মাং তাক্নীংঙাই ওইরবা কোবিদ-১৯না মরম ওইদুনা অতোপ্পা লমদা থবক শুদুনা হিংবা শিন্মী কয়া অমনা মশাগী খুঙ্গংশিংদা হল্লক্লিবশিং অসি য়েংলদুনা মখোয়বু মপাঙ্গল পীবীনবা অমসুং মখোয়গী খুঙ্গংশিংদা হিংবগী লম্বী পীবীনবগীদমক প্রধান মন্ত্রী নরেন্দ্র মোদীনা ঙসি 'গরীব কল্যান রোজগার অভিয়ান' কৌবা পাক শন্না খুঙ্গংগী মীয়ামদা থবক পীননবা কেম্পেন অমা হৌদোকখ্রে। অভিয়ান অসি বিহারগী খাগরিয়া জিল্লাদা লৈবা বেলদৌর ব্লোক্কী তেলিহারদগী জুন ২০ (থাংজ)দা শরুক য়ারিবা রাজ্যশিংগী মুখ্য মন্ত্রীশিং অমসুং মহুৎ শিন্দুনা লাকপশিং, কেন্দ্রগী তোঙান-তোঙানবা মন্ত্রীশিং অমসুং অতোপ্পা কয়ানা শরুক য়াদুনা ভিদিও কনফরেন্সকী খুথাংদা হৌদোকখি।

প্রধান মন্ত্রীনা গরীব কল্যান রোজগার য়োজনা হৌদোকখিবা বিহারগী খাগরিয়া জিল্লাদা লৈবা তেলিহার খুঙ্গংগী খুঞ্জাশিংগা লোইননা থাপনা ভিদিও কনফরেন্সকী খুথাংদা ৱারী শানখি।

প্রধান মন্ত্রীনা অতোপ্পা লমদা থবক শুদুনা লৈরুবা শিন্মীশিংদা মখোয়গী হৌজিক ওইরিবা থবক্কী ফিবম অমসুং লোকদাউনগী মনুংদা হৌদোকখিবা য়াইফ-থৌরাংগীদমক পায়খৎখিবা তোঙান-তোঙানবা থৌশিলশিং অদু মখোয়দা ফংব্রা হায়বদু হংখি।

ৱারী শানরবা মতুংদা শ্রী মোদীনা অপেনবা ফোংদোকখি অমসুং কোবিদ-১৯ লান্থেংনবা মতমদা ভারতকী খুঙ্গংগী মীয়াম্না করম্না পুকচেল চেৎনা লেপখিবগে হায়বদু থমখি অমসুং খুদোংথীরবা মতম অসিদা মসিনা লৈবাক পুম্বদা অমসুং মালেমদা করম্না পুক্নিং থৌগৎপগে হায়বদু থমখি।

প্রধান মন্ত্রীনা হায়খি মদুদি কেন্দ্র সরকার অমসুং রাজ্য সরকারশিংনা লাইরবশিং অমসুং অতোপ্পা লমদা থবক শুবা চৎলিবশিংগীদমক অদুক্কী মতিক খল্লি।

আত্মা নির্ভর ভারত কেম্পেন অসি প্রধান মন্ত্রী গরীব কল্যান য়োজনাগী মখাদা লুপা কোতি ১.৭৫গা লোইননা হৌদোকখিবনি হায়না প্রধান মন্ত্রী ফোংদোকখি।

মহাক্না হায়খি, কেন্দ্র অমসুং রাজ্য সরকারনা ময়ুমদা হল্লক্নিংবা অতোপ্পা লমদা থবক শুরিবা শিন্মীশিংগীদমক অখন্নবা শ্রামিক এক্সপ্রেস ত্রেনশিং থাখি।

প্রধান মন্ত্রীনা মসিগী নুমিৎ অসিবু লাইরবা মীয়ামগীদমক, মখোয়গী থবক্কীদমক হৌদোকপা অচৌবা কেম্পেন অমনি হায়রদুনা মসিবু পুৱারীদা লৈহৌরগদবা নুমিৎ অমনি হায়না ফোংদোকখি।

