পেত্রোলিয়ম অমসুং নেচরেল গ্যাস মন্ত্রালয়
শ্রী ধর্মেন্দ্র প্রধাননা ফরিদাবাদতা ইন্দিয়ন ওইলগী আর. এন্দ দি. কেম্পস শঙ্গাখ্রে
আর. এন্দ. দি. অসি আত্মনির্ভর ভারতকী মরুওইবা শরুক অমনি হায়রি
ঐখোয়না হরিয়ানাবু লৈবাকসিগী মাঙজিল থাবা আর. এন্দ দি. হব অমা ওইহন্নবা হোৎনরি
Posted On:
29 JUN 2020 1:31PM by PIB Imphal
পেত্রোলিয়ম অমদি নেচরেল গ্যেস অমসুং স্তীল মন্ত্রী শ্রী ধর্মেন্দ্র প্রধাননা হরিয়ানাগী চীফ মিনিস্তর শ্রী মনোহর লালগা ঙসি ইন্দিয়ন ওইলগী অনিশুবা আর. এন্দ. দি. কেম্পস ওইরিবা আই.এম.তি., সেক্তর-৬৭, ফরিদবাদতা লৈবা স্তেত-ওফ-দি-আর্ত তেক্নোলোজী দেভেলপমেন্ত এন্দ দিপ্লোইমেন্ত সেন্তর শঙ্গাখ্রে। লুপা করোর ২২৮২ চঙনা শেমগৎখিবা অনৌবা সেন্তর অসিনা লম একর ৫৯রোম কোনশিল্লি। অনৌবা কেম্পস অসিনা ইন্দিয়ন ওইল আর. এন্দ দি.না শেমগৎপা তোঙান তোঙানবা তেক্নোলোজীশিং মওং মতৌ উৎপা অমদি শীজিন্নবগী লমদা মীৎয়েং থমগনি অমদি সেক্তর-১৩, ফরিদবাদতা হান্না লৈরিবা কেম্পস অসিগা পুন্না চৎমিন্নগনি।
অনৌবা কেম্পস অসিদা লৈরিবা থিজিনবগী মচাক মথুমশিং অসি স্তেত-ওফ-দি-আর্ত লেবোরেতরীশিং অমদি অল্তরনেতিব অমদি রিনিউএবল ইনর্জীগী লমদা পাইলোত প্লান্তশিং, খুদম ওইনা ফ্যুল-সেল, হাইদ্রোজেন, গ্যেসিফিকেসন অমদি সোলার ইনর্জী রিছর্চ, সেমি-কম্মর্সিএল নেনো-মেতরিএল প্রদক্সন য়ুনিত, পেত্রোকেমিকেল, কেতলিস্ত, বাইওতেক্নোলোজীনচিংবগী হেন্না চাউথোকহল্লবা/পাইলোত প্লান্তশিং য়াওরি। ইন্দিয়ন ওইলগী আর. এন্দ দি. সেন্তরগী অনৌবা এক্সতেন্সন অসিনা কনভেন্সনেল ইনর্জীগী মথক্তা নন-কনভেন্সনেল ইনর্জীদা মীৎয়েং থমদুনা পেত্রোকেমিকেল, বেত্তরী/ইনর্জী স্তোরেজ দিভাইস, বাইও-ইনর্জী- গ্রীনহাউস গ্যেস (সি.ও.২) কেপচর তৌবা, কেতলিস্ত নৎত্রগা ফ্যুল সেলগীদমক অনৌবা নেনো মেতরিলশিং, হাইদ্রোজেন পুথোকপগী লম্বী অমদি পুথোক পুশিন তৌগদবা অমদি লেঙদনা লৈগদবা ফ্যুল সেলগুম্বা তোঙান তোঙানবা ফ্রন্তলাইন অমদি সনরাইজ তেক্নোলোজীশিং ইন্দিজিনাইজেসন তৌবদা পান্দম থমগনি।
থৌরমদুদা ৱা ঙাঙলদুনা, শ্রী প্রধাননা হায়খিবদা, “ইন্দিয়ন ওইলগী আর. এন্দ দি. সেন্তর অসিনা তেক্নোলোজীশিং ইন্দিজিনাইজ তৌবা অমদি ভারতকী লৈরিবা ফীভমগা চাননবা প্রোসেস তৌবদা মায় ওনশি্দুনা দাউনস্ত্রীম পেত্রোলিয়ম আর. এন্দ দি.গী লমদা স্তেত-ওফ-দি-আর্ত রিছর্চ ইনস্তিত্যুৎ অমা ওইনা চহী কয়াসিদা চাউখৎলক্লি। ইন্দিয়ন ওইলগী আর. এন্দ দি. সেন্তরনা ইকায়খুম্নরবা প্রধান মন্ত্রীগী মরোমদোম লেপচবা ভারতকী মঙলানদা মশক থোক্না শরুক য়ারি।” আর. এন্দ. দি. সেন্তর অসিনা অতোপ্পা, অশেংবা অমদি লমদমসিগী ওইবা ইনর্জী পাম্বৈগী লেবোরেতরী ওইগনি অমদি ইনর্জী সেক্তরদা মরোমদোম লেপচবা ঙমবা ভারত অমা পুরক্নবগী মায়কৈদা অচৌবা খোঙথাং অমা ওইরি অমদি ইকায়খুম্নরবা প্রধান মন্ত্রীগী মরোমদোম লেপচবা ভারতকী মঙলানবুসু মঙফাওনহনগনি, হায়না মহাক্না ফোঙদোকখি।
