য়ুমলৈ-কৈরৈ মন্ত্রালয়
জগনাথ রথ য়াত্রা থৌরমদা য়ুনিয়ন হোম মিনিস্তরনা মীয়ামদা মহাক্কী য়াইফ-পাউজেল পীখ্রে
“শেংলবা জগনাথ রথ য়াত্রা থৌরমদা খুদিংমক্তা ঐনা ঐগী য়াইফ-পাউজেল পীজরি”-য়ুনিয়ন হোম মিনিস্তর
“মহা প্রভু জগনাথনা মী খুদিংমক হকচাং ফবা, হরাওবা অমসুং নুংঙাই-য়াফবা ওইনবা বর পীবা ওইরসনু”-য়ুনিয়ন হোম মিনিস্তর
“ভগবান জগনাথনা ঐখোয় পুম্নক্তা মহাক্কী বর পীনবা ওইরসনু অমসুং লৈবাক অসিদগী কোরোনা লাইচৎ ফবদা মতেং পাংলসনু । জয় জগনাথ”-অমিৎ সাহ
Posted On:
23 JUN 2020 11:26AM by PIB Imphal
ঙসি য়ুনিয়ন হোম মিনিস্তর অমিৎ সাহনা জগনাথ রথ য়াত্রা থৌরমদা মীয়ামদা মহাক্কী য়াইফ-পাউজেল পীখ্রে । মহাক্কী তুইত অমদা মহাক্না হায়খি, “শেংলবা জগনাথ রথ য়াত্রা থৌরমদা খুদিংমক্তা ঐনা ঐগী য়াইফ-পাউজেল পীজরি । মহা প্রভু জগনাথনা মী খুদিংমক হকচাং ফবা, হরাওবা অমসুং নুংঙাই-য়াফবা ওইনবা বর পীবা ওইরসনু । ভগবান জগনাথনা ঐখোয় পুম্নক্তা মহাক্কী বর পীনবা ওইরসনু অমসুং লৈবাক অসিদগী কোরোনা লাইচৎ ফবদা মতেং পাংলসনু । জয় জগনাথ”।
পুরি রথ য়াত্রা অয়াবা পীখিবা সুপ্রিম কোর্তকী ৱায়েল ঙরাং য়ুনিয়ন হোম মিনিস্তরনা থাগৎখি । অমিৎ সাহনা হায়খি, রথ য়াত্রা পাংথোকপা য়ানবা ইকায়খুম্নরবা সুপ্রিম কোর্তনা ৱারেপ লৌখিবা অদুদা লৈবাক শীনবা থুংনা হরাওরে । প্রধান মন্ত্রী নরেন্দ্র মোদীনা ভক্তশিংগী অনিংবা খঙবতা নত্তনা ঐখোয়গী লৈবাক্কী অচৌবা চৎনবীশিং পাংথোক্নবা থবক পায়খৎলকপদা মহাক অমসুং ভারত শীনবা থুংনা লৈরিবা ভক্তশিং হরাওখি ।
*****
(Release ID: 1633551)
Visitor Counter : 150