনা পল্লবদা ভারতকী য়ু.এন. রেসিদেন্ত কোওর্দিনেতর, কুমারি রেনতা লোক দেসাল্লেন, য়ু.এন. ৱুমেনগী দিপুতি একজিক্যুতিব দিরেক্তর, দোক্তর অনিতা ভাসিয়া, মেক্সিকোগী নেসনল ইন্সতিত্যুৎ ওফ স্তেতিসতিক্স এন্দ জিওগ্রাফীগী দিরেক্তর জেনরেল, দোক্তর এনরিকে ওরদাজ, বেঙ্কোক য়ু.এন. ই.এস.সি.এ.পি.গী স্তেতিসতিক্স দিবিজনগী দিরেক্তর, দোক্তর গেম্মা ভান হল্দেরেন হায়িবশিং অসিনি। ভিদিও কনফরেন্সকী খুত্থাংদা কেন্দ্র/স্তেৎ সরকারশিংগী মকোক থোংবা ওফিসরশিং অমসুং অতোপ্পা স্তেকহোল্দরশিংনসু থৌরম অসিদা শরুক য়াখি।

কেন্দ্র সরকার, স্তেৎ/য়ু,তি. সরকার অমসুং ইন্সতিত্যুৎতা লৈবা ওফিসিএল স্তেতিসতিসিয়নশিংবু মখোয়গী শীংথানিঙাই ওইবা থৌদাং পাঙথোকপা ঙম্বা অদুবু শক খঙবা উৎপা ওইনা এম.ও.এস.পি.আই.না ‘প্রোফেসর পি.সি. মহালানোবিস নেসনল এৱার্দ ইন ওফিসিএল স্তেতিসতিক্স’কী অনৌবা মনা অমা পীবা হৌখ্রে। ‘প্রোফেসর পি.সি. মহালানোবিস নেসনল এৱার্দ ইন ওফিসিএল স্তেতিসতিক্স’২০২০গী মনা অসি রিজর্ব বেঙ্ক ওফ ইন্দিয়াগী হান্নগী গভর্নর দোক্তর চাক্রৱর্তি রঙ্গরঞ্জনদা মহাক্না ভারতকী নেসনক স্তেতিসতিক্স সিস্তেমদা শীংথানিঙাই ওইবা কয়া তৌখিবা অদুবু শক খঙবা উৎপা ওইনা পীখ্রে।

ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), নেসনল ইন্সতিত্যুৎ ওফ মেদিকেল স্তেতিসতিক্স (নিমস)কী হান্নগী দিরেক্তর, দোক্তর অর্ভিন পান্দে অমসুং ভারত সরকারগী এম.ও.এস.পি.আই.গী হান্নগী এদিস্নেল দিরেক্তর জেনরেল, দোক্তর অখিলেশ চন্দ্রা কুলশ্রেশথাদা মখোয়না স্তেতিসতিক্সকী লমদা মতম চুপ্পদা কথোকখিবা অদুবু শক খঙবা উৎপা ওইনা ২০২০গী স্তেতিসতিক্সকী প্রোফেসর পি.ভি. সুখৎমে নেসনল এৱার্দ অসি মখোয় অনিদা পুন্না পীখি। স্তেইসতিক্সকা মরী লৈনবা হীরমদা ওল ইন্দিয়া লেবেলগী পোস্ত গ্রেজুয়ৎ মহৈরোইশিংগী ‘ওন দি স্পোৎ এসে রাইতিং কম্পিতিসন’গী মকোক তারকপশিংসু মনা পীখি।

তোঙান তোঙানবা থীমেতিক আইতেমশিংদা থেংনবা খুদোংচাদবা অমসুং এস.দি.জি.শিং ফংনবা মাংলোমদা চংশিনগদবা লম্বেলদা প্রজেন্তেসনশিং তৌখি। সস্তেনেবল দিবেলপমেন্ত গোল্স-নেসএল ইন্দিকেতর ফ্রেমৱার্ক (এন.আই.এফ.) প্রোগ্রেস রিপোর্ত, ২০২০ (ভর্জন ২.১) থৌরমগী মনুংদা ফোংখি। রিপোর্ত অসিগা লোয়ননা অপদেৎ তৌরবা এন.আই.এফ. অমসুং এস.দি.জি.শিংগী দেতা স্নেপশোৎ হেন্দবুক ফোংখি। এম.ও.এস.পি.আই.নসু আইএস.এস. কেদর পর্সনেলশিং দিপ্লোয় তৌনবা অমসুং মখোয়গী কিরিয়রগী প্রোসপেক্তশিং হেনগৎনবা ইন্দিয়ন স্তেতিস্তিকেল সর্ভিস (আই.এস.এস.) কেদর মেনেজমেন্ত পোর্তেল লোঞ্চ তৌনবা থবক পাইখৎলি হায়না লাওথোকখ্রে। দি নেস্নেল স্তেইস্তিকল দে ২০২০ অসি সেমিনারশিংগী সিরিজ অমা অমসুং চহী চুপ্পা চত্থগদবা ৱার্কশোপশিংগীগা লোয়ননা পাংথোক্কনি। খন্নখিবশিং অমসুং ৱা ঙাংখিবশিং পাক শন্না শন্দোক্নবা এম.ও.এস.পি.আই.শিংগী ৱেবসাইৎতা ফংগনি।

*****