ਸਭ ਤੋਂ ਵੱਡੇ ਸੁਧਾਰਾਂ ਵਿੱਚੋਂ ਇੱਕ ਦੇ ਰੂਪ ਵਿੱਚ,  ਰੋਡ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰਾਲੇ  ਦੇ ਤਹਿਤ ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਿਟੀ  (ਐੱਨਐੱਚਏਆਈ)  ਯੂਨੀਕ ਕਲਾਊਡ ਅਧਾਰਿਤ ਅਤੇ ਆਰਟੀਫਿਸ਼ਲ ਇੰਟੈਲੀਜੈਂਸ ਸੰਚਾਲਿਤ ਬਿੱਗ ਡਾਟਾ ਅਨੈਲਾਟਿਕਸ ਪਲੈਟਫਾਰਮ - ਡਾਟਾ ਲੇਕ ਅਤੇ ਪ੍ਰੋਜੈਕਟ ਮੈਨੇਜਮੈਂਟ ਸੌਫਟਵੇਅਰ  ਦੇ ਲਾਂਚ  ਨਾਲ ‘ਪੂਰੀ ਤਰ੍ਹਾਂ ਡਿਜੀਟਲ‘ ਹੋ ਗਿਆ ਹੈ।  ਐੱਨਐੱਚਏਆਈ ਦਾ ਕੁੱਲ ਪ੍ਰੋਜੈਕਟ ਪ੍ਰਬੰਧਨ ਕਾਰਜ ਪ੍ਰਵਾਹ ਮੈਨੂਅਲ ਤੋਂ ਔਨਲਾਈਨ ਪੋਰਟਲ ਅਧਾਰਿਤ ਵਿੱਚ ਰੂਪਾਂਤਰਿਤ ਹੋ ਗਿਆ ਹੈ,  ਜਿਸ ਵਿੱਚ ‘ਵਰਕਫਲੋ ਵਿਦ ਟਾਈਮਲਾਈਨਸ’ ਅਤੇ ‘ਅਲਰਟ ਮੈਕਾਨਿਜ਼ਮ’ ਸਹਿਤ ਸੰਪੂਰਨ ਪ੍ਰੋਜੈਕਟ ਲਾਗੂਕਰਨ ਪ੍ਰਚਾਲਨਾਂ ਨੂੰ ਕਨਫਿਗਰ ਕੀਤਾ ਗਿਆ ਹੈ।  ਸਾਰਾ ਪ੍ਰੋਜੈਕਟ ਦਸਤਾਵੇਜ਼ੀਕਰਨ,  ਕੰਟ੍ਰੈਕਚੁਅਲ ਫੈਸਲੇ ਅਤੇ ਪ੍ਰਵਾਨਗੀਆਂ ਹੁਣ ਕੇਵਲ ਪੋਰਟਲ   ਜ਼ਰੀਏ ਹੀ ਕੀਤੇ ਜਾ ਰਹੇ ਹਨ।

ਅਡਵਾਂਸ ਅਨੈਲਾਟਿਕਸ  ਦੇ ਨਾਲ,  ਡਾਟਾ ਲੇਕ ਸੌਫਟਵੇਅਰ ਵਿਲੰਬਾਂ ,  ਸੰਭਾਵਿਤ ਵਿਵਾਦ ਦਾ ਪੂਰਵ ਅਨੁਮਾਨ ਲਗਾਵੇਗਾ ਅਤੇ ਅਗਾਊਂ ਅਲਰਟ ਦੇਵੇਗਾ। ਇਸ ਪ੍ਰਕਾਰ ,  ਫ਼ੈਸਲੇ ਕਰਨ ਨੂੰ ਤੇਜ਼ ਕਰਨ  ਦੇ ਇਲਾਵਾ,  ਇਹ ਸਟੀਕ ਅਤੇ ਠੀਕ ਸਮੇਂ ‘ਤੇ ਫ਼ੈਸਲੇ ਲਏ ਜਾਣ ਨੂੰ ਵੀ ਸੁਗਮ ਬਣਾਵੇਗਾ ਕਿਉਂਕਿ ਸਿਸਟਮ ਦੁਆਰਾ ਇਤਿਹਾਸਿਕ ਡਾਟਾ ‘ਤੇ ਅਧਾਰਿਤ ਵੱਖ-ਵੱਖ ਵਿਕਲਪਾਂ ਦੇ ਵਿੱਤੀ ਪ੍ਰਭਾਵਾਂ ਦਾ ਅਨੁਮਾਨ ਲਗਾਉਣ ਦੀ ਸੰਭਾਵਨਾ ਹੈ।  ਇਸ ਨਾਲ ਬਹੁਤ ਸਾਰੇ ਵਿਵਾਦਾਂ ਵਿੱਚ ਕਮੀ ਆਵੇਗੀ।

