মশিং য়ামদবা কাংবুগী মন্ত্রালয়
কেন্দ্রগী মাইনোরিতী এফিয়র্স মন্ত্রী শ্রী মুক্ততার অবাস নকভিনা মহাক্কী য়ুমদা তোঙান তোঙানবা কাংলুপকী মীওইশিংগা লোয়ননা য়োগ তৌদুনা তরুকশুবা মালেমগী য়োগ নুমিৎ পালন তৌখ্রে
Posted On:
21 JUN 2020 1:36PM by PIB Imphal
কেন্দ্রগী মাইনোরিতী এফিয়র্স মন্ত্রী শ্রী মুক্ততার অবাস নকভিনা মহাক্কী য়ুমদা তোঙান তোঙানবা কাংলুপকী মীওইশিংগা লোয়ননা য়োগ তৌদুনা তরুকশুবা মালেমগী য়োগ নুমিৎ পালন তৌখ্রে। হৌজিক থোক্লিবা কোবিদ-১৯গী লায়চৎ অসিনা মী মশিং য়াম্না পুনবদা অথিংবা লৈবনা হন্দক চহিগী আই.দি.ৱাই.গী থিম ‘য়োগ ৱিদ ফেমিলী’ অসিবু মহাক্না শৌগৎখি।
আই.দি.ৱাই. অসি ইলেক্ত্রোনিক অমসুং দিজিতেল মীদিয়াগী খুত্থাংদা লৈবাক শীনবা থুংনা হরাও তয়াম্না পাঙথোকখি। মীয়াম্না ওনলাইনদা শরুক য়াবদা খুদোংচানবা সোসিএল অমসুং দিজিতেল মীদিয়াগী প্লেৎফোর্মশিং শীজিন্ননবা সরকারনা হেন্না হোৎনখি।
শ্রী নকভি মহাক মশামক হৌখিবা চহি কয়া অসি য়োগ তৌদুনা লাক্লি অমসুং য়োগনা চহি খায়দনা মীওই কাংলুপ পুম্নমক্তা কান্নবা পী হায়না হায়খি। য়োগনা হৌজিক ‘মলেমগী হকশেলদা মকোক থোংবা’ ওইরে হায়বা মহাক্না য়ানিংঙি অমসুং ভারতকী চহি লিশিং কয়া মমাংগী ওইবা চৎনবীনা মালেম পুম্বগী অমসুং মীয়ামগী ‘হকশেলগী পুকৈ’ ওইরকপদা ঐখোয়না চাওথোকচৈ। শ্রী নকভিনা থমখি মদুদি য়োগ অসি ঙসি হেন্না মরু ওইরক্লি মরমদি মীওইবগী ৱাখল অমসুং হকচাং অসি ৱাখল ৱাবা অমসুং পুল্লুসননা অকায়বা পীরি। য়োগনা “হকচাং ফনা লৈনবা মরু ওইবা লম্বীনি” অমসুং “হকচাং ফবনা অশেংবা লননি”।
(জুন ২১, ২০২০দা ন্যু দিল্লীদা কেন্দ্রগী মাইনোরিতী এফিয়র্স মন্ত্রী শ্রী মুক্ততার অবাস নকভিনা মহাক্কী য়ুমদা তোঙান তোঙানবা কাংলুপকী মীওইশিংগা লোয়ননা য়োগ তৌদুনা তরুকশুবা মালেমগী য়োগ নুমিৎ পালন তৌবগী মমিশিং)
*****
(Release ID: 1633164)
Visitor Counter : 188