সিপ্পিংগী রাজ্যগী (ইন্দিপেন্দেন্ত চার্জ) মন্ত্রী শ্রী মন্সুখ মান্দবিয়ানা ঙসি সিপ্পিং মন্ত্রালয়, দ্রেদজিং কোরপোরেসন ওব ইন্দিয়া, ইন্দিয়ন পোর্ত এসোসিএসন, ইনলেন্দ ৱাতরৱেজ ওথোরিতী ওব ইন্দিয়াগী ওফিসিএলশিং, মেজর পোর্ত ত্রস্তশিংগী চিয়ার্পারসনশিং অমসুং সেক্তর অসিগী অখঙ অহৈশিংগা লোইননা ঈশিংদগী লৌখৎলকপা পোৎশিংবু নৌনা শেমদোক-শাদোকপা য়ানবগী মতাংদা পাঙথোকপা ভিদিও কনফরেন্স অমগী ময়াই তাংবল লৌখ্রে।

পাউতাক পীনরকখিবশিং তারবা তুংদা, শ্রী মান্দবিয়ানা দ্রেদজিং কোরপোরেসন ওব ইন্দিয়াদা ভারতকী কোস্তলাইন্দা লৈরিবা অমসুং তুরেলদা লৈবা হিথাংফমশিংদা ঈশিংদগী খোমহৎলকপা পোৎশিংবু নৌনা শেমদোক শাদোকপা য়াবগী ওইথোকপা থিদোক্নবা য়াথং পীখি। শ্রী মান্দবিয়ানা খোমগৎলক্লবা পোৎশিংবু নৌনা শেমদোক শাদোরকপা মতমদা দ্রেদজিং তৌবগী অচঙবা শেল হন্থহন্নবগী মওংদা থবক পায়খৎকদবনি, মরমদি ঈশিংদগী অমোৎপা চিংখৎপা হায়বসি জহাজশিংগী চত্থোক-চৎশিন্দা শোইদ-ঙামদনবা অমসুং কোম্নবা অমসুং থাদোকপা য়ানবা চাং নাইনা তৌবা থবক অমনি হায়রদুনা মহাক্না পুক্নিং চিংশিনখি। মহাক্না প্রাবেৎ প্লেয়রশিংদা নৌনা শেমদোক-শাদোকপা য়াবা মোদেলশিং, চিংখৎলক্লিবা পোৎশিংদুগী পুত্থোক-পুশিন্দা শেল কয়া চঙদবগা লোইননা অকোইবদা অকাইবা পীদবা মওংদা শাগৎনবা পাউতাক পীখি।

শ্রী মান্দবিয়ানা মখা তানা হায়খি মদুদি ভারত সরকারনা ঈশিংদগী চিংখৎলক্লিবা পোৎশিং অসি অকোইবদা অকাইবা পীদবা মওংদা নৌনা শেমদোক-শাদোক্তুনা তুং কোইনা চাউখৎপা য়াবা মওং অমদা ওন্থোক্তুনা প্রধান মন্ত্রী শ্রী নরেন্দ্র মোদীগী মঙলান 'অরেমখাকশিংবু লন ওন্থোকপা' হায়বদু মঙফাওনবা ঙম্নবা হোৎনবদা মতেং পাংলগনি।

*****