খ্বাইদগী চাউবা নৌনা শেম্বা অমা ওইনা রোদ অমসুং ত্রান্সপোর্ত মন্ত্রালয়গী মখাদা লৈবা নেস্নেল হাইৱে ওথোরিতী ওফ ইন্দিয়া(এন.ঐচ.এ.আই.) অসি তোপ-তোপ্পা ক্লাউদ বেজ অমসুং আর্তিফিসিএল পাৱরগী অচৌবা দেতা এনালাইতিক্স প্লেৎফোর্ম-দেতা লেক অমসুং প্রোজেক মেনেজমেন্ত সোফ্তৱেয়র অসি হৌদোকখিবগা লোয়ননা ‘মপুং ফানা দিজিতেল’গী ওইখ্রে। এন.ঐচ.এ.আই.গী প্রোজেক মেনেজমেন্তকী থবক্কী মঙম পুম্বা মেন্যুএলদগী ওনলাইন্দা ওন্থোরকপনি, মসিগী অসিদা ‘মতমগী পরিংশিংদা থবক্কী মঙম’ অমসুং ‘এলর্ত মেকানিজম’ য়াওনা অপুম্বা প্রোজেক মথৌ পাংহনবগী থবক অসি য়াৎথোকখ্রে। প্রোজেক্কী চে-চাং শেম্বা, কন্ত্রেক্কী ৱারেপশিং অমসুং অয়াবা পীবগী থবকশিং অসি হৌজিক পোর্তেলদখক্তমক পাংথোক্লি।

এদভান্স এনালাইতিকশিংদা দেতা লেক সোফ্তৱেয়র অসিনা পন্থবশিং, থোক্লকপা য়াবা য়েৎনবশিং অসি মাংজৌননা উৎকনি অমসুং এদভান্স এলর্তশিং পীগনি। মতৌ অসুম্না ৱারেপ শেম্ববু য়াংশিহনবগী মথক্তা মসি অচু্ম্বা অমসুং অচুম্বা মতমদা ৱারেপশিং লৌবদসু খুদোংচাহনগনি মরমদি সিস্তেমদগী অরিবা দেতাদা য়ুম্ফম ওইবা তোঙান-তোঙানবা খনবা য়াবশিংগী শেল-থুমগী ওইবা চৈথেং অদু হান্না খংদোকপা য়াবগী ওইতোকপা লৈ। মসিনা য়েৎনবশিং হন্থহনগনি।

এন.ঐচ.এ.আি.গী য়াম্না চাউবা ৱাকৎশিং অমসুং অমগা-অমগী ৱাকৎনবগী য়াম্লবা শেনফমগা লোয়ননা মশিং য়াম্লবা পন্দুনা লৈরিবা য়াশিন্নগদবা কেসশিংগী পুৱারী লৈ। য়েৎনরিবশিং অসি অয়াম্বনা মান্নবা মওংগী ওইরি হায়বদি অপনবা পোৎলুমগী ফ্রী সাইতকী পায়বদা পন্থবা, য়ুতিলিতীশিংগী শিপ্তিং, প্লান্তশিংগী মথৌ তৌদবগী চার্জ, মেছিনরী ইক্বীপমেন্ত, মেনপাৱর অমসুং ৱারেপশিং লৌবদা থেংথবনচিংবা। দেতা লেক সোফ্তৱেয়র অসিদা মসিগী অপনবশিং অসি ত্রেক তৌদুনা চেক তৌনবগী খুদোংচাবশিং অসি লৈবনা মসিগী য়েৎনবশিং অসি মশিং হন্থহন্নবা য়াই অমসুং মনুং-মপান ফাওনা অরেপ্পা মতমদা থবক অসি শোইদনা পাংথোকহল্লি। থবক থৌওং অসি পোর্তেলদা তৌবা ওইগদবা মরম্না ৱারেপ শেম্বা অসি হেন্না য়াংহনগনি অমসুং তুংদা য়েৎনরক্কদবা থোক্লক্কদবা হন্থহনগনি।

মপুং ওইবা প্রোজেক্কী চে-চাংশিং অমসুং মরি লৈনবশিং অসি প্রোজেক দেতা অসি মফম অমদগী হেক মথৌ তারকপদা য়াম্না লায়না পুথোরকপা য়ানবা জি.আই.এস. তেগিং অমসুং তোপ-তোপ্পা প্রোজেক আই.দি.গা লিঙ্ক তৌনবা ক্লাউদ-বেজ ‘দেতা লিঙ্ক’তা দিজিতেল ফোর্মেত্তা হাপচিনগনি। এন.ঐচ.এ.আই.গী কন্ত্রেক্তরশিং/ কন্সেসনরীশিং/কন্সলতেন্তশিং/ ওথোরিতী ইঞ্জিনীয়রশিং (এ.ই.) অমসুং প্রোজেক দিরেক্তরশিং(পি.দি.) /রিজনেল ওফিসরশিং (আর.ও.)শিং পুম্নমক্না হান্ননা মসি পাক্তক্ননা শিজিন্নবা হৌখ্রে। এন.ঐচ.এ.আই.গী ই-ওপিসকী মোদ্যুল অসিসু সিস্তেমদা পুনশিন্ননা য়াওই অদুগা মদুদগী করেসপোন্দেন্সশিংনা ফীল্দ য়ুনিৎশিংদগী ময়াই লোইশংদা শোই-ঙামদনা অপনবা অমত্তা য়াওদনা দিজিতেলগী মওংদা থবক তৌবা ঙমহল্লি।

হৌজিক ওইরিবা তমথিরবা কোবিদ-১৯গী ওইরিবা ফীভমশিদা ওর্গনাইজেসন অয়াম্বনা থবক তৌবদা হকচিনবা লান্থেং কয়া মায়োক্নরি, এন.ঐচ.এ.আই.গী থৌমীশিংনা হান্ননা তৌখিদ্রিবা মওংদা তৌদুনা অমসুং নুংঙাইনা হকচাং থেংনবগী অমসুং ফাইলশিং শোকপগী অকিবা অমত্তা লৈতনা মখোয়গী থবক অদু লেপ্তনা তৌরি। অহোইনদুম, লোকদাউন লৈবা মতম অসি এন.ঐচ.এ.আই.না দেতা লেক শিজিন্নদুনা মাগী এমপ্লোয়ীশিংবু তম্বিবদা শিজিন্নখি।

দেতা লেক অসিনা এন.ঐচ.এ.আই.দা পন্থহন্দবা, থুনা ৱারেপ শেম্বা, রেকোর্দশিং চিত্থহনবগী ৱাফম লৈতবা, মফম অমদগী/মতম অমদা হেক্তা থবক তৌবা য়াবগী অওনবা অহোংবা অমা পুরক্লগনি। মকোক থংবশিংনা কহ্করেন্ত পর্ফোর্মেন্সকী ওদিৎকী চাংয়েংগা মান্নগদবা রিএল তাইমদা য়ুম্ফম ওইবদা করি তৌরিবগে হায়বদু প্রোজেক অসিগা শম্নবা ওফিসরশিং অমসুং স্তেকহোলদরশিংনা মসিনা মনুং-মপান ফাওনা উবা হেনগৎহনগনি।

*****