নীতি আয়োগ
কার্বোন য়াওদবা চত্থোক-চৎশিনগী পাম্বৈঃ ভারত্তা হন্থবা CO2গী চত্থোক-চৎশিনগী সিস্তেমশিং শেমগৎনবা ইন্তর্নেস্নেল প্রোজেক্ত
Posted On:
22 JUN 2020 12:50PM by PIB Imphal
ইন্তর্নেস্নেল ত্রান্সপোর্ত ফোরম (আই.তি.এফ.)গা খুৎশম্নদুনা নীতি আয়োগনা ভারত্তা কার্বোনগী চাং হন্থনা য়াওবা চত্থোক-চৎশিনগী সিস্তেমশিং শেমগৎনবগী অপাম্বগা লোয়ননা জুন ২৪দা “ভারত্তা কার্বোন য়াওদবা চত্থোক-চৎশিনগী পাম্বৈ” হৌদোক্কদৌরি।
ভারত অসি ২০০৮দগী চত্থোক-চৎশিনগী পোলিসিগী ইন্তরগবর্নমেন্তেল ওর্গনাইজেসন অমা ওইরিবা আই.তি.এফ.কী মীহুৎ অমা ওইদুনা লাক্লি।
আই.তি.এফ.কী সেক্রতরী-জেনরেল ওইরিবা নহা তাই কিম অমসুং নীতি আয়োগকী সি.ই.ও. অমিতাব কান্তনা জুন ২৪দা মীয়ামগী ওইবা মওংদা ওনলাইনগী থৌরম অসি হৌদোক্কনি। হাওসিং অমসুং অর্বান এফেয়র্স মন্ত্রালয়, ত্রান্সপোর্ত অমসুং হাইৱে মন্ত্রালয় অমসুং আই.তি.এফ.কী মকোকথোংবা ওফিসিএলশিংশু থৌরম অদু য়াওদনি।
ওনলাইনগী থৌরম অসিনা থৌরাং তৌদুনা থম্লিবা প্রোজেক্কী থবকশিংগী মতাংদা ত্রান্সপোর্ত অমসুং ক্লাইমেৎকী স্তেকহোলদরশিংদা ই-পাও পীগনি। মসিনা ভারতকী চত্থোক-চৎশিন্দা থেংনরিবা শিংনবশিংগী অমসুং মখোয়শিং অসি CO2 হন্থহনবগা মতৌ করম্না মরি লৈনবগে হায়বদুগী তাংদা ইনপুৎশিং ফংহন্নবা খুদোংচাবসু পীগনি। খন্ন-নৈনবা অসিদা মখা তানা প্রোজেক অসিনা ভারতনা তঙাই-ফদনা মথৌ তাবা অমসুং ফীভমশিংগী মতাংদা মতেং পাংগনি।
প্রোজেক অসিনা ভারতকীদমক্তা “ভারত্তা কার্বোন চেন্দবা চত্থোক-চৎশিন তৌনবশিং”গী তেলর-মেদ চত্থোক-চৎশিনগী মৈখু থোরকপা ওন্নবা ফ্রেমৱর্ক অমা শেমগনি। মসিনা সরকারদা হৌজিক্কী ওইবা অমসুং তুংদা ওইরক্কদবা চত্থোক-চৎশিনগী থবকশিংগী মতাংদা মরিক চুম্না ৱাখল তানবা অমসুং CO2থোরকপগা য়ুম্ফম ওইরগা মখোয়গী ৱারেপ অদু লৌবদা মতেং পাংগনি।
- করি: “ভারত্তা কার্বোন চেন্দবা চত্থোক-চৎশিন তৌনবশিং” হৌদোকপা
- মতম: য়ুমশকৈশা, জুন ২৪, ১৭.০০-১৯.০০ আই.এস.তি.
- মফম: https://youtu.be/l2G5x5RdBUM দা য়ুত্যুব লাইবস্ত্রীম
“ভারত্তা কার্বোন চেন্দবা চত্থোক-চৎশিন তৌনবশিং”গী প্রোজেক অসি ইন্তর্নেস্নেল ত্রান্সপোর্ত ফোরমগী “কার্বোন চেন্দবা চত্থোক-চৎশিনগী সিস্তেম”দা কার্বোন চেলহন্দনবা অচৌবা খোংথাং অমনি। মসি মালেমসিগী তোঙান-তোঙানবা মফম কয়াদা কার্বোন চেন্দবা চত্থোক-চৎশিন তৌববু শৌগৎপা ভারত, অর্জেন্তিনা, অজেরবাইজান অমসুং মোরোক্কো অসি হৌজিক-হৌজিক শরুক য়ারিবশিংনি। দি.তি.ই.ই. অসি অকোয়বগী ফীভম, মহৌশাবু মাংহন্দনা য়োকখত্তুনা থম্বা অমসুং ন্যুক্লিয়রগীদমক্তা ওইবা জর্মন ফেদরেল মন্ত্রালয়গী ইন্তর্নেস্নেল ক্লাইমেৎ ইনিসিএতিব(আই.কে.আই.)না শৌগৎপা আই.তি.এফ. অমসুং ৱুপ্পর্তেল ইন্সতিত্যুত অনিনা খুৎশম্ননা শেম্বনি।
*****
(Release ID: 1633370)
Visitor Counter : 224