କୋଭିଡ-19ର ପ୍ରତିରୋଧ, ଧାରଣ ଏବଂ ପରିଚାଳନା ପାଇଁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳମାନଙ୍କ ସମନ୍ଵୟରେ ଭାରତ ସରକାର ନେଇଥିବା ସକ୍ରିୟ ପଦକ୍ଷେପଗୁଡିକ ଦ୍ଵାରା ଉତ୍ସାହଜନକ ସଫଳତା ମିଳିଛି ।

ଆଜି ସୁସ୍ଥ ଏବଂ ସକ୍ରିୟ ରୋଗୀଙ୍କ ମଧ୍ୟରେ ବ୍ୟବଧାନ 1,11,602 ରହିଛି । ଏହିପରି, ଏପର୍ଯ୍ୟନ୍ତ ସମୁଦାୟ 3,21,722 ରୋଗୀ କୋଭିଡ-19 ସଂକ୍ରମଣରୁ ଆରୋଗ୍ୟ ଲାଭ କରିଛନ୍ତି । ସୁସ୍ଥ ରୋଗୀଙ୍କ ହାର କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । କୋଭିଡ-19 ରୋଗୀଙ୍କ ମଧ୍ୟରେ ଆଜି ସୁସ୍ଥ ରୋଗୀଙ୍କ ହାର 58.67 ପ୍ରତିଶତରେ ପହଞ୍ଚିଛି ।

ଗତ 24 ଘଣ୍ଟା ମଧ୍ୟରେ ସମୁଦାୟ 12,010 ରୋଗୀ ଆରୋଗ୍ୟ ହୋଇଛନ୍ତି ।

ବର୍ତ୍ତମାନ ଦେଶରେ ମୋଟ 2,10,120 ସକ୍ରିୟ ରୋଗୀ ଚିକିତ୍ସାଧୀନ ଅଛନ୍ତି ।

କରୋନା ସଂକ୍ରମଣ ଚିହ୍ନଟ ପାଇଁ ଭାରତରେ ବର୍ତ୍ତମାନ 1,047 କୋଭିଡ-19 ଉତ୍ସର୍ଗୀକୃତ ପରୀକ୍ଷାଗାର ରହିଛି । ସେଥିମଧ୍ୟରୁ 760ଟି ସରକାରୀ ଥିବା ବେଳେ 287ଟି ବେସରକାରୀ ପରୀକ୍ଷାଗାର ରହିଛି । ଗତ 24 ଘଣ୍ଟା ମଧ୍ୟରେ ଅନ୍ତର୍ଭୁକ୍ତ ହୋଇଥିବା ସମସ୍ତ 11ଟି ପରୀକ୍ଷାଗାର ସରକାରଙ୍କ ଦ୍ଵାରା ପରିଚାଳିତ ।   

• Real-Time RT PCR based testing labs: 567 (Govt: 362 + Private: 205)
• TrueNat based testing labs : 382 (Govt: 355 + Private: 27)
• CBNAAT based testing labs : 87 (Govt: 32 + Private: 55)

ପରୀକ୍ଷା କରାଯାଇଥିବା ମୋଟ ନମୁନା ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗି ଏହା 83,98,362 ଛୁଇଁଛି । ଗତ 24 ଘଣ୍ଟା ମଧ୍ୟରେ 1,70,560 ନମୁନା ପରୀକ୍ଷା କରାଯାଇଥିଲା ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********