সোসিয়েল জস্তিস অমসুং ইম্পৱার্মেন্ত মন্ত্রালয়

পঞ্জাবকী ফিরোজপুরদা এম./ও. সোসিএল জস্তিস অমসুং এম্পাৱরমেন্তগী মখাদা লৈবা এ.দি.আই.পি. স্কিমনা দিব্যাংগঞ্জশিং মতেং পীনবা এদশিং অমসুং দিভাইজশিং ভর্চ্যুয়ল প্লেৎফোর্মগী খুত্থাংদা অহানবা ওইনা য়েন্থোকপা

খুদোংথীবা থোক্লিবা তানফম অসিদা অখন্নবা বেনিফিসরিশিংদা মতম চাবা রিহেবিলিতেসন এ.আই.দি.এস. ফংহন্ননবা ভর্চ্যুয়ল এ.দি.আই.পি. কেম্প কয়া শীল্লগনি – শ্রী থাৱারচান্দ গেহলোৎ

Posted On: 15 JUN 2020 2:01PM by PIB Imphal

কোবিদ-১৯গী লায়না লাইচৎনা মরম ওইদুনা সমাজ অসিদা তংদু লৈতদ্রবা ফীভম ওইহল্লিবা অসিগী চৈরক্তা, মীমান্নদ্রবা মীওইশিং (দিবয়াঙ্গজন)গীদমক য়াইফ থৌরাং স্কিমনা লেপ্পা লৈতনা কান্নবা ফঙহন্নবা ভারত সরকারনা অখন্নবা থৌরাংশিং লৌখৎলি। মসি ফঙহন্নবা হোৎনবদা চেকশিন থৌরাং পুম্নমক লৌখৎতুনা, ভারত সরকারগী এ.দি.আই.পি. স্কিমগী মখাদা ব্লোক লেবেলগী থক্তা দিবয়াঙ্গজনশিংগীদমক পঞ্জাবকী ফিরোজপুর জিলাগী তালৱান্দি ভাই ব্লোকতা এ.দি.আই.পি.গী ভর্চ্যুয়ল কেম্প অমা পাঙথোক্তুনা মতেং পীনবা এদশিং অমসুং দিভাইজশিং লেম্না য়েন্থোকখ্রে। মসি ভারত সরকারগী এ.দি.আই.পি. স্কিমগী মখাদা এম./ও. সোসিএল জস্তিস অমসুং এম্পাৱর্মেন্তগী দি.ই.পি.দবল্যু.দি.গী মখাদা লৈবা এ.এল.আই.এম.সি.ও.না ভারত সরকারনা পীবা স্তেনদর্দ ওপরেতিং প্রোসিদ্যুর (এস.ও.পি.)গা লোয়ননা লোকদাউন কোমথোক্লবা মতুংগী অহানবা ওইনা শীনবা কেম্পনি।

কন্দ্রগী সোসিএল জস্তিস অমসুং এম্পাৱৱর্মেন্তগী মন্ত্রী শ্রী থাৱারচান্দ গেহলোৎনা ওনলাইন ভিদিও স্ত্রীমিং তৌদুনা অথোইবা মীথুংলেন ওইনা থৌরম অসি হৌদোকখি। শ্রীমতি শকুন্তালা দি. গাম্লিন, সেক্রেতরী, (দি.ই.পি.দবল্যু.দি), শ্রী প্রাবোধ সেথ, জোইন্ত সেক্রেতরী, দি.ই.পি.দবল্যু.দি, শ্রী দি.আর. সারীন, সি.এম.দি., এ.এল.আই.এম.সি.ও.না ভিদিও লিঙ্ককী খুত্থাংদা ভর্চ্যুয়ল ওইনা য়াওখি। ফিরোজপুর (রুরেল)গী এম.এল.এ., শ্রীমতি সাতকার কোর অমসুং ফিরোজপুরগী দিস্ত্রিক্ত কল্লেক্তর শ্রী কুলৱান্ত সিংহনা থৌরম অসি য়াওখি। পীবা স্তেনদর্দ ওপরেতিং প্রোসিদ্যুর (এস.ও.পি.)গা লোয়ননা লোকদাউন কোমথোক্লবা মতুংগী অহা