স্তেত অদুদা পায়খৎলিবা পেত্রোলিয়ম এন্দ নেচরেল গ্যেস মন্ত্রালয়গী থবক থৌরমশিংদা ঙাক্লৌ পীবগীদমক্তা হরিয়ানা লৈঙাকপু থাগৎপা ফোঙদোক্লদুনা মহাক্না চীফ মিনিস্তরবু হরিয়ানাবু কেরোসিন শীজিন্নদ্রবা স্তেত অমা ওইহনবগীদমক থাগৎখি। স্তেত অসিনা লৌউ-শিংউগী লেমখাকপু অশেংবা ইনর্জীদা ওন্থোকপগী থৌওংদা মাঙজিল থাবা থৌদাং লৌবা ঙমগনি হায়না মহাক্না ফোঙদোকখি। হরিয়ানানা শ্রী মনোহর লালগী লুচিং মখাদা খুন্নাই-শেন্মিৎলোন অমদি চাউখৎপগী পেরামিতরশিংদা ফীভম য়াম্না ফগৎলকপা উরে। হরিয়ানাবু লৈবাকসিগী মাঙজিল থাবা আর. এন্দ দি. হব অমা ওইহন্নবগীদমক ঐখোয়না লেপ্লি। আর. এন্দ দি.না মরোমদোম লেপচবা ভারতকী মরুওইবা শরুক অমা ওইরি হায়বা ৱাফম থম্লদুনা মহাক্না ইন্দিয়ন ওইলদা স্তেত অদুদা ৱেস্ত ইনর্জী প্রোগ্রামশিংদা ইনোৎ পীননবা অমদি স্তেত অসিবু অল্তরনেতিব ইনর্জী সোলুসনগী মালেমগী তমজনফম ওইহন্নবা থবক পায়খৎনবা ৱাফম থমখি। ফত্ত-হৌদিশিংবু ইনর্জী ওন্থোক্নবা খাইদোকপগী কম্ম্যুনিতীদা য়ুমফম ওইবা মোদেল অমা শেমগৎপনা হীরম খুদিংমক্তা পুম্নমক্কী য়াইফবা ওইগনি। স্তেত অসিদা অল্তরনেতিব ইনর্জীগী হৌরকফম লৌনবগী অচৌবা মচাক লৈগনি হায়না মহাক্না হায়খি।
মন্ত্রীনা হায়খিবদা কোরোনা লাইচৎ মনুংসিদা ভারতনা মালেমগী লৈবাকশিংদা হিদাক লাংথক সপ্প্লাই তৌবগী অচৌবা থৌদাং য়াখি। লৈবাকসিগী পেত্রোকেমিকেল মথৌ তাবগী চাং অসি হেনগৎলক্লি অমদি ঐখোয়না পেত্রোলিয়ম পোত্থোকশিং মপান্দগী পুশিল্লকপগী চাং হন্থহনবা তাই। মহাক্না ইন্দস্ত্রীশিংদা ভারতপু পেত্রোকেমিকেলগী হব অমা ওইহন্নবা অমদি লৈবাকসিবু মরোমদোম লেপচবা ঙমহন্নবা হোৎননবা ৱাফম থমখি।
হরিয়ানাগী চীফ মিনিস্তরনা ৱা ঙাঙলদুনা হায়খিবদা কোরোনা লাইচৎ মনুংসিদা স্তেত অসিনা ফীভম অসিবু নীংথিনা লাকশিন্দুনা অমদি অৱাবা তারবা শিন্মীশিংদা তেংবাং পীদুনা চপ চানা থেংনখি। হরিয়ানাদা ইন্দিয়ন ওইলগী অনৌবা রিছর্চ য়ুনিত অসি শাগৎপগীদমক থাগৎপা ফোঙদোক্লদুনা শ্রী খত্তরনা হায়খিবদা স্তেত অসি লৌউ-শিংউগী লমদা মাঙজিল থাবখক্তা নত্তনা শান্ন-খোৎনবগী হব অমা ওইনা অমদি ওতোমলবাইল সেক্তরদা অচৌবা প্লেয়র অমা ওইনা লিৎখৎলক্লি। স্তেত অসিবু কেরোসিন শীজিন্নদবা স্তেত অমা ওইহনবদা স্তেত লৈঙাক্না চাউনা থৌদাং লৌখি অমদি কনাগুম্বা খরনা মসিবু পোৎয়ানগীদমক শীজিন্নরে হায়বা ৱাফম লৈবনা থৌরাংসি পায়খৎপদা অয়েৎপা অমত্তা লৈখিদে। য়ুমথোঙ খুদিংদা এল.পি.জি. কন্নেক্সন পীরি। স্তেত অসিনা শোয়দনা এল.এন.জি. অমদি এগ্রো-ইন্দস্ত্রী সেক্তরদা মাঙজিল থারক্কনি হায়না মহাক্না ফোঙদোকখি।
*****
(Release ID: 1635112)
Visitor Counter : 163