মরূপশিং,

মসিগী থৌরম অসি নিংথিজনা হৌদোক্ত্রিঙৈদা ঐহাক্না খগরিয়াগী ইচিল-ইনাওশিং খরগা ৱারী শান্নখি। ঙসি খুঙ্গংগী মী ওইরিবা অদোম খুদিংমক্কা ৱারী শান্নবা ফংবসি য়াম্না নুংঙাইবসু ফাওই অদুগা য়াম্না অপেনবসু ফাওই। কোরোনাগী অরুবা ফীভম অসি হেনগৎলকপা হৌরকপদগী কেন্দ্র সরকার ওইরো নত্রগা রাজ্য সরকার ওইরো অদোম পুম্নমক্কীদমক্তা ৱাখি। মতম অসিদসু লৈরি-লৈরিবা মফমশিংদুদা তেংবাং পীনবা তৌখ্রে। ঐখোয়না শিন্মী ইচিল-ইনাওশিংগীদমক্তা স্পিসিএল শ্রমিক ত্রেনসু চেনবা হৌহনখি!

তশেংনমক, অদোমগা ৱারী শান্নজবসিদা অদোমগী শক্তিদসু য়াম্না তগৎ-তগৎ তেকপদৌনা লৈরিবা, ইকাই-খুম্নবগী ৱাখল্লোন অমা লৈরিবা, থাজবা অমা লৈরিবা মসি পুম্নমক ঐনা উবা ফংই। কোরোনাগী অসুক চাওরবা খুদোংথিবসিদা মালেম পুম্বা নিকহল্লবা, ৱাহল্লবা মতমসিদা অদোম্না হনবা লৈতনা লেপখি। ভারতকী খুঙ্গংশিংদা কোরোনাবু লান্থেংনরিবসিগী মওং অসিনা সহরশিংদা পারা অমা তম্নবিরে।

খন্দুনা য়েংবিয়ু, ভারতকী মীশিং শরুক অহুম থোকপগী শরুক অনি খুঙ্গং লাক্ষ ৬তগী হেনবা ঐখোয়গী লৈবাকসিদা চাওরাক্না মীওই কোতী ৮০-৮৫ লৈরিবা খুঙ্গংগী মফমশিংসিদা লায়চৎ অসিবু অদোম্না য়াম্না নিংথিজবা মওংদা লান্থেংনদুনা থিংলি। অদুগা মী মশিং অসি য়ুরোপকী লৈবাকপুম্বগা য়েংনরুরগসু য়াম্বা য়াম্না হেল্লি। মী মশিং অসি অমেরিকাগা য়েংনরুবদসু, রুসকা য়েংনরুবদসু, অস্ত্রেলিয়াগা য়েংনরুরবসু য়াম্বা য়াম্না হেল্লি। অসুক য়াম্লবা মীয়ামশিংসিগী ওইনা য়াম্না থৌনা লৈনা কোরোনাগা লান্থেংনবা, য়াম্না মায় পাক্না লান্থেংনবা হায়বসি য়াম্না অচৌবা ৱাফম্নি। মসিগী মায় পাকপসিগী মরুমদা ঐখোয়গী খুঙ্গংগী ভারতনা য়াম্না হৈ-শিংনা থবক তৌখি, পঞ্চায়েৎকী থাকফাওবগী ঐখোয়গী লোকতন্ত্রগী সিস্তেম, ঐখোয়গী হকশেলগী খুদোংচাবশিং, ঐখোয়গী হেল্থ সেন্তর-ৱেলনেস সেন্তর, ঐখোয়গী স্বচতা অভিয়ানগী য়াম্না চাওবা থৌদাং লৈরি।

অদুবু হৌবদগী হৌনা থবক তৌরিবা ঐখোয়গী মরুপশিং, খুঙ্গংগী প্রধান, আঙ্গনৱাদী ৱার্কর, আশা ৱার্কর, জীবিকা দিদি হায়রিবশিংসিনা য়াম্না নিংথিজনা থবক তৌখি। পুম্নমক অসি ৱা-ৱা হায়নিংঙাইগী মশক্নি, থাগৎনিংঙাইগী মশক্নি।

