তুরিজম মন্ত্রালয়গী চয়োল অমা চুপ্না পাংথোক্কদবা ইন্তর্নেস্নেল যোগ দে অসি জুনগী ১৫, ২০২০ দগী মখল-মখা কয়াগী থরম কয়াগা লোয়ননা লৈবাক শিনবা থুংনা লৈরিবা রিজনেল ওফিসশিংদা হৌখ্রে অমসুং যোগগা মরি লৈননা “যোগ @হোম এন্দ যোগ ৱিত ফেমিলি” হায়বা সেন্ত্রেল থীমগী মখাদা সোসিয়ল মেদিয়া এক্তিভিতিসু হাংদোকখ্রে। হায়রিবা থৌরমশিং অসি লোকদাউন মনুংদা মীয়ামগী পুক্নিং ৱাখল হকচাং ফনা লৈনবগী পান্দমদা হৌখিবনি অমদি থৌরমশিং অসি অরায়না পামবৈনা হকথেংননা ফংহনবা ঙম্নবনি।

পাংথোক্কদৌরিবা থৌরমশিং অসিগী মরুওইবা থৌরমদি জুন ২০, ২০২০ গী দেখো অপনা দেশ ৱেবিনার অসিনি। থৌরম অসিদা তুরিজম মন্ত্রি শ্রী প্রহলাদ সিংহ পতেল য়াওগনি অমদি শদগুরু জগ্গী ৱাসুদেবগা লোয়ননা ৱারি-ৱাতাইশু শান্নগনি। 'ভারতঃ এ কলচরেল ত্রেজর' হায়না মীংথোনবা সেসন অসি জুন ২০, ২০২০ গী নুংথিল পুং ২ দগী পুং ৩ ফাওবা ওইগনি। ৱারি-ৱাতাইগী থৌরম অসি শ্রী প্রহলাদ সিংহ পতেলনা লুচিংগনি অমদি প্রোগ্রাম অসিদা শক্নাইরবা পেনেলিস্ত ৫সু শরুক য়াগনি, মখোয়শিং অদুদি শ্রী অজয় সিংহ, সি.এম.দি., স্পাইসজেৎ; শ্রী রিতেশ অগ্রৱাল, ওয়ো; মিস. অনিতা দোংগ্রে, ফেশন দিজাইন্নর; শ্রী রনবির বরার, সেলেব্রিতি চেফ; মিস. রঞ্জু এলেক্স, ভাইস প্রসিদেন্ত – মেরিয়্ত মার্কেতিং অসিনচিংবনি। দেখো অপনা দেশ ৱেবিনার সিরিস অসি তুরিজম মন্ত্রালয়গী এক ভারত শ্রেস্থ ভারত প্রোগ্রামগী মখাদা ভারতকী তাংলবা মখল মথেল কয়াবু খংহন্ননবননি।

হায়রিবা সেসন অসি ইনক্রিদিবল ইন্দিয়ানা চলাইবা সোসিএল মেদিয়া facebook.com/incredibleindia/ অমসুং Youtube.com/incredibleindia দা লাইব শন্দোক্কনি।

যোগ অমসুং মসিগী অফবা হায়বা অসিদা য়ুম্ফম ওইবা অতোপ্পা দেখো অপনা দেশ ৱেবিনারশিংদি-

১৯-০৬-২০২০ – পুং ১১-১২ - যোগ অমসুং মসিগী অফবা (ৱেলনেস) – এন ওফরিং ফোর চেলেনজিং তাইম হায়বা হিরম অসিদা যোগ গুরু ভারত থাকুর – ইন্তর্নেস্নেল যোগ প্রেক্তিস্নর অমসুং স্পিরিচ্যুল মাসতর, দোক্তর চিনময় পান্দে – প্রো ভাইস চানসেলর – দেব সংস্কৃতি বিস্ববিদ্যালয়, দোক্তর লক্ষ্মিনরায়ন জোসি – নাদি বিজ্ঞান এক্সপর্ত, যোগ থেরাপি এন্দ হিলিং সাইন্সেস অসিনচিংবশিংনা ৱারোল পীগনি।