মসিগী কেম্পেন অসি শিন্মী ওইনা লৈরিবা ইনাও অমসুং ইচলশিংগীদমক, নহাশিংগীদমক, ঐখোয়গী খুঙ্গংদা লৈরিবা ইচল অমসুং ইচাশিংদা কত্থোক্লবনি। মসিগী কেম্পেন অসিগী মখাদা শিন্মীশিংনা মখোয়গী ময়ুমদগী লাপ্তনা থবক শুবা ফংনবা হোৎনবা হায়বসি ঐখোয়গী পান্দম্নি হায়না মহাক্না ফোংদোকখি।

খুঙ্গংদা মতম শাংনা চৎপা অফবা ইনফ্রাস্ত্রকচরশিং শাগৎনবগীদক গরীব কল্যান রোজগার অভিয়ানগী মখাদা লুপা কোতি ৫০,০০০ কাইথগনি হায়না প্রধান মন্ত্রীনা লাউথোকখি।

তোঙান-তোঙানবা চাউখৎ থৌরাংগী থবক্কীদমক খুঙ্গংশিংদা থবক পীননবগীদমক থবক ২৫ লৌখৎলে হায়না মহাক্না হায়খি। হায়রিবা থবক ২৫ নত্ত্রগা প্রোজেক্তশিং অসি লাইরবশিংগী য়ুমকৈ শাবদা, প্লান্তেসন, জল জীবন মিসনগী মখাদা থক্নবা ঈশিং পীবা, পঞ্চায়ৎ ভাবনশিং, কম্ম্যুনিতী তোইলেৎ, খুঙ্গংগী মন্দিশিং, খুঙ্গংগী লম্বী, শঙ্গোন শঙ, অঙ্গনৱাদি ভাবন্নচিংবা অতোপ্পা ইনফ্রাস্তকচরশিং শেমগৎ শাগৎপগী তঙাইফদবশিং পীবগা মরী লৈনৈ।

অভিয়ান অসিনা খুঙ্গংগী মফমশিংদা হৌজিক্কানগী ওইবা খুদোংচাবশিংসু পীগনি হায়না প্রধান মন্ত্রীনা ফোংদোকখি। মহাক্না হায়খি, নহাশিং অমসুং অঙাংশিংগীদমক য়ুম্থোং খুদিংদা খোংজেল য়াঙবা অমসুং মমল হোঙবা ইন্তর্নেৎ পীবা হায়বসি য়াম্নমক তঙাইফদ্রে। প্রধান মন্ত্রীনা হায়খি মদুদি খুঙ্গংগী মফমশিংনা শহরদগী হেন্না ইন্তর্নেৎ শীজিন্নবসি হন্দক্না অহানবা ওইরে। মরম অসিনা ফাইবর কেবলশিং ফুম্বা অমসুং ইন্তর্নেৎ পীবা হায়বসি অভিয়ান অসিগী শরুক অমা ওইরে।

মসিগী থবকশিং অসি মখোয়না মখোয়গী খুঙ্গংশিংদা, মখোয়গী ইমুংশিংগা লৈমিন্নরিঙৈদা পায়খৎকনি।

প্রধান মন্ত্রীনা হায়খি মদুদি মরোমদোম লেপচবা (আত্মা নির্ভর) লৌমীশিং অসি মরোমদোম লেপচবা ভারত (আত্মা নির্ভর) ভারত অমা ওইনবা হোৎনবদা চপ মান্ননা তঙাইফদবা অমনি। মহাক্না হায়খি, সরকারনা কান্নদবা তোঙান তোঙানবা কাঙলোনশিং অমসুং চৎন-পথাপশিং লৌথোক্তুনা লৌমীশিংনা মখোয়গী পোত্থোকশিং লৈবাক অসিগী মফম অমহেক্তদা য়োনবা ফংজনবা অমসুং মখোয়গী পোত্থোকশিং অদুগীদমক মমল মতিক চানা পীবা লল্লোনবশিংগা হকথেংননা থেংনজবা য়ানবগীদমক মরুওইবা খোংথাংশিং লৌখৎলে।

শ্রী মোদীনা হায়খি, লৌমীশিং অসিবু কৈথেলদা হকথেংননা শম্নহল্লে অমসুং কোল্দ স্তোরেজনচিংবা লিঙ্কেজগীদমক সরকারনা লুপা কোতি ১,০০,০০০গী ওইগদবা ইনভেস্তমেন্ত তৌখ্রে।

