രാജ്യരക്ഷാ മന്ത്രാലയം
പ്രതിരോധമന്ത്രി രാജ് നാഥ് സിങ് പ്രതിരോധ സേന മേധാവിയുമായും മൂന്ന് സേനാ തലവന്മാരുമായും ലഡാക്ക് അതിര്ത്തിയിലെ സാഹചര്യം വിലയിരുത്തി
Posted On:
17 JUN 2020 3:23PM by PIB Thiruvananthpuram
ലഡാക്ക് അതിര്ത്തിയിലെ നിലവിലെ സാഹചര്യം ഇന്ന് രാവിലെ പ്രതിരോധമന്ത്രി ശ്രീ രാജ്നാഥ് സിംഗ് വിലയിരുത്തി. ന്യൂഡല്ഹിയിലെ സൗത്ത് ബ്ലോക്കില് നടന്ന യോഗത്തില് പ്രതിരോധ സേനാ മേധാവിയും സേനാകാര്യ വകുപ്പ്
സെക്രട്ടറിയുമായ ജനറല് ബിപിന് റാവത്ത്, കരസേനാ മേധാവി ജനറല് എം.എം. നരവനെ, നാവികസേനാ മേധാവി അഡ്മിറല് കരംബീര് സിങ്, വ്യോമസേനാ മേധാവി എയര് ചീഫ് മാര്ഷല് ആര് കെ എസ് ഭദുരിയ എന്നിവര് സംബന്ധിച്ചു.
ഗല്വാന് അതിര്ത്തിയില് നടന്ന സംഘര്ഷത്തില് സേനാംഗങ്ങള്ക്ക് ജീവന് നഷ്ടമായത് അസ്വസ്ഥത ഉളവാക്കുന്നതും വേദനാ ജനകവുമാണെന്ന് ശ്രീ രാജ്നാഥ് സിംഗ് പിന്നീട് ട്വിറ്റര് സന്ദേശത്തില് കുറിച്ചു. അതിര്ത്തിയിലെ ജവാന്മാര്, തങ്ങളുടെ ഉത്തരവാദിത്വം നിറവേറ്റാന് അസാധാരണമായ ധൈര്യം പ്രദര്ശിപ്പിച്ചു, ജീവത്യാഗം വരിക്കുകയായിരുന്നു. അവരുടെ ത്യാഗവും ധീരതയും രാജ്യം ഒരിക്കലും വിസ്മരിക്കില്ല. ഈ ദുഃഖകരമായ വേളയില് ജീവന് ത്യജിച്ച സൈനികരുടെ കുടുംബത്തോടൊപ്പം രാജ്യം തോളോട് തോള് ചേര്ന്ന് നില്ക്കണം. രാജ്യത്തിന്റെ ധീരപുരുഷന്മാരുടെ സ്ഥൈര്യത്തില് നാം അഭിമാനിക്കുന്നു എന്നും ശ്രീ രാജ്നാഥ് സിങ് ട്വിറ്റര് സന്ദേശത്തില് പറഞ്ഞു.
****
(Release ID: 1632108)
Visitor Counter : 209
Read this release in:
English
,
Urdu
,
Hindi
,
Marathi
,
Manipuri
,
Assamese
,
Bengali
,
Punjabi
,
Odia
,
Tamil
,
Telugu