ਸੀਐੱਸਆਈਆਰ - ਰਾਸ਼ਟਰੀ ਵਾਤਾਵਰਣ ਇੰਜੀਨੀਅਰਿੰਗ ਖੋਜ ਸੰਸਥਾਨ (ਸੀਐੱਸਆਈਆਰ-ਨੀਰੀ)  ਵਿੱਚ ਅਪ੍ਰੈਲ 2020 ਤੋਂ ਕੋਵਿਡ-19 ਟੈਸਟਿੰਗ ਸੁਵਿਧਾ ਦਾ ਸੰਚਾਲਨ ਕੀਤਾ ਜਾ ਰਿਹਾ ਹੈ।  ਹੁਣ ਤੱਕ ਕੋਵਿਡ-19 ਦੇ 3,000 ਤੋਂ ਅਧਿਕ ਸੈਂਪਲਾਂ ਦਾ ਟੈਸਟ ਕੀਤਾ ਜਾ ਚੁੱਕਿਆ ਹੈ।

ਰੋਜ਼ਾਨਾ 50 ਸੈਂਪਲਾਂ ਦੀ ਟੈਸਟਿੰਗ ਸਮਰੱਥਾ ਦੇ ਨਾਲ,  ਸੀਐੱਸਆਈਆਰ-ਨੀਰੀ ਕੋਲ ਕੋਵਿਡ-19 ਸੈਂਪਲਾਂ ਦੀ ਟੈਸਟਿੰਗ ਕਰਨ ਅਤੇ ਟੈਸਟਿੰਗ ਤੋਂ ਪਹਿਲਾਂ ਉਪਯੁਕਤ ਜੈਵ-ਸੁਰੱਖਿਆ ਅਤੇ ਸਾਵਧਾਨੀ ਵਰਤਣ ਲਈ ਜ਼ਰੂਰੀ ਬੁਨਿਆਦੀ ਢਾਂਚਾ ਮੌਜੂਦ ਹੈ।  ਸੀਐੱਸਆਈਆਰ-ਨੀਰੀ ਦੇ ਡਾਇਰੈਕਟਰ ਡਾ. ਰਾਕੇਸ਼ ਕੁਮਾਰ  ਨੇ ਕਿਹਾ ਕਿ ਨੈਦਾਨਿਕ ਸੈਂਪਲਾਂ ਦਾ ਟੈਸਟ ਕਰਨ ਅਤੇ ਟੈਸਟਿੰਗ ਸੁਵਿਧਾ ਦੇ ਸੰਚਾਲਨ ਲਈ ਜ਼ਰੂਰੀ ਸਾਰੀਆਂ ਲਾਜ਼ਮੀ ਪ੍ਰਵਾਨਗੀ ਪ੍ਰਾਪਤ ਕੀਤੀਆਂ ਗਈਆਂ ਸਨ।

ਸੀਐੱਸਆਈਆਰ-ਨੀਰੀ  ਦੇ ਵਿਗਿਆਨੀ ਡਾ. ਪ੍ਰਕਾਸ਼ ਕੁੰਭਾਰੇ ਨੇ ਕਿਹਾ,  “ਇਹ ਸੁਵਿਧਾ ਨਾਗਪੁਰ ਅਤੇ ਵਿਦਰਭ  ਦੇ ਆਸ-ਪਾਸ  ਦੇ ਖੇਤਰਾਂ ਦੇ ਕੋਵਿਡ-19 ਸੈਂਪਲ  ਦੇ ਟੈਸਟਿੰਗ ਲਈ ਖੁੱਲੀ ਹੈ।  ਸੀਐੱਸਆਈਆਰ-ਨੀਰੀ ਵਿੱਚ ਨੈਦਾਨਿਕ ਸੈਂਪਲਾਂ ਦੀ ਟੈਸਟਿੰਗ ਦੇ ਇਲਾਵਾ,  ਸੀਐੱਸਆਈਆਰ-ਨੀਰੀ ਵਿਅਕਤੀਗਤ ਸੁਰੱਖਿਆ ਉਪਕਰਣ (ਪੀਪੀਈ)  ਪ੍ਰਦਾਨ ਕਰਕੇ ਸਿਹਤ ਕਰਮੀਆਂ ਦਾ ਸਮਰਥਨ ਕਰ ਰਿਹਾ ਹੈ ਤਾਕਿ ਮਰੀਜ਼ਾਂ ਦੀ ਸੇਵਾ ਦੌਰਾਨ ਉਨ੍ਹਾਂ ਨੂੰ ਕਿਸੇ ਵੀ ਸੰਕ੍ਰਮਣ ਤੋਂ ਬਚਾਇਆ ਜਾ ਸਕੇ।

ਸੀਐੱਸਆਈਆਰ-ਨੀਰੀ ਵਾਇਰੋਲੋਜੀ ਲੈਬ ਜਿੱਥੇ ਵਾਇਰਸ ਦਾ ਟੈਸਟ ਹੁੰਦਾ ਹੈ

ਸੀਐਸਆਈਆਰ-ਨੀਰੀ ਵਾਇਰੋਲੋਜੀ ਲੈਬ ਦੀ ਟੀਮ ਕੋਵਿਡ -19 ਟੈਸਟਿੰਗ ਵਿੱਚ ਲੱਗੀ ਹੋਈ ਹੈ

*****

ਐੱਨਬੀ/ਕੇਜੀਐੱਸ/(ਇੰਡੀਆ ਸਾਇੰਸ ਵਾਇਰ)