নুমিৎ ১২৫নিগী অভিয়ান অসি মিসন মোদতা থবক পায়খৎকনি, বিহার, উত্তর প্রদেশ, মধ্য প্রদেশ, রাজস্থান, ঝারখন্দ অমসুং ওরিশাদা লৈরিবা অতোপ্পা লমদা থবক শুরুবা শিন্মী লৈবা জিল্লা ১১৬তা থবক মখল ২৫ পায়খৎনবা হোৎনবদা মিৎয়েং থমগনি। মসিগী কেম্পেন অসিগী মখাদা পায়খৎকদবা পব্লিক ৱার্ক্সশিংদা চঙগদবা রিসোর্স্কীদমক লুপা কোতি ৫০,০০০ কাইথগনি।

অভিয়ান অসি মীয়ামগী শেমগৎ শাগৎপগা মরী লৈনবা থবক ২৫ পায়খৎনবা অমসুং হিংনবগী লম্বী পীবীনবগা মরী লৈনবা থবকশিং পায়খৎনবগীদমক মন্ত্রালয় ১২গী অপুনবা থবক অমা ওইগনি, মমিং ওইনা পল্লবদা; খুঙ্গং চাউখৎ থৌরাং, পঞ্চায়তী রাজ, রোদ ত্রান্সপোর্ত অমসুং হায়ৱেজ, মাইন্স, থক্নবা ঈশিং অমসুং লুবা নানবা, ইনবাইরোন্মেন্ত, রেলৱেজ, পেত্রোলিয়ম অমসুং নেচরেল গ্যাস, ন্যু অমসুং রিন্যুৱেবল ইনর্জী, বোর্দর রোদ, তেলিকোম অমসুং লৌউ-শিংউ মন্ত্রালয়নি। থৌরাং অসিগী মরুওইবা পান্দমশিংদা য়াওরিবশিংদিঃ

• ময়ুমদা হল্লক্লবা অতোপ্পা লমদা থবক শুবা শিন্মীশিং অমসুং মখোয়না মান্ননা অৱাবা তারবা খুঙ্গংগী মীয়ামদা হিংনবগী খুদোংচাবা পীবা

• খুঙ্গংশিংবু পব্লিক ইনফ্রাস্ত্রকচরগা লোইননা মচু শঙবীবা, অমসুং লম্বী, হাউসিং, অঙ্গনৱাদি, পঞ্চায়ৎ ভাবন, অতোপ্পা তোঙান-তোঙানবা হিংনবগী লম্বীশিং, অমসুং কম্ম্যুনিতী কমপ্লেক্সশিংগী খুদোংচাবা পীবীদুনা হিংনবগী লম্বী পীবা

• তোঙান-তোঙানবা থবক মখল কয়াগী থৌরাং অসিনা অতোপ্পা লমদা থবক শুরুবা ময়ুমদা হল্লক্লবা খুদিংদা মখোয়দা লৈজবা হৈশিংবশিংগী মতুং ইন্না লাক্লিবা নুমিৎ ১২৫নি অসিদা থবক অমা পীবীবনি। থৌরাং অসিনা তুং কোইনা চৎকদবা মওংদা পুন্সিগী লম্বী পাক-চাউহনব্দা অমসুং চাউখৎহনবদা মতেং পাংলগনি।

খুঙ্গং চাউখৎ-থৌরাং মন্ত্রালয়না মসিগী কেম্পেন অসিগী নোদাল মন্ত্রালয় ওইগনি অমসুং কেম্পেন অসি রাজ্য সরকারশিংগা নক্না খুৎশম্ননা চত্তুনা পায়খৎকনি। মশক খঙদোক্লবা জিল্লাশিংদা তোঙান-তোঙানবা থৌরাংশিং চুম্না পায়খৎপা –পায়খত্তবা য়েংশিন্নবা অমসুং মতম চানা থবক পায়খৎপ্রা হায়বদু য়েংশিন্নবা জোইন্ত সেক্রেতরী অমসুং মসিগী মথক ওইবা কেন্দ্রগী নোদাল ওফিসর হাপকনি। জি.কে.আর.এ. পায়খৎকদবা রাজ্যগী মিংশিং

মরুওইবনা হান্না লৌখত্তুনা পায়খৎকদবা থবক ২৫ মখাগী তেবল অসিদা পীরিঃ

*****