কোবিদ-১৯ লাইচৎনা শিন্মীশিং অমসুং মরুওইনা অতোপ্পা রাজ্যশিংদগী ময়ুমদা হল্লক্লবা শিন্মীশিংদা অচৌবা চৈথেং অমা পীরে। মশিং য়াম্লবা শিন্মী কয়া মখোয়গী রাজ্যশিংদা হল্লকখ্রে। কোবিদ-১৯ লাকশিন্নবগী অৱাবা অসিগী মথক্তা অতোপ্পা রাজ্যশিংদগী ময়ুমদা হল্লক্লবা শিন্মীশিং অমসুং খুঙ্গংগী শিন্মীশিংদা তঙাইফদবশিং অমসুং হিংনবা লম্বী পীনবা হোৎনবদা অমুক্কা হেন্না অৱাবা ওইহল্লে। তোঙান-তোঙানবা হিরমশিং ফগৎহন্নবা ভারত সরকারনা আত্ম নির্ভর ভারত অভিয়ান পেকেজ লাউথোক্লে। লৈবাক অসিগী চাউখৎত্রিবা মফমশিংদা মচাক-মথুমশিং শেমগৎপগা লোয়ননা থবক ফংহন্নবা ২০২০গী জুন ২০দা গরীব কল্যান রোজগার অভিয়ান হৌদোকখি।

উত্তর প্রদেশতা চাউরাক্না অতোপ্পা রাজ্যশিংদগী শিন্মীশিং লাখ ৩০ হল্লকখি। উত্তর প্রদেশকী জিলা ৩১দা অতোপ্পা রাজ্যশিংদগী ময়ুমদা হল্লক্লবা শিন্মী ২৫,০০০ হেন্না লৈরি। মসিগী মনুংদা এস্পিরেসনেল দিস্ত্রিক্ত ৫ য়াওরি। ভারত সরকারগী মখাদা উত্তর প্রদেশ সরকারনা ‘আত্ম নির্ভর উত্তর প্রদেশ রোজগার অভিয়ান’কৌবা অখন্নবা থৌরম অমা পায়খৎলে অমসুং মসিদা রাজ্য সরকারনা ইন্দস্ত্রী অমসুং অতোপ্পা লুপশিংগা পুন্না থবক তৌমিন্নগনি। মসিগী অভিয়ান অসিনা থবক পীনবা, মফম অদুদা ওন্ত্রপ্রিনরসিপ য়োকখৎনবা অমসুং থবক পীনবা ইন্দস্ত্রীগী এসোসিএসনশিং অমসুং অতোপ্পা লুপশিংগী থবক তৌমিন্ননবা পান্দম থম্লি।

উত্তর প্রদেশকী মুখ্য মন্ত্রী য়াওনা ভিদিও কনফরেন্সকী খুৎথাংদা ২০২০গী জুন ২৬গী অয়ুক পুং ১১দা প্রধান মন্ত্রীনা অভিয়ান অসি হৌদোক্কনি। উত্তর প্রদেশকী মরী লৈনবা মন্ত্রীশিংসু হৌদোকপগী থৌরম অদুদা শরুক য়াগনি। উত্তর প্রদেশকী জিলা ৬কী খুঞ্জাশিংগা প্রধান মন্ত্রীগা ৱারী শানগনি। কোবিদ-১৯ লাইচৎ শন্দোরকপা অসিদা থাপ্না লৈনবগী কাংলোনশিং ইন্দুনা, কম্মন সর্বিস সেন্তরশিং অমসুং কৃশি বিজ্ঞান কেন্দ্রশিংগী খুৎথাংদা উত্তর প্রদেশকী জিলা খুদিংমক্কী মনুংদা লৈবা খুঙ্গংশিং থৌরম অসি শরুক য়াগনি।

***