শ্রী থাৱার্চন্দ গেহলোৎনা মহাক্কী ওইবা ৱারোম পীবদা হায় মদুদি মহাক্কী মন্ত্রালয় অসিনা প্রধান মন্ত্রী শ্রি নরেন্দ্রা মোদীনা লমজিংদুনা তোঙান তোঙানবা খোংথাংশিং অমসুং স্কিমশিং খুত্থাংদা লৈবাক অসিদা লৈরিবা দিবয়াঙ্গজনগী য়াইফনবা তৌরি। কোবিদ-১৯গী লায়না লাইচৎ অসি য়েংলগা, সোসিএল জস্তিস অমসুং এম্পাৱর্মেন্তগী মন্ত্রালয়না এদশিং অমসুং মতেং পাংনবা দিভাইসশিং য়েন্থোকনবা লৈবাক শিনবা থুংনা হৌজিক এ.দি.আই.পি.গী ভর্চ্যুয়ল কেমপশিং শীন্নবা ৱারেপশিং লৌখ্রে। লৈবাক অসিদা পাঙথোকপা এ.দি.আই.পি.গী কেম্পশিংগী মনুংদা, হৌজিক ফাওবদা গিনস বুক ওফ ৱার্ল্দ রেকোর্দ ১০ থম্বা ঙমখ্রে। মন্ত্রালয় অসিনা দিবয়াঙ্গজন মহৈরোইশিংনা মশা মরোমদোম লেপচবা ঙম্নবা মখোয়গী মহৈ-মশিং তম্বদা শেলগী তেংবাং পীনবা তোঙান তোঙানবা স্কিমশিং পাইখৎলি হায়না মহাক্না ফোঙদোকখি। মহাক্কী মন্ত্রালয় অসিনা দিবয়াঙ্গজনবু খুদোংচাবা অমসুং মতেং পীনবা মরু ওইবা স্কিমশিং অমসুং প্রোগ্রামশিং কয়া লৌখৎখিবা অদুসু পনখি। ভারত শিনবা থুংনবা ভেলিদ ওইবা দিবয়াঙ্গজনগী য়ুনিক আই.দি. কার্দশিংগীদমক দিবয়াঙ্গজন অমসুং মখোয়গী ইমুংগী মীহুৎশিংনা এনরোল তৌনবা মহাক্না হায়খি। হৌজিক ফাওবদা লৈবাক অসিদা দিবয়াঙ্গজনদা য়ুনিক আই.দি. কার্দ লাখ ৩১ ফঙহনখ্রে।

ফিরোজপুর (রুরেল)গী এম.এল.এ., শ্রীমতি সাতকার কোরনা মহাক্কী ৱারোলদা মহাক্কী কেন্দ্র অসিদা কোবিদ-১৯গী লায়না লাইচৎ অসি থোকপগী মরু ওইরিবা তানফম অসিগী মনুংদা দিবয়াঙ্গজনগীদমক কান্নরবা এ.দি.আই.পি.গী ভর্চ্যুয়ল কেম্প অমা শীনবি লাংবিবা অসিগীদমক সোসিএল জস্তিস অমসুং এম্পাৱর্মেন্তগী মন্ত্রালয়বু থাগৎপা ফোঙদোকখি। দিবয়াঙ্গজনগীদমক মোতোরাইজ ত্রাইসাইকল পীবগী ইলিজিবিলিতী অসি খরা কোমথোক্তুনা দিবয়াঙ্গজন কয়াদা মতেং পীবিনবা মহাক্না অপাম্বা ফোঙদোকখি।

শ্রীমতি শকুন্তালা দি. গাম্লিননা মহাক্কী ৱারোলদা হায় মদুদি সোসিএল জস্তিস অমসুং এমপাৱর্মেন্তগী মন্ত্রালয়গী দি.ই.পি.দবল্যু.দি., অসিনা অসিগুম্লবা এ.দি.আই.পি.গী ভর্চ্যুয়ল কেমপশিং লৈবাক শিনবা থুংনা শীন্নবা স্তেনদর্দ ওপরেতিং প্রোসিদ্যুর (এস.ও.পি.) অমা শেমখি। এদশিং অমসুং মতেং পাংনবা দিভাইসশিং য়েন্থোকনবগী মনুংদা কোবিদ-১৯ শন্দোকপগী ওইথোকপা লাকপদা লাকশিন্নবা হকশেল অমসুং ইশা খুদোকথীবা নংদনবা অকনবা চেকশিল থৌরাংশিং অমসুং অতৈ অতোপ্পা মথৌ তাবা চেকশিল থৌরাংশিংগী ওইবা খোংথাং কয়া লৌখৎখি।

লুপা লাখ ১২গী মথক ওইগদবা মতেং পাংনবা এপ্লাইয়েন্সগী কেতগরী মখল ১৬৬ ব্লোক তালৱান্দিগী অপুনবা বেনিফিসরি ৯৫তা পীখি । কেম্প অসিদা বেনিফিসরিশিংগী মরক্তা মোতোরাইজ ত্রাইসাইকল ১১সু য়েন্থোকখি। অদুম ওইনমক, অপুনবগী ওইনা, ফিরোজপুর জিলাগী ওইনা বেনিফিসরি ৯৬২দা লুপা কোতি লাক ৫০গী মথক ওইগদবা মতেং পাংনবা খুৎশু-খুৎলাই ১৬৬৭ পীথখ্রে। য়েন্থোকপগী থবক অসি ২০২০গী জুন ১৫দগী হৌদুনা জুন ২০ ফাওবদা ফিরোজপুরগী ব্লোক ৬তা পাঙথোকখি।

ঙসিগী ফিরোজপুর (পঞ্জাব)কী তালৱান্দি ভাইগী কেম্পতা এ.এল.আই.এম.সি.ও.না শীন্দুনা ভর্চ্যুয়লগী খুত্থাংদা দিসেন্ত্রেলাইজ ওইবা মওংদা য়েন্থোকপা অমসুং লাপনা ৱারোল পীবা অসি মসিগী মখল অসিগী ওইনদি অহানবা ওইরি। মসি মাই পাকখিবা অসিদা য়ুম্ফম ওইরগা, হৌজিক খুদোংথীবা থোক্লিবা তানফম অসিদা অখন্নবা বিনিফিসরিশিংদা রিহেবিলিতেসন এদ মতম চাবা ফংহন্নবগীদমক মসিগা মান্নবা কেম্পশিং লৈবাক্কী মফম খুদিংদা পাঙথোক্কদৌরি। কেম্প অসি ভারত সরকারগী সোসিএল জস্তিস অমসুং এমপাৱর্মেন্তগী মন্ত্রালয় (এম.ও.এস.জে.অমসুং ই.), এম্পাৱর্মেন্ত ওফ পর্সন ৱিথ দিসএবিলিতীগী বিভাগকী লুচিং মখাদা থবক তৌরিবা কানপুরগী আর্তিফিসিএল লিম্বস মেন্যুফেকচরিং কোর্পরেসন ওফ ইন্দিয়া (এ.এল.আই.এম.সি.ও.)না শীনবনি।

দিবয়াঙ্গজনশিংগী স্কিম অসিগী কান্নবা বেনিফিসরিশিংদা লেপতনা ফংহন্নবা লৌখৎপা খোংথাংশিং খরা অদুদি মীওই খুদিংমক থর্মেল স্ক্রীনিং তৌনবা থৌরাং তৌবা, ফেস মাস্ক, সেনিতাইজরশিং, হেন্দ গ্লোবশিং শুক শোইদনা শীজিন্নবা অমসুং প্রোফেস্নেলশিংনা পি.পি.ই. কিৎশিং শীজিন্নবা অসিনি। পাঙথোক্কদৌরিবা মফম অমসুং এপ্লাইয়েন্স য়াওনা তোয়না শোকপা মফমশিং সেনিতাইজেসন তৌথোকপা। দিস্পেচ তৌদ্রিঙৈদা এদশিং অমসুং এপ্লাইয়েন্সশিংগী সেনিতাইজেসন, পুথোক পুশিন তৌনবা গারী, ওপন/ক্লোস স্তেক তৌফমশিং সেনিতাইজেসন তৌবা, য়েন্থোকত্রিঙৈ মমাংদা মতেং পাংনবা দিভাইসশিং অমুক হন্না সেনিতাইজেসন তৌবা য়াওনা ইক্ব্যুপমেন্তগী তোঙান তোঙানবা থাক্তা সেনিতাইজেসন তৌবা। নকশিন্নরগা হাপ্পা মথৌ তাবা দিভাইসশিংগী ওইনদি হৌজিক ওইরিবা কোবিদকী ফীভম অসিনা মরম ওইদুনা হৌজিক্কী ওইনদি য়েন্থোকখিদ্রে।