মরূপশিং,

ৱাফম অসি করিগুম্বা নোংচুপ লৈবাক্তা থোকপা ওইরম্লবদি মালেম অসিদা মায় পাকপগী ৱাফম অসি ৱা-ৱা লাওনরমগবনি। ঙসি অদোম পুম্নমক্কা ৱারী শাবসিদা থম্মোয়দা মকা লাম্বা অমসুং নুংঙাইবা ফাওই। তমথিরবা কোরোনাগী লায়চৎসিনা হেনগৎলকপা হৌরকখিবদগী কেন্দ্রবু ওইরো রাজ্যবু ওইরো সরকার অনিমক্কী ওইনা অৱাবা ওইখি। মতাংসিদা লৈরম লৈরম্লিবা মফমদুদা তেংবাং ফংহন্নবা হোৎনখি। ঐখোয়না শিন্মী ইচিল-ইনাওশিংগীদমক্তা শ্রমিক স্পিসিএল ত্রেনসু চেলহনবা হৌখি !

তশেংনমক,

ময়ামগা ৱারী শান্নরগা ময়ামসিগী থৌনাশিংগী মতাংদসু খংবা ঙম্লি। কোরোনাগী অসুক চাওবা খুদোংথিবসিনা লৈবাকপুম্বা পুংনোম নোমহল্লে, লোইনা খংনরে অদুবু অদোম্না খোংফম হন্দোক্তনা লেপ্লি। ভারতকী খুঙ্গংশিংদা কোরোনাবু লান্থেংনরিবা মওংসিদগী সহরশিংনসু অচৌবা পারা তম্বিরে।

খনবিয়ু, ভারতকী মীশিং শরুক অহুম থোকপগী শরুক অনি খুঙ্গং লাক্ষ ৬তগী হেনবা ঐখোয়গী লৈবাকসিদা চাওরাক্না মীওই কোতী ৮০-৮৫ লৈরিবা খুঙ্গংগী মফমশিংসিদা লায়চৎ অসিবু অদোম্না য়াম্না নিংথিজবা মওংদা লান্থেংনদুনা থোক্তনবা তৌরি।

মী মশিং অসি য়ুরোপকী লৈবাকপুম্বগা য়েংনরুরগসু য়াম্বা য়াম্না হেল্লি। মী মশিং অসি অমেরিকাগা য়েংনরুবদসু, রুসকা য়েংনরুবদসু, অস্ত্রেলিয়াগা য়েংনরুরবসু য়াম্বা য়াম্না হেল্লি। অসুক য়াম্লবা মীয়ামশিংসিগী ওইনা য়াম্না থৌনা লৈনা কোরোনাগা লান্থেংনবা, য়াম্না মায় পাক্না লান্থেংনবা হায়বসি য়াম্না অচৌবা ৱাফম্নি। মসিগী মায় পাকপসিগী মরুমদা ঐখোয়গী খুঙ্গংগী ভারতনা য়াম্না হৈ-শিংনা থবক তৌখি।

অদুবু হৌবদগী হৌনা থবক তৌরিবা ঐখোয়গী মরুপশিং, খুঙ্গংগী প্রধান, আঙ্গনৱাদী ৱার্কর, আশা ৱার্কর, জীবিকা দিদি হায়রিবশিংসিনা য়াম্না নিংথিজনা থবক তৌখি। পুম্নমক অসি ৱা-ৱা হায়নিংঙাইগী মশক্নি, থাগৎনিংঙাইগী মশক্নি। কনাগুম্বনা ইল্লক্লবসু হনবা লৈখিদ্রবশিংসিগীদমক অদোমগীদমক জয়-জয় হায়না লাওজরি। অদোম্না অদোমগী মী লিশিং-লাক্ষ কয়াবু কোরোনাদগী কনবিদুনা পুন্যগী ওইবা থবক তৌবিরি। ঐনা অদোম পুম্নমকপু খুরুমজরি।

