প্রধানমন্ত্রীগী লোইশঙ

প্রধান মন্ত্রীনা ‘আত্ম নির্ভর উত্তর প্রদেশ রোজগার অভিয়ান’ হৌদোকখ্রে

Posted On: 26 JUN 2020 2:24PM by PIB Imphal

প্রধান মন্ত্রী শ্রী নরেন্দ্র মোদীনা ঙসি মফমসিদগী ভিদিও কনফরেন্সিংগী খুত্থাঙদা ‘আত্মনির্ভর উত্তর প্রদেশ রোজগার অভিয়ান’ হৌদোকখ্রে। মসিগী মখাদা মাইগ্রেন্ত শিন্মীশিংদা থবক পীননবগী খুদোংচাবশিং পীবগা লোয়ননা, লমদমদুগী ওইবা ওন্ত্রপ্রিনরসিপ য়োকখৎকনি।

থৌরমদুদা ৱা ঙাঙলদুনা, প্রধান মন্ত্রী শ্রী নরেন্দ্র মোদীনা হায়খি মীপুম খুদিংমক্না কোবিদ-১৯ লাইচৎসিগী খুদোংথিবা অসিদগী লান্থোকপা ঙমগনি। ভেক্সিন অমা ফংদ্রিফাওবদি মীতর অনিগী অরাপ্পা থমবা, মায়দা মায়খুম উপ্পা অসিনা খ্বাইদগী ফবা ঙাকথোক্নবগীদ পাম্বৈশিং ওইগনি হায়না মহাক্না হায়খি।

উত্তর প্রদেশনা অৱাবা তারবা ফিভমসিবু খুদোংচাবা ওন্থোক্লিবা মওং মতৌ, লাইচৎ মনুংসিদা মীয়ামগা চৎমিন্নরিবা অসিগীদমক্তা পি. এম.না অপেনবা ফোংদোকখি। মহাক্না হায়খি, অতোপ্পা স্তেৎশিংনা ‘আত্মনির্ভর উত্তর প্রদেশ রোজগার অভিয়ান’দগী মতৌ তম্নীংঙাই লৈগনি অমদি মসিনা পুক্নীং থৌগৎকনি।

কোরোনানা মালেমগী অচৌবা ৱাথোক অমা ওইরিঙৈ তানফমসিদা উত্তর প্রদেশনা উৎলিবা থৌনা অমদি লৌশিং অদুবু পি. এম.না থাগৎখি। মহাক্না হায় স্তেৎ অসিনা মায় পাক্লিবা মওং অমদি মখোয়না ফিভম অসিবু হেন্দল তৌরিবা মওং অসি হান্না পানরমদবা মওংনি অমদি থাগৎনীংঙাইগী মশক্নি।

পি. এম.না য়ু. পি.গী দোক্তরশিং, পেরেমেদশিং, সেনিতেসন স্তাফ, পুলিস, অশা, অঙ্গনৱারী থৌমীশিং, বেঙ্ক অমদি পোস্ত ওফিসশিং, ত্রান্সপোর্ত সর্ভিসশিং অমদি শিন্মীশিংবু মখোয়গী থৌদাংগীদমক থাগৎখি।

প্রধান মন্ত্রীনা য়ু. পি. লৈঙাকপু শ্রমিক স্পিসিএল ত্রেন চা কয়া শিন লানদুনা স্তেৎ অদুগী মাইগ্রেন্ত শিন্মীশিং পুরক্নবগীদমক হোৎনখিবা থৌশিলগীদমক থাগৎপা ফোংদোকখি।

মহাক্না হায়খি লৈবাক্কী মফম শিনবা থুংবদগী মাইগ্রেন্ত শিন্মী লাখ ৩০ হেনবা হৌখিবা চয়োলশিংদা য়ু. পি.গী মখোয় মখোয়গী খুঙ্গংশিংদা হল্লকখি।

য়ু . পি.গী চীফ মিনিস্তরনা ফিভমসিগী অরুবা তানফমসিদু খঙখি অমদি মহাক্কী লৈঙাক্না ফিভমদুগী মতুং ইন্না থবকশিং য়াম্না থুনা পায়খৎখি হায়না প্রধান মন্ত্রীনা ফোংদোকখি।

য়ু. পি. লৈঙাক্না লায়রবশিং চরা হেলহন্দনবা হান্না ওইখিদ্রিবা মওংদা লৌখৎখিবা থৌরাংবু প্রধান মন্ত্রীনা থাগৎখি। মহাক্না হায় য়ু. পি. লৈঙাক্না প্রধান মন্ত্রী গরীব কল্যান অন্ন য়োজনাগী মখাদা লায়রবা অমদি মাইগ্রেন্ত শিন্মীশিংদা চাননবা চেং চাক লেম্না পীবগী থবক খুৎলৈ থুনা পায়খৎখি। হায়রিবা অসি রাসন কার্দ পায়দবশিংদসু পীখি। মসিগী মথক্তা উত্তর প্রদেশকী লায়রবা নুপী লাখ ৭৫গী জন ধন একাউন্ততা লুপা করোর লিশিং ৫গী শেনফম হকথেংননা ত্রান্সফর তৌখি।

