য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রী শ্রী অমিৎ শাহনা দিল্লীদা কোবিদ-১৯গী ফীভম য়েংশিন্নবগী মীফম পাংথোকখ্রে

মীফম অদুদা কেন্দ্রগী হকশেল মন্ত্রী দা.হর্শ বর্ধন, দিল্লীগী এল.জি. শ্রী অনীল বাইজল, মুখ্য মন্ত্রী শ্রী অর্বিন্দ কেজরীৱাল অমসুং এম্সকী দিরেক্তরদা নত্তনা অতৈ মকোক থোংবা ওফিসরশিং য়াওখি

কেন্দ্র সরকারনা দিল্লীদা কোবিদ-১৯ শন্দোরকপা য়েংশিন্নবা অমসুং লৈবাক অসিগী কোনুং অসিবু তেক্ত-কাইদনা থম্নবগীদমক ৱাশক্লি - কেন্দ্রগী গৃহ মন্ত্রী

মোদী সরকারনা কোবিদ-১৯গী অনাবশিংগীদমক্তা ফমুং ৮০০ হেন্না হাপচিন্দুনা য়াম্না থুনা দিল্লী সরকারদা ওন্থোক্লবা রেল কোচ ৫০০ পীরগনি

গৃহ মন্ত্রী শ্রী অমিৎ শাহ - কোবিদ-১৯গী তেস্ত তৌবা অসি নুমীৎ ২দা শরুক অনি হেনগৎহল্লগা নুমীৎ ৬নি লৈরগা অমুক শরুক অহুম হেনগৎহনগনি

লন্নাইগী হোসপিতালশিংদা অতাবা মমলদা চাদা ৬০ ফমুং ফংহন্নবা অমসুং কোরোনা তেস্ত তৌনবা অমদি লায়েংনবগী মমল লেপ্নবগী কমিতী শেম্বা - শ্রী অমিৎ শাহ

Posted On: 14 JUN 2020 4:44PM by PIB Imphal

কেন্দ্র সরকারনা দিল্লীদা কোবিদ-১৯ শন্দোরকপা য়েংশিন্নবা অমসুং লৈবাক অসিগী কোনুং অসিবু তেক্ত-কাইদনা থম্নবগীদমক ৱাশক্লি হায়না কেন্দ্রগী গৃহ মন্ত্রী শ্রী অমিৎ শাহনা ফোংদোকখ্রে।
মুখ্য মন্ত্রী শ্রী কেজরীৱাল অমসুং অতৈ মকোক থোংবা ওফিসরশিংগা লোয়ননা পাংথোকখিবা মীফম অমদা লায়না অসি চংহল্লক্তনা দিল্লীগী নাগরিকশিং অসিবু তেক্ত-কাইদনা থম্নবগীদমক্তা মরুওইবা ৱারেপ কয়া লৌখি।

https://static.pib.gov.in/WriteReadData/userfiles/image/image0017GEN.jpg

দিল্লীগী হোস্পিতালদা কোবিদ-১৯না নারবা মীশিংগীদমক্তা ফমুং ৱাৎপদা মীৎয়েং থম্লগা মোদী সরকারনা য়াম্না থুনা দিল্লী সরকারদা ওন্থোক্লবা রেল কোচ ৫০০ ফংহল্লগনি হায়না শ্রী অমিৎ শাহনা হায়খ্রে।

মসিগা লোয়ননা দিল্লীদা ফমুং ৮০০ হেন্না ফংলগনি অমসুং মসিনা কোবিদ-১৯গী অনাবশিংগী লায়েংনবগীদমক্তা খুদোংচাবা পুম্নমক নিংথিজনা লৈরগনি।

লায়না শন্দোরকপা য়াবা মফমশিংদা অনাবশিংগা শম্নরুবা মীশিং নিংথিজনা মশক খংদোক্নবা য়ুম-য়ুম চংদুনা হকশেলগী সর্ভেশিং পাংথোক্কনি হায়না কেন্দ্রগী গৃহ মন্ত্রীনা হায়খি অমসুং সর্ভেগী রিপোর্ত অসি চয়োল অমগী মনুংদা ফংগনি। নিংথিজনা মোনিতরিং তৌনবা য়ুম-য়ুমশিংদা লৈরিবশিংদা মখোয়-মখোয়গী মোবাইলদা আরোগ্য সেতু এপ দাউনলোদ তৌনবা হায়গনি।

দিল্লীদা কোরোনা শন্দোরকপা য়েংশিন্নবা কোবিদ-১৯গী তেস্ত তৌবা অসি নুমীৎ ২দা শরুক অনি হেনগৎহল্লগা নুমীৎ ৬নি লৈরগা অমুক শরুক অহুম হেনগৎহনগনি হায়না য়ুনিয়ন মিনিস্তরনা হায়খ্রে।
অনাবা লৌনরকপা য়াবা মফমমশিংদখক্তা নত্তনা পোলিং স্তেসন খুদিংমক্তা তেস্তিং তৌবগী খুদোংচাবা ফংহল্লগনি।

