প্রধান মন্ত্রী গরীব কল্যান পেকেজগী লুপা কোতি লাখ ১.৭০গী শরুক অমা ওইনা সরকারনা নুপীশিং, অহল ওইরবা মীওইশিং অমসুং লৌউবশিংদা শেল পীগনি অমসুং চেং হৱাই লেম্না য়েনগনি হায়না লাউথোকখ্রে। স্কিম অসিবু নিংথিনা চলায়রিবা অসি কেন্দ্র অমসুং রাজ্য সরকারনা লেপ্তনা য়েংশিল্লি। প্রধান মন্ত্রী গরীব কল্যান পেকেজগী মখাদা লায়রবা মীওই কোতি ৪২ হেনবনা শেলগী তেংবাং ওইনা লুপা কোতি ৬৫,৪৫৪ ফংখ্রে।

পি.এম.জি.কে.পি.গী তোঙান তোঙানবা থবকশিংগী মখাদা হৌজিক ফাওবগী মায় পাকপশিং মখাদা পীরিঃ

• বেনিফিসরী কোতি ৮.৯৪দা পি.এম.-কিসানগী অহানবা ইন্সতোলমেন্তকী শেল পীনবা লুপা কোতি ১৭৮৯১ হাপখ্রে।

• জন ধনগী একাউন্ত লৈবা নুপী কোতি ২০.৬৫ (১০০%)গী অহানবা ইন্সতোলমেন্ত ওইনা লুপা কোতি ১০৩২৫ মখোয়গী একাউন্ততা হাপখ্রে। জন ধনগী একাউন্ত লৈবা নুপী কোতি ২০.৬২ (১০০%)গী অনিশুবা ইন্সতোলমেন্ত ওইনা লুপা কোতি ১০৩১৫ মখোয়গী একাউন্ততা হাপখ্রে। জন ধনগী একাউন্ত লৈবা নুপী কোতি ২০.৬২ (১০০%)গী অহুমশুবা ইন্সতোলমেন্ত ওইনা লুপা কোতি ১০৩১২ মখোয়গী একাউন্ততা হাপখ্রে।

• অহল ওইরবা মীওই, নুপীশিং অমসুং নাম্মা শোইবা মীওই চাউরাক্না কোতি ২.৮১দা ইন্সতোলমেন্ত অনি থোক্না লুপা কোতি ২৮১৪.৫ থাদোকখ্রে। বেনিফিসরী কোতি ২.৮১দা কান্নবশিং অসি ইন্সতোলমেন্ত অনি থোক্না পীখি।
• য়ুম শাবা মীওই কোতি ২.৩না অপুনবা শেনফম লুপা কোতি ৪৩১২.৮২গী শেলগী তেংবাং ফংখ্রে।
• হৌজিকফাওবদা রাজ্য/য়ু.তি. ৩৬না এপ্রিল থাগী চেং হৱাই লাখ এম.তি. ১১৩ লৌখৎখ্রে। এপ্রিল ২০২০গী ওইনা রাজ্য/য়ু.তি. ৩৬না বেনিফিসরী কোতি ৭৪.০৩দা লাখ এম.তি.৩৭.০১গী চেং হৱাই য়েন্থোকখ্রে। মে ২০২০গী ওইনা রাজ্য/য়ু.তি. ৩৬না বেনিফিসরী কোতি ৭২.৮৩দা লাখ এম.তি. ৩৬.৪২গী চেং হৱাই য়েন্থোকখ্রে। জুন ২০২০গী ওইনা রাজ্য/য়ু.তি. ২৯না বেনিফিসরী কোতি ২৭.১৮দা লাখ এম.তি. ১৩.৫৯গী চেং হৱাই য়েন্থোকখ্রে। থা অহুমগী হৱাই এল.এম.তি. ৫.৮ পীবগী মনুংদা এল.এম.তি. ৫.৬৮গী হৱাই তোঙান তোঙানবা রাজ্য/য়ু.তি.শিংদা পীখ্রে। বেনিফিসরী ইমুং কোতি ১৯.৪গী মনুংদা ইমুং কোতি ১৬.৩দা হৱাই এল.এম.তি. ৩.৩৫ য়েন্থোকখ্রে। এপ্রিলগী ওইনা রাজ্য/য়ু.তি. ২৮না হৱাই ১০০% য়েন্থোকখ্রে, মেগী ওইনা রাজ্য/য়ু.তি. ২০না হৱাই ১০০% য়েন্থোকখ্রে অমস্নগ জুনগী ওইনা রাজ্য/য়ু.তি. ৭না হৱাই ১০০% য়েন্থোকখ্রে।

