প্রধানমন্ত্রীগী লোইশঙ
পি.এম. কেয়র্স ফন্দগী মখাদা ভারত্তা শাবা ভেন্তিলেতর ৫০,০০০না কোবিদ-১৯ থেংনগনি
Posted On:
23 JUN 2020 11:15AM by PIB Imphal
রাজ্যশিং/য়ু.তি.শিংদা লৈরিবা সরকারগী কোবিদ হোস্পিতালশিংদা পীনবা ‘মেদ-ইন-ইন্দিয়া’ ভেন্তিলেতর ৫০০০০ শানবা পি.এম. কেয়র্স ফন্দ ত্রস্তনা লুপা করোর ২০০০ খাক্তুনা থম্লে। মখা তানা, শিন্মীশিংগী য়াইফনবা থবক পায়খৎনবা লুপা করোর ১০০০ খাক্তুনা থম্লে।
ভেন্তিলেতর ৫০০০০গী মনুংদা, ভেন্তিলেতর ৩০০০০ এম./এস. ভারত ইলেকত্রোনিক্স লিমিতেৎনা শাগনি। লেমহৌরিবা ভেন্তিলেতর ২০০০০না অগভা হেল্থকেয়র, এমতিজ বেসিক (৫৬৬০), এমতিজ হাই এন্দ (৪০০০) অমসুং এল্লাইদ মেদিকেল (৪৫০)না শাগনি। হৌজিক ফাওবদা ভেন্তিলেতর ২৯২৩ শাখ্রে অমসুং মসিগী মনুংদা ভেন্তিলেতর ১৩৪০ রাজ্যশিং/য়ু.তি.শিংদা য়েন্থোকখ্রে। ভেন্তিলেতরশিং ফংখিবা রাজ্যশিংদি মহারাস্ত্রা (২৭৫), দিল্লী (২৭৫), গুজরাত (১৭৫), বিহার (১০০), কর্নাতক (৯০), রাজস্থান (৭৫)নি। ২০২০গী জুন থা লোইরকপদা অহেনবা ভেন্তিলেতর ১৪,০০০ রাজ্যশিং/য়ু.তি.শিংদা য়েন্থোক্কনি।
মখা তানা, শিন্মীশিংগী য়াইফনবা থবক পায়খৎনবা লুপা করোর ১০০০ থাদোকখ্রে। ফন্দ য়েন্থোকপা অসি ২০১১গী মীকোক থিবদা য়ুম্ফম ওইরগা অপুনবা মীশিংগী চাদা ৫০দা য়েংলগা য়েন্থোকপনি , চাদা ৪০না কোবিদ-১৯ পোজিতিব ওইবা কেস মশিং য়েংলগা পীখি অমসুং লেমহৌরিবা চাদা ১০না রাজ্যশিং/য়ু.তি.শিং চাং মান্ননা য়েন্থোকপনি। শেনফম অসিনা শিন্মীশিংগী চানবা, লায়েংনবা অমসুং চৎথোক-চৎশিনদা শিজিন্নগনি। গ্রান্ত ফংলবা মরুওইবা রাজ্যশিংদি মহারাস্ত্রা (করোর ১৮১), উত্তর প্রদেশ (করোর ১০৩), তমিল নাদু (করোর ৮৩), গুজরাত (করোর ৬৬), দিল্লী (করোর ৫৫), নোংচুপ বঙ্গাল (করোর ৫৩), বিহার (করোর ৫১), মৈধ্য প্রদেশ (করোর ৫০), রাজস্থান (করোর ৫০) অমসুং কর্নাতক (করোর ৩৪)নি।
*****
(Release ID: 1633533)
Visitor Counter : 189
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam