ইন্দিয়ন রেলৱেনা রাজ্যশিংনা দরকার লৈবগী মতুং ইন্না শ্রমিক স্পিসিয়েল ত্রেনশিং শিজিন্নদুনা মাইগ্রেন্তশিং মখা তানা পুথোরকপদা অয়াবা পীখ্রে৷ হৌজিক ফাওবগী ওইনদি চেয়রমেন রেলৱে বোর্দকী তোঙান তোঙানবা রাজ্যশিংদা ইখিবা চিথীগী মতুং তারকপদা তোঙান তোঙানবা রাজ্যশিংনা পুন্না শ্রমিক স্পিসিয়েল ত্রেন ৬৩ চেনবিনবা হায়জরকখ্রে৷

অপুনবা রাজ্য ৭ কেরলা, আন্ধ্র প্রদেশ, কর্নাতকা , তমিল নাদু, ৱেস্ত বেঙ্গল, গুজরাত অমসুং জম্মু অমসুং কশ্মীরনা শ্রমিক স্পিসিয়েল ত্রেনশিংগীদমক হায়জরকখ্রে৷ অপুনবা শ্রমিক স্পিসিয়েল ত্রেন ৬৩গী মনুংদা আন্ধ্র প্রদেশনা ৩, গুজরাতনা ১, জম্মু অমসুং কশ্মীরনা ৯, কর্নাতকানা ৬, কেরলানা ৩২, তমিল নাদুনা ১০ অমসুং ৱেস্ত বেঙ্গলনা ২গী হায়জরকখ্রে৷ উত্তর প্রদেশনা মখোয়শিংগী দরকার লৈরিবশিং অদু ফংহন্নবা হোৎনগদৌরি৷

হিরম অসিগী মতাংদা চেয়রমেন রেলৱে বোর্দনা রাজ্যশিং অসিদা মেগী তাং ২৯, জুনগী তাং ৩ অমসুং জুনগী তাং ৯দা চিথীশিং ইখ্রে অমসুং মহাক্না মখা তানা “ইন্দিয়ন রেলৱেনা শ্রমিক স্পিসিয়েল ত্রেনশিংবু হায়জরক্লিবা পুং ২৪গী মনুংদা অপাম্বা মশিং ফংহনগনি” হায়খ্রে৷

ইন্দিয়ন রেলৱেনা রাজ্য সরকারশিংদা রাজ্যশিংগী দরকার লৈরিবা ত্রেনশিং চেনবিনবা হায়রক্লবদি পুং ২৪গী মনুংদা শ্রমিক স্পিসিয়েল ত্রেন মখা তানা পীগনি হায়খ্রে৷

রেলৱেগী মন্ত্রালয়না রাজ্য সরকারশিংদা মখোয়গী দরকার লৈরিবা শ্রমিক স্পিসিয়েল ত্রেনশিং অমসুং রেল মোদতা রেসিদুএল মীওইশিংনা চৎপগীদমক দরকার লৈরিবশিং অদু খঙদোক্নবা হায়খ্রে৷

ইন্দিয়ন রেলৱেনা মখা তানা মতুং তারকপদা দরকার লৈরিবা অহেনবা স্পিসিয়েল শ্রমিক ত্রেনশিং পীখিগনি হায়না থাজবা পীখ্রে৷

পীরিবা প্রোজেক্সনশিং অসিগী মথক্তা অথুবা মতমদা অহেনবা দরকার ওইরকপা য়াবশিংসু পীবা ঙমগনি হায়খ্রে৷

য়াম্না চাওথোকচনিংঙাই ওইবা অমনা হৌজিক ফাওবদা ইন্দিয়ন রেলৱেজনা শ্রমিক স্পিসিয়েল ত্রেন ৪২৭৭ হেন্না শিজিন্নদুনা চৌরাক্না মী লাখ ৬০রোম মখোয় মখোয়গী রাজ্যশিংদা য়ৌহনবদা শিজিন্নখ্রে৷ শ্রমিক স্পিসিয়েল ত্রেনশিং অসি ২০২০গী মে ১দগী চেনদুনা লাকলি৷

.*****