মরূপশিং,

পতনাদা কোরোনা তেস্তিং তৌনবা অনৌবা মখলগী তেস্তিং তৌনবা মেছিন অমনা থবক তৌবা হৌরগনি হায়না ঐঙৌন্দা খংহল্লকখ্রে। মেছিন অসিনা নোংমদা চাওরাক্না তেস্ত ১৫০০ তৌবা য়াগনি।

ঙসিগী নুমীৎ অসি পুৱারিগী ওইবা নুমীৎ অমনি। ঙসি লায়রবশিংগী য়াইফনদমক্তা, মখোয়বু থবক্কীদমক্তা য়াম্না অচৌবা অভিয়ান অমা হৌদোক্লে। মসিগী অভিয়ান অসি ঐখোয়গী শিন্মী ইচিন-ইনাওশিংগীদমক্তা, ঐখোয়গী খুঙ্গংশিংদা লৈরিবা নহা ওইরিবা ইচল-ইচাশিংগীদমক্তা কত্থোক্লবনি। মসি অয়াম্বনা লোকদাউনগী মতমদা য়ুমদা হল্লকখিবা শিন্মীশিংগীনি। মখোয়শিং অদুনা মখোয়গী হোৎনজবা অমসুং হৈথোই শিংথোইবনা মখোয়গী খুঙ্গংবু চাওখৎনবগীদমক্তা করিগুম্বা খরা তৌবা পাম্মি! মখোয়না মখোয়গী খুঙ্গংদা লৈরিঙৈফাওবা মখোয়গী খুঙ্গংবু চাওখৎহনবা থবক তৌবা পাম্মি।

ঐখোয়না হোৎনরিবসি মসিগী অভিয়ানসিদগী শিন্মীশিং অমসুং থবক তৌরিবশিংগী ময়ুমগা নক্ননা থবক পীনবনি। হৌজিকফাওবা অদোমগী হোৎনবনা অমসুং হৈজ-শিংজবনা অদোমগী সহরশিং চাওখৎনবা তৌরম্বদু হৌজিক অদোমগী খুঙ্গংশিং অদোমগী লৈকায়শিং চাওখৎহল্লগনি।

সরকারগী স্কুলদা লৈদুনা শিন্মীশিং অসিনা মখোয়গী হৈজ-শিংজবনা স্কুল অদু অমুক নৌনা শেমজিন-শাজিনখ্রে। ঐগী শিন্মী ইচিল-ইনাওশিংগী থবকসিনা, মখোয়গী মরৈবাক নুংশিজবনা, মখোয়গী হৈথোই-শিংথোইবনা অভিয়ানসিগী ৱাখল্লোন অসিগী ইনোৎ হাপ্পিখিবনি।

অদোম্না খন্দুনা য়েংবিয়ু,

তেলেন্ত কয়া অমা ঐখোয়গী খুঙ্গংদা হল্লক্তুনা লাক্লে হায়বা। লৈবাক অসিগী সহর খুদিংমকপু য়াংনা চাওখৎহন্নবা কন্না হোৎনবা অমসুং হৈজ-শিংজবা অদু খগরিয়াগুম্বা খুঙ্গংগী লমশিংদা থবক পাংহল্লবদি ঐখোয়গী বিহার অসি কয়া য়াম্না চাওখৎহনগদগে হায়বা।

