কোবিদ-১৯ মমাংজৌননা ঙাকথোক্নবা, লাকশিন্নবা অমসুং লায়েংনবা ভারত সরকারনা রাজ্যশিং/য়ুতিশিংগা অকনবা থবকশিং পায়খৎপদগী অফবা ফলশিং উবা হৌরে।

অনাবা মীওইদগী নাবা ফরবা মীওইনা মশিং ৯৬,১৭৩ হেল্লে।

হৌখিবা পুং ২৪দা কোবিদ-১৯ নাবা মীওই ১৩,৯৪০ নাবা ফরে, হৌজিক অপুনবা ওইনা অনাবা মীওই ২,৮৫,৬৩৬ কোবিদ-১৯দগী ফরে। কোবিদ-১৯ নারবা মীওইশিংগী মরক্তা নাবা ফবগী চাং হেনগৎলক্তুনা চাদা ৫৮.২৪ য়ৌরে। হৌজিক এক্তিব কেস ১,৮৯,৪৬৩ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি।

লৈবাক শীনবা থুংনা কোবিদ-১৯ তেস্তিং লেবশিং লিংখৎপা দরকার ওইরকপদগী, হৌখিবা পুং ২৪দা আই.সি.এম.আর.না অনৌবা লেব ১১ হাপচিল্লে। হৌজিক্কী ভারতকী কোবিদ-১৯ তেস্তিং লেব ১০১৬ লৈরে। মসিগী নুংদা সরকারগী লেব ৭৩৭ অমসুং লনাইগী লেব ২৭৯নি।

হৌজিক লৈরবা ফিবম মখাগী অসিনি :

রিএল-তাইম আর.তি.পি.সি.আর. তেস্তিং লেবস : ৫৬০(সরকার :৩৫৯+লনাই: ২০১)

ত্রুনেত তেস্তিং লেবস : ৩৬৯(সরকার : ৩৪৬ + লনাই : ২৩)

সি.বি.এন.এ.এ.তি. তেস্তিং লেব : ৮৭ (সরকার :৩২+লনাই:৫৫)

নোংমদা সেম্পলশিং চায়েং তৌবা মশিং তপ্না তপ্না হেনগৎলক্লি।

হৌখিবা পুং ২৪দা সেম্পল ২,১৫,৪৪৬ চাংয়েং তৌখি। হৌজিক ফাওবদা অপুনবা সেম্পল ৭৭,৭৬,২২৮ চাংয়েং তৌখ্রে।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in অমসুং @MoHFW_INDIAদা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*****