ঙাকশেল মন্ত্রালয়
ঙাকশেল মন্ত্রী শ্রী রাজনাথ সিংহনা সি.দি.এস., সর্বিস চীফ অহুমগা লোয়ননা লাদাখ বোর্দরগী ফীভম য়েংশিনখ্রে
Posted On:
17 JUN 2020 3:23PM by PIB Imphal
ঙসি অয়ুক মিলিতরী এফিয়র্স বিভাগকী চীফ ওফ দেফেন্স স্তাফ অমসুং সেক্রেতরী, জেনরেল বিপিন রাৱৎ, চীফ ওফ আর্মি স্তাফ জেনরেল এম.এম. নরাবনে, চীফ ওফ নেভেল স্তাফ এদমিরেল, করমবীর সিংহ অমসুং চীফ ওফ এয়র স্তাফ. এয়র চীফ মর্শেল আর.কে.এস. ভাদুরিয়ানা শরুক য়াখিবা সাউথ ব্লোক্তা পাঙথোকপা মীফম অমদা ঙাকশেল মন্ত্রী শ্রী রাজনাথ সিংহনা লাদাখ বোর্দরগী ফীভম য়েংশিনখি।
শ্রী রাজনাথ সিংহনা ত্বীৎ অমদা বোর্দরদা লান শোক্নবদা থৱায় থাখ্রবশিংগীদমক নুংঙাইতবা ফোঙদোকখি অমসুং মহাক্না হায়, “গালৱানদা লান্মীশিংনা থৱায় থাখিবা অসি তশেংনা থম্মোয় শোকনিঙাই ওই অমসুং নুংঙাইতবা ফাওই। ঐখোয়গী লান্মীশিংনা মথৌ তৌরিঙৈদা অঙম্বা পাঙ্গল থৌনা উৎখি অমসুং মখোয়না থৱায় থাদুনা ভারত লান্মীগী ওইনা খ্বাইদগী ৱাংবা থাক অদু ফঙবা ঙমখি।
“লৈবাক অসিনা মখোয়গী থৌনা অমসুং কৎথোকপা অদু কাউঙম্লরোই। থৱায় থাখ্রবা লান্মীশিংগী ইমুংগী অৱাবদা ঐহাক্না শরুক য়ারি। অৱাবা তানফম অসিদা মখোয়গীদমক লৈবাক অসিনা পুন্না লেপ্লি। ভারতকী থৌনবা ফবশিংগী মথৌনা অমসুং মরিংজেলগীদমক ঐখোয়না চাওথোকপা পোকই।”
*****
(Release ID: 1632136)
Visitor Counter : 201
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Odia
,
Tamil
,
Telugu
,
Malayalam