ਐੱਨਐੱਚਏਆਈ ਦਾ ਦਾਅਵਿਆਂ ਅਤੇ ਪ੍ਰਤੀਦਾਅਵਿਆਂ ਦੀ ਭਾਰੀ ਰਕਮ  ਦੇ ਨਾਲ ਵੱਡੀ ਸੰਖਿਆ ਵਿੱਚ ਲੰਬਿਤ ਸਾਲਸੀ ਦੇ ਮਾਮਲਿਆਂ ਦਾ ਇਤਹਾਸ ਰਿਹਾ ਹੈ। ਜ਼ਿਆਦਾਤਰ ਵਿਵਾਦ ਜੈਨੇਰਿਕ ਪ੍ਰਕਿਰਤੀ ਦੇ ਰਹੇ ਹਨ। ਇਨ੍ਹਾਂ ਵਿਵਾਦਾਂ ਨੂੰ ਘੱਟ ਕੀਤਾ ਜਾ ਸਕਦਾ ਹੈ ਕਿਉਂਕਿ ਡਾਟਾ ਲੇਕ ਸੌਫਟਵੇਅਰ ਵਿੱਚ ਇਨ੍ਹਾਂ ਸਾਰੀਆਂ ਰੁਕਾਵਟਾਂ ਨੂੰ ਟ੍ਰੈਕ ਕਰਨ ਅਤੇ ਜਾਂਚ ਕਰਨ ਦਾ ਪ੍ਰਾਵਧਾਨ ਹੈ ਅਤੇ ਇਹ ਸੁਨਿਸ਼ਚਿਤ ਕਰੇਗਾ ਕਿ ਕਾਰਜ ਪਾਰਦਰਸ਼ੀ ਤਰੀਕੇ ਨਾਲ ਸਮਾਂ ਸੀਮਾ  ਦੇ ਅੰਦਰ ਸੰਪੰਨ ਹੋ ਜਾਣ।  ਕਿਉਂਕਿ ਸਾਰੀਆਂ ਪ੍ਰਕਿਰਿਆਵਾਂ ਪੋਰਟਲ ਅਧਾਰਿਤ ਹੋਣਗੀਆਂ,  ਫ਼ੈਸਲੇ ਤੇਜ਼ ਗਤੀ ਨਾਲ ਹੋਣਗੇ ਅਤੇ ਅੰਤ ਵਿੱਚ ਭਵਿੱਖ ਵਿੱਚ ਮੁਕਦਮੇਬਾਜ਼ੀ ਦੀ ਸੰਭਾਵਨਾ ਘੱਟ ਹੋ ਜਾਵੇਗੀ।

ਸੰਪੂਰਨ ਪ੍ਰੋਜੈਕਟ ਦਸਤਾਵੇਜ਼ ਅਤੇ ਪੱਤਰਾਚਾਰ ਜੀਆਈਐੱਸ ਟੈਗਿੰਗ ਅਤੇ ਯੂਨੀਕ ਪ੍ਰੋਜੈਕਟ ਆਈਡੀ  ਦੇ ਨਾਲ ਲਿੰਕਡ ਕਲਾਊਡ ਅਧਾਰਿਤ ‘ਡਾਟਾ ਲੇਕ‘ ਵਿੱਚ ਡਿਜੀਟਲ ਫੌਰਮੈਟ ਵਿੱਚ ਸਟੋਰਡ ਰਹਿਣਗੇ ਜਿਸ ਨਾਲ ਕਿ ਜਦੋਂ ਕਦੇ ਕਿਸੇ ਵੀ ਲੋਕੇਸ਼ਨ ਤੋਂ ਜ਼ਰੂਰਤ ਪਵੇ ਤਾਂ ਪ੍ਰੋਜੈਕਟ ਡਾਟਾ ਨੂੰ ਅਸਾਨੀ ਨਾਲ ਵਾਪਸ ਪ੍ਰਾਪਤ ਕਰ ਲਿਆ ਜਾਵੇ।  ਐੱਨਐੱਚਏਆਈ  ਦੇ ਸਾਰੇ ਠੇਕੇਦਾਰਾਂ / ਛੂਟਗ੍ਰਾਹੀ / ਸਲਾਹਕਾਰ /  ਅਥਾਰਿਟੀ ਇੰਜੀਨੀਅਰਾਂ  ( ਏਈ )  / ਸੁਤੰਤਰ ਇੰਜੀਨੀਅਰਾਂ  ( ਆਈਈ )  ਅਤੇ ਪ੍ਰੋਜੈਕਟ ਡਾਇਰੈਕਟਰ ( ਪੀਡੀ )  / ਰੀਜਨਲ ਅਫਸਰਾਂ ਨੇ ਪਹਿਲਾਂ ਹੀ ਵਿਆਪਕ ਰੂਪ ਤੋਂ ਇਸ ਦੀ ਵਰਤੋ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਐੱਨਐੱਚਏਆਈ ਦਾ ਈ - ਦਫ਼ਤਰ ਮੌਡਿਊਲ ਵੀ ਪ੍ਰਣਾਲੀ ਵਿੱਚ ਸਮੇਕਿਤ ਹੈ ਜਿਸ ਨਾਲ ਕਿ ਸਾਰੇ ਪੱਤਰਾਚਾਰ ਨਿਰਵਿਘਨ ਤਰੀਕੇ ਨਾਲ ਫੀਲਡ ਯੂਨਿਟਾਂ ਤੋਂ ਹੈੱਡਕੁਆਰਟਰ ਵਿੱਚ ਸੁਰੱਖਿਅਤ ਤਰੀਕੇ ਨਾਲ ਡਿਜੀਟਲੀ ਪ੍ਰਵਾਹ ਕਰ ਸਕਣ।

ਵਰਤਮਾਨ ਕੋਵਿਡ - 19 ਮਹਾਮਾਰੀ  ਦੇ ਲੈਂਡਸਕੇਪ ਵਿੱਚ ਜਦੋਂ ਜ਼ਿਆਦਾਤਰ ਸੰਗਠਨ ਕੰਮਕਾਜ ਵਿੱਚ ਗੰਭੀਰ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਹਨ, ਐੱਨਐੱਚਏਆਈ  ਦੇ ਕਰਮਚਾਰੀ ਬਿਨਾ ਕਿਸੇ ਸਰੀਰਕ ਸੰਪਰਕ  ਦੇ ਅਤੇ ਭੌਤਿਕ ਰੂਪ ਤੋਂ ਫਾਇਲਾਂ ਨੂੰ ਛੂਹੇ ਬਗੈਰ ਬਿਨਾ ਡਰ ਦੇ ਨਿਰਵਿਘਨ ਅਤੇ ਪ੍ਰਸੰਨਤਾਪੂਰਵਕ ਆਪਣਾ ਕੰਮ ਕਰ ਰਹੇ ਹਨ। ਬਲਕਿ ਲੌਕਡਾਊਨ ਮਿਆਦ ਦੀ ਵਰਤੋਂ ਐੱਨਐੱਚਏਆਈ ਦੁਆਰਾ ਆਪਣੇ ਕਰਮਚਾਰੀਆਂ ਨੂੰ ਡਾਟਾ ਲੇਕ  ਦੀ ਵਰਤੋਂ  ਬਾਰੇ ਸਿਖਲਾਈ ਦਿੱਤੀ ਗਈ।

ਡਾਟਾ ਲੇਕ ਕੋਈ ਦੇਰੀ ਨਹੀਂ, ਤੇਜ਼ ਫ਼ੈਸਲੇ ਕਰਨ,  ਰਿਕਾਰਡ  ਦੇ ਨਾ ਗੁਆਚਣ,  ਕਿਤੋਂ ਵੀ/ ਕਿਸੇ ਵੀ ਸਮੇਂ ਕਾਰਜ ਕਰਨ ਦੇ ਲਾਭਾਂ  ਨਾਲ ਐੱਨਐੱਚਏਆਈ ਵਿੱਚ ਕ੍ਰਾਂਤੀਕਾਰੀ ਬਦਲਾਅ ਲਿਆਵੇਗਾ।  ਇਹ ਪਾਰਦਰਸ਼ਤਾ ਲਿਆਵੇਗਾ ਕਿਉਂਕਿ ਪ੍ਰੋਜੈਕਟ ਨਾਲ ਜੁੜੇ ਸਾਰੇ ਅਧਿਕਾਰੀ ਅਤੇ ਹਿਤਧਾਰਕ ਦੇਖ ਸਕਦੇ ਹਨ ਕਿ ਰੀਅਲ ਟਾਈਮ ਅਧਾਰ ‘ਤੇ ਕੀ ਹੋ ਰਿਹਾ ਹੈ ਜੋ ਸੀਨੀਅਰਾਂ ਦੁਆਰਾ ਸਮਵਰਤੀ ਪ੍ਰਦਰਸ਼ਨ ਲੇਖਾ ਪ੍ਰੀਖਿਆ ਦੇ ਬਰਾਬਰ ਹੋਵੇਗਾ।

****
 
ਆਰਸੀਜੇ/ਐੱਮਐੱਸ