২০-০৬-২০২০ - পুং ১১-১২ - 'ভারতঃ এ কলচরেল ত্রেজর' হায়বা হিরমদা ৱেবিনার, থৌরম অসি তুরিজম অমসুং কলচরগী রাজ্যগী য়ুনিয়ন মিনিস্তর (আই/সি)শ্রী প্রহলাদ সিংহ পতেলনা লুচিংগনি অমদি প্রোগ্রাম অসিদা শক্নাইরবা পেনালিস্ত ৫সু শরুক য়াগনি, মখোয়শিং অদুদি শ্রী অজয় সিংহ, সি.এম.দি., স্পাইসজেৎ; শ্রী রিতেশ অগ্রৱাল, ওয়ো; মিস. অনিতা দোংগ্রে, ফেশন দিজাইন্নর; শ্রী রনবির বরার, সেলেব্রিতি চেফ; মিস. রনজু এলেক্স, ভাইস প্রসিদেন্ত – মেরিয়্ত মার্কেতিং অসিনচিংবনি।

২১-০৬-২০২০ - পুং ১১-১২ – ইন্দিয়া এস এ যোগ দেস্তিনেসন হায়বা হিরমদা – শ্রী অচল মেহরা, সি.ই.ও., গ্রীনৱে (সোসিএল ইমপেক্ত কমপনি), ফাউনদর- মাহুৱা ভেন রিজোর্ত, পেন্চ এন্দ কো-ফাউনদর- দ যোগ হাউস, মুম্বাইনা ৱারোল পীগনি।

সোসিএল মেদিয়াগী খুৎথাংদা থবক পাংথোকহনগদবশিংঃ ইনক্রেদিবল ইন্দিয়াগী সোসিএল মেদিয়াশিংদা যোগবু পুক্নিংনা খোয়দানা ইমুং-মনুংশিংগা পুন্না তৌজবশিং য়াওই। তোঙান-তোঙানবা আসনশিং মখোয়গী পুন্সিদা তশেংবা পাংথোকপা শক্তমশিং অমদি ভিদিওশিং য়াওবা নুমীৎ খুদিংগী থাগৎপা পোস্তশিং য়াওই। মন্ত্রালয় অসিনা মখোয়গী শক্তমশিং অদু হাপ্পা য়াবা অমসুং ক্বীজগী পাউখুম পীবা য়াবা ওনলাইনগী থোংদা পাংথোকপা থবক কয়ামসু য়াওরি। চয়োল অসিদা যোগবু খোয়দাজবশিংনা পাংথোকপা লাইব সেস কয়ামসু য়াওগনি। অতৈ উৎলিবশিং অদুদা মীশিংনা ময়ুমদা পাংথোকপা য়ানবা মীশিংদা পাউতাক পীনবা ই-নিয়ুজলেতর অমগা অমসুং কনাগুম্বনা খোংচৎ অসি হৌরবা মতমদা পাংথোক্নবা মরুওইবা পরিং ‘যোগগী পন্থুং’ হায়বা অমা য়াওরি। মন্ত্রালয় অসিনা আয়ুশ মন্ত্রালয়না তৌবা ‘ঐগী পুন্সি ঐগী যোগ’ হায়বা চাংদম্নবা অমসু শৌগৎলি অমসুং মীশিংনা ময়ুমদা ইমুংদা মাগী ইমুং মনুংগা পুন্না যোগ পাংথোকপগী ভিদিও অমসু ফোংলগনি।

তুরিজম মন্ত্রালয়না MyGovকা পুল্লগা লৈবাক অসিদা লমসিগী ওইবা তুরিজম অসিবু শৌগৎনবা তেক্নোলোজীগী মতেংনা নাগরিকশিংগী মরক্তা তেংবাংনবগী ৱাখল্লোন শেমগৎনবা নিংথিজবা মওংদা শৌগৎলি। দেখো অপনা দেশ ৱেবিনার অসি মিনিস্ত্রী ওফ ইলেক্ত্রোনিক্স অমসুং ইনফোর্মেসন তোক্নোলোজী(মৈতী)না শেম্বা নেস্নেল ই-গবর্নেন্স দিবিজন(এন.ই.জি.দি.)না য়াম্না নিংথিজনা শৌগৎলি।

তুরিজম মন্ত্রালয়না ইন্তর্নেস্নেল যোগ দেগীদা পাংথোক্নবা হোৎনরিবসি ভারতকী ইনাক খুনবা ইপা-ইপুগী লনশিং অমসুং নিংথিজরবা তুরিজম অদু পুথোক্তুনা উহন্নবগীদমক্তনি।

*****