প্রধান মন্ত্রীনা হায়খিবদা উত্তর প্রদেশনা ভারতপু আত্মনির্ভরগী লম্বীদা খোংজেল য়াঙনা পুনবগী কেম্পেন্দা লোয়ন-লোয়ননা গরীব কল্যান জোরগার অভিয়ানগী লমদসু মাঙজিল থারি। মহাক্না মখা তাখি গরীব কল্যান রোজগার য়োজনাগী মখাদা শিন্মীশিংগী ইনকম হেনগৎহন্নবগীদমক্তা খুঙ্গংশিংদা থবক কয়া পায়খৎপা হৌখ্রে। মসিগী মনুংদা রুরেল দেবেলপমেন্তকা মরী লৈনবা স্কিমশিংগী মখাদা মীওই লাখ ৬০রোম এম. এস. এম. ই.শিংদা থবক পীরি। মসিগী মথক্তা মীওই লিশিং কয়াদা মশানা মশাবু থবক পীজনবগীদমক মুদ্রা য়োজনাগী মখাদা লুপা করোর ১০,০০০ কাইথোক্তুনা থম্লে হায়না মহাক্না হায়খি।

শ্রী মোদীনা হায় আত্মনির্ভর রোজগার অভিয়ানগী মখাদা লৈবাক শিনবা থুংনা লমদমদুগী পোত্থোকশিং য়োকখৎনবগীদমক ইন্দস্ত্রীশিংগী ক্লস্তরশিং শেমগৎলকপা মতমদা য়ু. পি.দা চাউনা কান্নবা পীগনি।

প্রধান মন্ত্রীনা লৌমীশিংবু আইনগী য়োৎহ্লিং কয়াদগী নান্থোকহল্লিবা হন্দক্তা নৌনা লাইথোকখিবা লৌউ-শিংউগী লমদা অহোংবা পুরকখিবশিংগী মতাংদসু পনখি। মহাক্না হায় হৌজিক্তি লৌমীশিংনা মখোয়গী পোত্থোকশিং ভারতকী মফম অমদা হেক্তা য়োনবা য়ারগনি অমদি মহাক্না লৌ হুনবা মতমদগী হৌনা মহাক্না পাম্বা মমল লেপচবা ঙম্লগনি।

লাইবস্তোক অমদি দেরী সেক্তরগীদমক লুপা করোর লিশিং ১৫গী অখন্নবা ইন্ফ্রাস্ত্রকচর ফন্দ শেমগৎলিবা অসিগুম্বা ঐখোয়গী লাইবস্তোক্কীদমক অনৌবা খোংথাং কয়া পায়খৎলি হায়না প্রধান মন্ত্রীনা ফোংদোকখি।

প্রধান মন্ত্রীনা বুদ্ধিস্ত সর্কুইৎ য়োকখৎপদা মরুওইবা থৌরাং ওইগদৌরিবা কুশিনগর এয়রপোর্তপু ইন্তর্নেসনেল এয়রপোর্ত ওইনা লাউথোকখিবগী মতাংদসু পনখি। মসিনা পুর্বাঞ্চলদা নোংথক্কী লম্বী হেন্না ফগৎহল্লগনি অমদি লৈবাকসিদা লৈরিবা অমদি মপাল লমদগী মহাত্ম বুদ্ধবু নীংজবা মীওই করোর কয়ানা লায়না য়ু. পি. য়ৌরকপা ঙম্লগনি।

শুপ্নতগী চহী অহুমদা লায়রবশিংগী পক্কা য়ুম লাখ ৩০ হেন্না শাখ্রে, য়ু. পি.বু অহাংবদা খোংহাম খুৎহামবা তৌদ্রবা মফম ওইনা লাউথোকখ্রে, য়ু. পি. লৈঙাক্না তশেং তশেংবা মওংদা নহা লাখ ৩দা লৈঙাক্কী থবক পীখ্রে হায়না প্রধান মন্ত্রীনা ফোংদোকখি।

শ্রী মোদীনা স্তেৎ অদুদা অঙাং শিবগী চাং হন্থহন্নবা পায়খৎলিবা খোংথাংশিং অমদি মতৌ করম্না হৌখবা চহী ৩সিদা পুর্বাঞ্চল মফমশিংদা ইন্সেফলাইতিসনা নাবা মী মশিং চাদা ৯০গী চাংদা হন্থহল্লকখিবা হায়বগী মতাংদসু পনখি।

প্রধান মন্ত্রীনা মৈ, ঈশিং অমদি লম্বীগুম্বা তঙাই ফদনা চঙদ্রবা য়াদ্রবা মচাকশিংগী লমদা হান্না পানদবা মওংদা ফিভম ফগৎলকপগী মতাংদসু ৱা ঙাঙখি।

প্রধান মন্ত্রীনা গোন্দাদা সেল্ফ হেল্প গ্রুপ অমবু লুচিংলিবা কুমারী বিনীতা পাল, বহরাইচ দিস্ত্রিক্তগী প্রধান মন্ত্রী অৱাস য়োজনাগী বেনিফিসরী শ্রী তিলক রাম, সন্ত কবীর নগর দিস্ত্রিক্ততগী এন্ত্রিপ্রিন্যুর শ্রী অমরেন্দ্র কুমারগুম্বা তোঙান তোঙানবা বেনিফিসরীশিং অমদি স্তেকহোল্দরশিংগা মখোয়না থেংনরকখিবশিংগী মতাংদা ৱারী ৱাতাই তৌখি। মহাক্না মুম্বাইদগী হল্লকখিবা শ্রী কুর্বান অলী, গোরখপুর দিস্ত্রক্ততগী শ্রী নাগেন্দ্র সিংহ, জলাউন দিস্ত্রিক্ততগী শ্রী দীপুগুম্পা তোঙান তোঙানবা মাইগ্রেন্ত শিন্মীশিংগসু ৱারী শানখি।

***



(Release ID: 1634486) Visitor Counter : 55