ରେଳ ମନ୍ତ୍ରଣାଳୟ

ରାଜ୍ୟମାନେ ଚାହିଁଲେ ଭାରତୀୟ ରେଳ ଯୋଗାଇବ ଶ୍ରମିକ ସ୍ପେଶାଲ ଟ୍ରେନ

• ବିଭିନ୍ନ ରାଜ୍ୟ ଏପର୍ଯ୍ୟନ୍ତ ବରାଦ କରିଛନ୍ତି 63ଟି ଶ୍ରମିକ ସ୍ପେଶାଲ ଟ୍ରେନ
• 63ରୁ ସର୍ବାଧିକ 32ଟି ମାଗିଛି କେରଳ
• ଆବଶ୍ୟକତା ଅନୁସାରେ ମାତ୍ର 24 ଘଣ୍ଟା ମଧ୍ୟରେ ଯୋଗାଯିବ ଟ୍ରେନ : ରେଳ ବୋର୍ଡ ଅଧ୍ୟକ୍ଷ

Posted On: 12 JUN 2020 1:53PM by PIB Bhubaneshwar

ରାଜ୍ୟଗୁଡିକର ଆବଶ୍ୟକତା ଅନୁସାରେ ପ୍ରବାସୀମାନଙ୍କୁ ନିରାପଦରେ ଶ୍ରମିକ ସ୍ପେଶାଲ ଟ୍ରେନ ଜରିଆରେ ଘରେ ପହଞ୍ଚାଇବା ପାଇଁ ଭାରତୀୟ ରେଳ ଅଙ୍ଗୀକାରବଦ୍ଧ । ରେଳ ବୋର୍ଡ ଅଧ୍ୟକ୍ଷ ବିଭିନ୍ନ ରାଜ୍ୟକୁ ପତ୍ର ଲେଖିବା ପରେ ବର୍ତ୍ତମାନ ସୁଦ୍ଧା କେତେକ ରାଜ୍ୟ ମୋଟ 63ଟି ଶ୍ରମିକ ସ୍ପେଶାଲ ଟ୍ରେନ ପାଇଁ ବରାଦ କରିଛନ୍ତି । 7ଟି ରାଜ୍ୟ ଯଥା – କେରଳ, ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡୁ, ପଶ୍ଚିମବଙ୍ଗ, ଗୁଜରାଟ ଏବଂ ଜମ୍ମୁ ଓ କଶ୍ମୀର ଶ୍ରମିକ ଶ୍ପେଶାଳ ଟ୍ରେନ ପାଇଁ ବରାଦ କରିଛନ୍ତି । 63 ରୁ ଆନ୍ଧ୍ରପ୍ରଦେଶ 3ଟି ଟ୍ରେନ ବରାଦ କରିଥିବାବେଳେ ଗୁଜରାଟ ଗୋଟିଏ, ଜମ୍ମୁ କଶ୍ମୀର 9ଟି, କର୍ଣ୍ଣାଟକ 6ଟି, କେରଳ 32ଟି, ତାମିଲନାଡୁ 10ଟି ଏବଂ ପଶ୍ଚିମବଙ୍ଗ 2ଟି ଟ୍ରେନ ବରାଦ କରିଛନ୍ତି । ଉତ୍ତରପ୍ରଦେଶ  ଆବଶ୍ୟକତା ଅନୁସାରେ ବରାଦ କରିବ । ଏଠାରେ ଉଲ୍ଲେଖଯୋଗ୍ୟ ଯେ, ରେଳ ବୋର୍ଡ ଅଧ୍ୟକ୍ଷ ମେ’ 29, ଜୁନ 3 ଓ 9 ତାରିଖ ଦିନ ରାଜ୍ୟମାନେ ଚାହିଁଲେ 24 ଘଣ୍ଟା ମଧ୍ୟରେ ଶ୍ରମିକ ଟ୍ରେନ ଯୋଗାଇ ଦିଆଯିବ ବୋଲି ରାଜ୍ୟଗୁଡ଼ିକୁ ପତ୍ର ଲେଖିଥିଲେ । ରେଳ ମନ୍ତ୍ରଣାଳୟ ମଧ୍ୟ ରାଜ୍ୟଗୁଡିକୁ ପତ୍ର ଲେଖି ସେମାନଙ୍କ ଆବଶ୍ୟକତା ମୁତାବକ ଟ୍ରେନ ଓ ରେଳ ଦ୍ଵାରା କେତେ ପ୍ରବାସୀ ଯାତ୍ରା କରିବେ ସେ ସମ୍ପର୍କରେ ଜଣାଇବାକୁ ମଧ୍ୟ ଅନୁରୋଧ କରିଥିଲେ । ଭବିଷ୍ୟତରେ ମଧ୍ୟ ଆବଶ୍ୟକ ହେଲେ ଅତିରିକ୍ତ ଶ୍ରମିକ ସ୍ପେଶାଲ ଟ୍ରେନ ଯୋଗାଇବାକୁ ଭାରତୀୟ ରେଳ ପ୍ରତିଶ୍ରୁତି ଦେଇଛି । ଏଠାରେ ଉଲ୍ଲେଖଯୋଗ୍ୟ ଯେ, ଭାରତୀୟ ରେଳ ଏପର୍ଯ୍ୟନ୍ତ 4,277ରୁ ଅଧିକ ଶ୍ରମିକ ସ୍ପେଶାଲ ଟ୍ରେନ ଯୋଗାଇ ପ୍ରାୟ 60 ଲକ୍ଷ ପ୍ରବାସୀଙ୍କୁ ସେମାନଙ୍କ ଲକ୍ଷ୍ୟ ସ୍ଥଳରେ ପହଞ୍ଚାଇଛି । ଗତ ମେ’ ପହିଲାଠାରୁ ଏହି ଶ୍ରମିକ ସ୍ପେଶାଲ ଟ୍ରେନଗୁଡିକ ଚଳାଚଳ କରୁଛି ।

 

**********

 



(Release ID: 1631217) Visitor Counter : 260


Read this release in: English , Urdu , Hindi , Marathi , Bengali , Assamese , Manipuri , Punjabi , Tamil , Telugu , Malayalam