ই.পি.এফ.ও.না হন্দক্তা নৌনা ফোংখিবা মরক্কী ওইবা পেরোল দেতাদা সেপ্তেম্বর ২০১৭তগী পেরোল দেতা খোম্বা হৌরকপদগী ই.পি.এফ.ও.গী লেপ্পা লৈতনা সবস্ক্রাইবর হেনগৎলকপগী মওং অমা উৎখ্রে। পেরোল দেতা অসিদা ২০১৮-১৯ অমসুং ১০১৯-২০গী পুনশিনলবা চহিগী ওইবা ফিবম উৎলি। সবস্ক্রাইবর বেজ অসিদা অহেনবা হাপচিল্লক্লিবসি ২০১৮-১৯দা লাখ ৬১.১২ ওইরম্বদগী ২০১৯-২০দা লাখ ৭৮.৫৮নি, হায়রিবসি ২৮% চাউখৎলে। ফোংখ্রবা দেতা অসি থা অমগী মনুংদা য়াওরকখ্রবা অমসুং মখোয়গী কন্ত্রিব্যুসন্দু ফংলবা থারগনি।

সবস্ক্রাইবর হেনগৎলকপগী চাং অসি থোকখিবগী চাং নেম্বা অমসুং হান্না থোকখ্রবা মেম্বরশিংনা নৌনা চঙলকপা হেনগৎলকপননি। সোসিএল সেক্যুরিতী ইন্সত্রুমেন্ত অমসুং ফিক্স দিপোজিৎশিংগী মরক্তা খ্বাইদগী ৱাংবা ওইরিবা ২০১৯-২০গী ওইনা ৮.৫%গী তেক্স রিতর্ন ফ্রী অসিনা ২০১৯-২০গী ওইনা ই.পি.এফ.ও.দগী তোকপগী চাং মমাঙ চহিগা চাংদম্নবদা ১০% হন্থরে।

মসিগী মথক্তা, ২০১৮-১৯দা মেম্বর লাখ ৪৩.৭৮ হঞ্জিল্লকখিবদগী ২০১৯-২০দা লাখ ৭৮.১৫ হঞ্জিল্লক্তুনা ৭৫% হেন্না হঞ্জিল্লকখি। থবক হোংবা মতমদা অরিবা একাউন্ততগী অনৌবা একাউন্ততা চয়েৎনবা য়াওদনা পি.এফ. বেলেন্স থাদোকপা য়াহল্লিবা ওতো-ত্রান্সফর ফেসিলিতী অসিনা মতাং কয়াদা মেম্বরশিপ মখা তানা লৈহনবদা অচৌবা থৌদাং লৌখি।

২০১৯-২০গী মনুংদা চহি-চহিগী কাঙলুপ ওইনা পাথোক্তুনা য়েংবদা, চহি ২৬-২৮, ২৯-৩৫ অমসুং ৩৫গী মথক্কী কাঙলুপকী অহেনবা য়াওরকপগী চাং অসি মমাঙ চহিগা চাংদম্নবা মতমদা ৫০% হেনগৎখ্রে। ওনলাইন মোদতা সর্বিস পীবগী থাক কা হেন্না ৱাংখৎলকপনা লৈবাক অসিদা লৈরিবা ৱার্কফোর্সশিংবু ই.পি.এফ.ও.গী সর্বিসশিংদা চিংশিল্লকখি। মসিগীসু মথক্তা, পি.এফ.তা থমজিনবা হায়বসি হৌজিক্তি পন্দুনা লৈখ্রবা শেলনি হায়না উনদ্রে। নুমিৎ হুম্নিগী মনুংদা ই.পি.এফ.ও.না কোবিদ-১৯ সেতল তৌবদা খুমাঙ চাউশিল্লকপগা লোইননা, পি.এফ. এক্যুমুলেসনশিং অসি খুদোংচাদ্রবা মতম অসিদা সবস্ক্রাইবরশিংগী তঙাইফদবশিং মতম চানা ফংহনবা ঙম্বা লিক্বিদ এসেত অমনি হায়না উরে। মসিগা মান্ননা, পি.এফ. এদভান্সশিং অসি থবক ফংদবা, লুহোংবগী চৎকদবা শেল, অৱাংবা থাক্কী মহৈ তম্নবা, য়ুমকৈ শাবগী অমসুং অনা লাইয়েংগী ওইনা লৌবা য়াহল্লি।

মখা তানা, নুপী ৱার্করশিং মিং চল্লকপগী চাংসু ফোর্মেল ৱার্কফোর্সতা নুপীশিংনা শরুক য়াবগী চাং হেনগৎলক্লি হায়বা উৎলদুনা মমাঙ চহিগা চাংদম্নরুবদা ২০১৯-২০দা ২২%দা হেনগৎখ্রে।

ফোংখ্রবা দেতা অসিদা অনৌবা ইস্তাব্লিস্মেন্ত লাখ ১.১৩না ২০১৮-১৯ অমসুং ২০১৯-২০গী মনুংদা ইহান হানবা ওইনা কমপ্লাইএন্সশিং ইনখ্রে। পোর্তেলশিংদা পি.এফ. কোদ লাইনা ফংহনবা অমসুং অনলাইন্দা ইলেক্ত্রোনিক চলান রিতর্ন (ই.সি.আর.) ফাইল তৌবা য়াহল্লিবা কমপ্লাইএন্সকী থবকশিং লাইথোকহনবনা ইস্তাব্লিস্মেন্তশিংনা ভোলুন্তরী কমপ্লাইএন্স তৌবা হেনগৎহল্লে।

ইন্দস্ত্রীশিংগী কাঙলুপ খাইদোক্তুনা নৈনবদা হোস্পিতাল অমসুং ফাইনান্সিং ইস্তাব্লিস্মেন্তশিংনা ৫০%দগী হেন্না মপাঙ্গল কনখৎলে অমরোমদা ত্রেদিং অমসুং কম্মর্সিএল ইস্তাব্লিস্মেন্তশিং, তেক্সতাইল অমসুং শীত্তোক শেংদোকপগী সর্বিসকী ইস্তাব্লিস্মেন্তশিংনা অহেনবা মিং চল্লকপদা ২০%দগী হেনগৎলে। হায়রিবসিনা তাক্লিবদি ২০১৯-২০গী ইকোনোমিক সর্বেদা উৎখ্রবা ভারতকী ইমপ্লোইমেন্তকী কৈথেলদা থবকশং ফোর্মেলাইজ তৌবগী চাং হেনগৎলক্লি তাকপনি।

*****