ফঙ্কসন অসি য়াওবা লাক্লিবা বেনিফিসরিশিং অমসুং মখোয়গী এতেন্দেন্তশিংগী মরক্তা সোসিএল দিস্তেন্সিং তৌদুনা ফমনবা মফমশিং অদু শীনখি অমসুং খজিক খজিক খায়দোক্তুনা তাইম স্লোৎ শেমদুনা বেচশিং খায়দোক্তুনা বেচ অমদা বেনিফিসরি ৪০ থম্লগা মী নকনা চৎতনবা তোঙান তোঙানবা চংফম অমসুং থোকফমশিংদা লাকহল্লি।

তালৱান্দি ভাই ব্লোক অসিদা য়েন্থোকখিবা এদশিং অমসুং এপ্লাইয়েন্সশিং অদুদা, মোতোরাইজ ত্রাইসাইকল ১১, ত্রাইসাইকল ১৯, ৱীল চ্যিয়র ২১, সি.পি. চ্যিয়র ০৪, ক্রৎচেস ৩২, চৈশু ১৫, স্মার্ত কেন ১৪, স্মার্ত ফোন ১২, দেজি প্লেয়র ০১, রোল্লাতর ০৩, হীয়রিং এদ ১৮, এম.এস.আই.ই.দি. কিৎ ১২ অমসুং আর্তিফিসিএল লিম্ব অমসুং কেল্লিপর ০৪ য়াওখি। অপুনবা মোতোরাইজ ত্রাইসাইকল ২০০ কেম্প অসিদা য়েন্থোকখি। মোতোরাইজ ত্রাইসাইকল অমগী মমল অসি লুপা লিশিং ৩৭ ওই। ইলিজিবল ওইরবা বেনিফিসরিনা ভারত সরকারগী এ.দি.আই.পি. স্কিমগী মখাদা সবসিদি ওইনা লুপা লিশিং ২৫গী মতেং পীরি। মোতোরাইজ ত্রাইসাইকল অমমমদা লুপা ১২০০০গী বেলেন্স এমাউন্ত ওইনা দিস্ত্রিক্ত রেদ ক্রোস সোসাইতী, ফিরোজপুরনা মতেং পাঙলি।

মখাদা পীরিবা এদশিং অমসুং এপ্লাইয়েন্সকী কেতগোরীশিং অসি ফিরোজপুর জিলাগী দিস্ত্রিব্যুসন কেম্পশিংগী ব্লোক্কী মতুং ইন্না মথং মনাও নাইনা য়েন্থোকখিবা। অকুপ্পা ৱারোম মখাদা পীরি:

মোতোরাইজ ত্রাইসাইকল - ২০০

ত্রাইসাইকল - ২৩৯

ৱীল চ্যিয়র - ১৯৪

সি.পি. চ্যিয়র - ২৩

ক্রৎচেস - ৩৯৪

চৈশু - ১০৮

স্মার্ত কেন - ৭৬

স্মার্ত ফোন - ৫১

দেজি প্লেয়র -১৭

ব্রেল কিৎ - ০৩

রোল্লাতর -২১

হীয়রিং এদ - ২২৬

এম.এস.আই.ই.দি. কিৎ - ৯৮

আর্তিফিসিএল লিম্ব অমসুং কেল্লিপর - ১৭


 

*****



(Release ID: 1631722) Visitor Counter : 7