• আত্মানির্ভর ভারতকী মখাদা সরকারনা থা অনিগী ওইনা মাইগ্রেন্তশিংদা চেং হৱাই অমসুং চনা লেম্না পীগনি লাউথোকখ্রে। জুন ১৯, ২০২০ ফাওবগী ওইনা রাজ্য/য়ু.তি. ৩৬না চেং হৱাই এল.এম.তি. ৬.৩ থাংগৎখ্রে অমসুং স্কিম অসিগী ওইনা রাজ্য/য়ু.তি.শিংদা চনা এম.তি. ৩৪০৭৪ থাদোকখ্রে।
• স্কিম অসিগী মখাদা হৌজিক ফাওবগী ওইনা অপুনবা পি.এম.য়ু.ৱাই.গী সিলিন্দর কোতি ৮.৫২ বুক তৌদুনা এপ্রিল অমসুং মে থাগী পীথোকখ্রে। জুন ২০২০গী ওইনা পি.এম.য়ু.ৱাই.গী সিলিন্দর কোতি ২.১ বুক তৌখ্রে অমসুং বেনিফিসরীশিংদা পি.এম.য়ু.ৱাই.গী সিলিন্দর কোতি ১.৮৭ লেম্না পীখ্রে।
• ই.পি.এফ.ও. মেম্বর লাখ ২০.২২না ই.পি.এফ.ও.দগী হঞ্জিল্লরোইদবা এদবান্স ওনলাইন্দগী লৌথোকপগী খুদোংচাবা লৌদুনা অপুনবা শেনফম লুপা কোতি ৫৭৬৭ লৌথোকখ্রে।
• তাং ১/৪/২০২০দগী চৎনবা হৌগদবা হেনগৎপা মমল লাঊথোকখ্রে। হৌজিক্কী শেনবা চহীগী ওইনা মীওই কোতি ৮৮.৭৩গী নোংমগী থবক লৈহনখ্রে। মখা তানা পীথোক্ত্রিবা খুৎশুমন অমসুং পোত-চৈগী শেনফম লুপা কোতি ৩৬৩৭৯ থাদোকখ্রে।
• থবক তৌবা মীওই লাখ ৬৫.৭৪গী লুপা কোতি ৯৯৬.৪গী শেনফম ওইবা ই.পি.এফ. কন্ত্রিব্যুসন ২৪% থাদোকখ্রে।

• দিস্ত্রিক্ত মিনরেল ফন্দ (দি.এম.এফ.)গী মখাদা লুপা কোতি ৩৭৮৭গী শেনফম ওইবা ফন্দ অসিগী ৩০% অদু রাজ্যনা শিজিন্ননবা খংহনখ্রে অমসুং হৌজিক ফাওবদা লুপা জোতি ১৮৩.৬৫ শিজিন্নখ্রে।

• সরকারগী হোস্পিতাল অমসুং হেলথ কেয়র সেন্তরশিংদা লৈবা হেলথকী থৌমীশিংগী ইন্স্যুরেন্স স্কিম মার্চ ২০২০দগী থবক ওইনা পাংথোকপা হৌখ্রে। স্কিম অসি ন্যু ইন্দিয়া এসস্যুরেন্স স্কিমনা চলায়রি। স্কিম অসি সেপ্তেম্বর ফাওবা শাংদোকখ্রে।

প্রধান মন্ত্রী গরীব কল্যান পেকেজ

১৯/০৬/২০২০ ফাওবগী তোতেল দাইরেক্ত বেনেফিৎ ত্রান্সফর

******