গরীব কল্যান য়োজনা অভিয়ান্দগী অদোমগী খুঙ্গংশিং চাওখৎহন্নবগীদমক্তা অদোম্বু থবক ফংহন্নবগীদমক্তা, চাওখৎহন্নবা থবকশিংগীদমক্তা লুপা কোতী লিশিং ৫০ চাদিং তৌগদৌরিবনি। মসিগী শেনফম অসিনা খুঙ্গংশিংদা থবক ফংহন্নবগীদমক, চাওখৎহন্নবগীদমক চাওরাক্না থবক্কী লম ২৫ মশক খংদোকখ্রে। থবক ২৫ নত্রগা প্রোজেকশিং অসি খুঙ্গংগী পুন্সিবু হেন্না ফগৎহন্নবগীদমক্কা মরী লৈনবনি। মসিগী থবক অসি মশাগী খুঙ্গংদা লৈরগা, মশাগী ইমুং-মনুংদা লৈদুনা তৌগদবনি।

খগরিয়াগী তেলিহার খুঙ্গংদা ঙসিদগী আঙ্গনৱাদী শঙলেন, ময়ামগী ওইবা অমাংশঙ, খুনগী কৈথেল অমসুং গুহাশিং শান্ননবা থবক হৌগদৌরে। মতৌ অসিগুম্না খুঙ্গং খুদিংগী মশা-মশাগী মথৌ তাবশিং লৈ। অসিগুম্বা মথৌ তাবশিং অসি হৌজিক গরীব কল্যান রোজগার অভিয়ানদগী মপুং ফাহনগদৌরি।

মসিদগী তোঙান-তোঙানবা খুঙ্গংশিংগী মফমশিংদা লায়রবশিংগীদমক্তা নিংথিজবা য়ুমসু শাগনি, উপাল-ৱাপালসু থাগনি, শা-শনশিং থম্ননবা শেদসু শাগনি। থক্নবা ঈশিংগীদমক্তা খুঙ্গংগী লুপশিংগী মতেংনা জল জীবন মিশনবুসু খুমাং চাওশিলহন্নবা তৌগনি। মসিগীশিং অসিমক খুঙ্গংদা লৈহনগদনি। অদুবু মসিগা লোয়ন-লোয়ননা মসিগী অভিয়ান অসিদগী অনৌবা খুদোংচাবশিং অসিদগী খুঙ্গংশিং অসি শমজিন্নহল্লগনি। সহরশিংগুম্না খুঙ্গংশিংদসু য়ুম-য়ুম খুদিংদা অহোংবা অমসুং অয়াংবা ইন্তর্নেৎকী মথৌ তাই।

মরূপশিং,

খুঙ্গংশিংদা খুঙ্গংশিংদগী হেন্না ইন্তর্নেৎ শিজিন্নগদৌরিবা অসি লৈবাক অসিগী পুৱারীদা অহানবা ওইনা ওইহনগদৌরি। খুঙ্গংশিংদা ইন্তর্নেৎকী স্পীদ অসি হেনগৎহন্নবা, ফাইবর কেবল য়ৌহন্নবা মসিগা মরি লৈনবা থবকশিংসু পাংথোক্কনি। মখোয়গী ইমুং-মনুংশিংগীদমক্তা অতৈ পাম্বৈশিং তাশিন-খোমজিন্নবা ঐখোয়গী ইচে-ইচলশিংবুসু সেলফ হেল্প গ্রুপশিংদগী শমজিন্নহনগনি।

মসিদা নত্তনা, শিন্মী খুদিংমকপুসু, অদোমগী হৈথোই-শিংথোইবশিংগা মেপ্পিং তৌবা হৌখ্রে। হায়বদি অদোমগী হৈথোই-শিংথোইবগী মতুং-ইন্না অদোম্না থবক ফংনবা খুঙ্গংশিংদুদা অদুম্মক অদোমগী হৈজ-শিংজবশিং মশক থংদোক্লগনি। অদোম্না হৈরিবা থবক অদুগীদমক মথৌতাবা থবকশিং অদু অদোমগী নাক্তা য়ৌহনবা ঙম্লগনি।

তমথিরবা কোরোনাগী লায়চৎ অসিগী মতমদা অোম্বু খুঙ্গংশিংদা লৈদুনা কনাগুম্বদগী শেল অমত্তা পুরুদনবা, কনাগুম্বগী মমাংদা খুৎ তিংথোক্লুদনবা সরকারনা কন্না হোৎনরি। লায়রবশিংনা মশাগী ইকাই খুম্নবদু ঐখোয়না খংজৈ।