দিল্লীদা লৈবা ক্লিনিকশিং অমসুং অপীকপা হোসপিতালশিংদা ককোরোনাভাইরস লান্থেংনবগী মতাংদা অচুম্বা ই-পাওশিং অমসুং গাইদলাইনশিং অসি নিংথিজবা মওংদা শেম্ননবা মোদী সরকারনা এম্সতা মকোক থোংবা দোক্তরশিংগী কমিতী অমা শেম্নবা ৱারেপ লৌখ্রে, মসিনা কোরোনা অসিগী মায়োক্তা লান্থেংনবদা খ্বাইদগী নেম্বা থাক্তগী হৌনা পাও ফাওনহনগনি। তেলিফোন্দা লমজিং-লমতাক্নবা নম্বর অমা থমদুনা হয়েংদগী ময়ামদা খংহল্লগনি।

লন্নাইগী হোসপিতালশিংদা অতাবা মমলদা চাদা ৬০ ফমুং ফংহন্নবা অমসুং কোরোনা তেস্ত তৌনবা অমদি লায়েংনবগী মমল লেপ্নবগী নিতী আয়োগকী মীহৎ দা.ভি.কে.পোলনা থৌবু ওইদুনা কমিতী অমা শেম্লে হায়না শ্রী অমিৎ শাহনা হায়খি। কমিতী অসিনা হয়েং রিপোর্ত পীশিল্লগনি।

হোম মিনিস্তরনা হেন্না অকনবা মওংদা হায়খিবদা ভারতনা য়াম্না থৌনা লৈনা তমথিরবা কোরোনা অসি লান্থেংনরি অমসুং লায়চৎ অসিদা থৱায় থাখ্রবশিংগী মফমদা নুংঙাইতবা ফোংদোক্লি অমসুং মখোয়গী ইমুং-মনুংগী অৱাবদা শরুক য়ারি হায়না হায়খি। সরকার অসিনা লৈখিদ্রবশিং অদুগী মথৌ-মঙম পাংথোক্নবা অমসুং ঙাইবগী মতম হন্থহনগদবা অনৌবা গাইজদলাইন অমা শেম্বগী ৱারেপ লৌরে হায়না মহাক্না ফোংদোকখি।

প্রধান মন্ত্রী শ্রী নরেন্দ্র মোদীশিং লীচিং মখাদা লৈবাক অসিনা মালেমগী ওইনা থোরক্লিবা অসি য়াম্না চেকশিন্না অমদি তেংবাংনদুনা লান্থেংনরি হায়না শ্রী অমিৎ শাহনা হায়খি। লৈবাক অসিন থোক্লিবা অরুবা অসিগী মতমদা কত্থোকপা লোয়ননা কন্ন হোৎনরিবা এন.জি.ও. কয়াশিংগী অসিগী লমন য়াম্না তোনশিল্লে। মসিগী থবক অসিদা হকশেলগী সর্ভিসশিং অসিদা স্কাওৎশিং অমসুং গাইদশিং, এন.সি.সি., অমসুং অতৈ ভোলুন্তরী ওর্গনাইজেসনশিং য়াওশিলহন্নবা কোরোনাভাইরসকী লায়চৎ অসিবু নিংথিজনা লান্থেংননবা দিল্লী সরকারদা অহেনবা সেনিয়র দোক্তর ৫ পীননবা কেন্দ্র সরকারনা ৱারেপ লৌখ্রে।

ঙসিগী মীফম অসিদা অতৈ ৱারেপ কয়া অমসু লৌখি। ভারত সরকারগী হকশেলগী বিভাগ অমসুং দিল্লী সরকারগী দোক্তরশিংগী অপুনবা তীম অমনা এম্স অমসুং দিল্লীদা লৈবা দিল্লীগী ম্যুনিসিপার কোর্পোরেসন অহুম্মক্কী হোসপিতাল পুম্নমক্তা য়েংশিন খোংচৎ চৎকনি অদুগা কোবিদ-১৯গী অনাবশিং লায়েংনবগী হেল্থ ইনফ্রাস্ত্রকচর অমসুং থৌরাংশিং অসি য়েংশিল্লব মতুংদা রিপোর্ত অমা পীগনি।

কেন্দ্র সরকার অমসুং দিল্লী সরকার অমদি অখং-অহৈশিংনা ঙসি লৌকখ্রিবা মখল কয়াগী ৱারেপশিং অসি গ্রাউন্দ লেভেলদগী চৎনহন্নবা শ্রী শাহনা হায়খ্রে।

ভারত সরকারনা দিল্লী সরকারদা ওক্সিজেন সিলিন্দরশিং, ভেন্তিলেতরশিং অমসুং পল্স ওক্সিমিতরশিং য়াওনা মরুওইবা পোৎলমশিং পীগনি হায়বগী অচেৎপা ৱাফম থমখ্রে।

https://static.pib.gov.in/WriteReadData/userfiles/image/image0025KP4.jpg

মীফম অদুদা কেন্দ্রগী হকশেল অমসুং য়াইফ য়ুম্বালগী মন্ত্রী দা.হর্শ বর্ধন, দিল্লীগী লেফতেনেন্ত গবর্নর শ্রী অনীল বাইজাল অমসুং মুখ্য মন্ত্রী শ্রী অর্বিন্দ কেজরীৱাল অমসুং এম্সকী দিরেক্তরদা নত্তনা মকোক থোংবা ওফিসরশিং য়াওখি।

*****



(Release ID: 1631615) Visitor Counter : 15