অদোম থবকপু অথোইবনি খনবশিংনি, থবকপু ইরাৎচরিবশিংনি, অদোম্না থবক পাম্মি, এম্প্লোইমেন্ত পাম্মি। মসিগী ৱাখল্লোনশিংসিনা খ্বাইদগী অথোইবা ওইনা থম্লগা সরকারনা য়োজনা অসি শেমখি, য়োজনা অসি তেল্লবা মতমদা থবক পাংহল্লে।

মরূপশিং,

আত্মনির্ভর ভারত অভিয়ান হৌদোকখিবা অসিসু প্রধান মন্ত্রী গরীব কল্যান য়োজনাদগী হৌদোকখিবনি। চাওরাক্না লুপা লাক্ষ কোতী ২.২৫ রোম চাদিং থোখ্রে। থা অহুমসিদা লায়রবা কোতী ৮০গী পুখম য়ৌনা চেং-হৱাই ফংহন্নবা থবক তৌখ্রে।

খন্দুনা য়েংবিয়ু, য়ুম-য়ুমদা চৎলগা জন ধন একাওন্ত হাংহল্লমদ্রবদি, মোবাইলগা একাওন্ত অমসুং আধার কার্দ শমজিন্নহলমদবা তারবদি মসি করম্না ওইথোক্লমগনি। মমাংদা ওইরম্লিবা মতম অদু অদোমসু খংবিরমগনি। শেল চৎলম্মি, অদোমগী মিংদা চৎলম্মি অদুবু অদোমদা য়ৌরমদে। হৌজিক্তি পুম্নমক্তা অহোংবা লৈরে। অদোম্বু সরকারগী দুকান্দগী চেং-হৱাইগী অৱাৎপা লৈহন্দনবা ‘লৈবাক অমা রাসন কার্দ অমগী য়োজনা’ সু হৌদোখ্রে।

আত্মনির্ভর ভারতকীদমক আত্মনির্ভর লৌমীসু অদুক্কী মতিক মথৌ তাই। অদুবু চহী অসুক য়াম্বসি ঐখোয়গী লৈবাক অসিদা লৌউ-শিংউ অমসুং লৌমীশিং অসি মরম চাদনা চৎন-পথাপশিংদা পুনশিন্দুনা থম্লমখি। অদুদা ফম্বিরিবা লৌমী মরুপশিংনা অসুক য়াম্বা চহিসিদগী উপায় করিসু লৈজদ্রবগুম ফাওবিরমগনি।

মরূপশিং,

হৌজিক্তি লৌমীশিংনা মশাগী রাজ্যগী মপান্দসু মহৈ-মরোংশিং য়োনবা য়ারগনি অমসুং কৈথেল অমদা হেক্তা য়োনবা য়ারগনি। হৌজিক্তি অদোমগী পোত্থোক অদুগী মমল নিংথিনা পীগদবা লল্লোনবশিংগা, কম্পনীশিংগা হকথেংননা শম্নবা য়ারগনি, মখোয়দা হকথেংননা পোত্থোক অদু য়োনবা য়ারগনি।

আত্মনির্ভর ভারত পেকেজদা লৌমীশিংগী মহৈ-মরোংশিংবথম্ননবা কোল স্তোরেজ শারে, লৌমীশিংবু হকথেংননা কৈথেলশিংগা শম্ননবসু কোতী লাক্ষ ১ ইনভেস্তমেন্ত লাওথোকখ্রে। লৌমীশিংনা কৈথেলগা শম্নরবদি মখোয়গী মহৈ-মরোংশিং অদু অয়াম্বা মমলদা য়োন্নবগী লম্বীসু হাংলগনি। অদোম্না আত্মনির্ভর ভারত অভিয়ান্দগী অতোপ্পা ৱারেপ অমগী মতাংদা তাবিরম্লগনি!

অদোমগী খুঙ্গংগী মনাক নকপদা, সহরশিংদা অমসুং অপীকপা খুঙ্গংশিংদা মফমদুগী ওইবা পোত্থোকশিংদগী তোঙান-তোঙানবা পোৎলম শানবা, পেক্কিং তৌবা পোৎলম শানবগীদমক্তা ইন্দস্ত্রীগী গ্রুপশিং শারগনি। বিহারদা মখানা লৈ, লিচি লৈ, লফোই লৈ! ইয়ু.পি.দা হৈক্রু লৈ, হৈনৌ লৈ, রাজস্থান্দা মোরোক লৈ, মধ্য প্রদেশতা হৱাইশিং লৈ, ওরিশাদা, ঝারখন্দগী উমংশিংগী পোত্থোকশিং লৈ। জিলা খুদিংমক্তা মফমদুগী ওইবা পোত্থোক কয়া অমা লৈ, মসিগীশিংসিগা শম্নহনগদবা ইন্দস্ত্রী অসি নক্না শেমগৎনবা য়োজনা লৈরে।

মরূপশিং,

হৌখিবা চহি ৬সিদা লেপ্তনা হোৎনরিবশিংসিগী পান্দমসি অমখক্তংদি ঐখোয়গী খুঙ্গং, ঐখোয়গী লায়রবশিংনা মশাগী পাঙ্গলনা লেপচবা ঙম্ননবা, পাঙ্গল লৈবা ওইনবনি। ঐখোয়গী লায়রবা, শিন্মী, লৌমী অমফাওবনা কনাগী তেংবাং অমত্তগী মথৌ তাহন্দনবা। ঐখোয় অসি তেংবাংগী মথৌ তাদনা থবকপু ইকাই খুম্ননা হিংবনি।

গরীব কল্যান রোজগার অভিয়ান্না অদোমগী ইশাগী ইকাই খুম্নববু ঙাকপসু ঙম্লগনি অমসুং অদোমগী হোৎনবনা অদোমগী খুঙ্গং অদু চাওখৎহল্লগনি। ঙসি অদোমগী সেবক অসিনা অমসুং লৈবাক পুম্বনা ৱাখল্লোন অসিদা, অদোমগী ৱাশক্কা লোয়ন-লোয়ননা অদোমগী ইকাই খুম্নবা ঙাক্নবগীদমক থবক তৌরি।

মরূপশিং,

অদোম থবক্কীদমক থোকপিরক্লে অদুবু তঙাই ফদনা চেকশিন-থৌরাংশিং অদুদি শোইদনা পাংথোক্নবা হায়জরি। মাস্ক উপ্পগী, গমশা নত্রগা ফীনা মায় কুপশিনবগী, লু-নানবগী অমসুং গজ অনি লাপথোক্না লৈনবগী চৎন-কাংলোনশিং ঙাকপা কাওবিগনু।

ময়াম পুম্নমক হকচাং ফনা লৈবীয়ু, মাংলোমদা চংশিনবীয়ু , অদোমগা লোয়ননা লৈবাক অসিসু মাংলোমদা চংশিনবা ওইসনু, য়াইফ পাউজেল অসিগা লোয়ননা মরূপ পুম্নমকপু হন্ন-হন্ন থাগৎচরি।

ঐহাক্না ইকায় খুম্নজরিবা মুখ্য মন্ত্রী পুম্নমকপু তৌবীমল খংবা উৎচরি, অখন্ননা বিহার সরকারবু তৌবিমল খংবা উৎচরি, অসিগুম্লবা য়াম্না মরু ওইবা থবক অসি শিল লাংবগীদমক অমদি মসিবু মাংলোমদা পুখৎপগীদমক, অদোমগী তেংবাংগীদমক অদোম্বু তৌবিমল খংবা উৎচবগা লোয়ননা ময়াম পুম্নমকপু হন্ন-হন্ন থাগৎচরি।

*****