কেমিকেলস অমসুং ফর্তিলাইজরগী কেন্দ্র মন্ত্রী শ্রী মনশুখ মন্দাবিয়ানা ভিদিও কনফরেন্সকী থোংদা পালান্ত ৫দা অমুক থবক তৌবা হৌরকপগী খুমাং চাওশিনবগী মতাংদা ফর্তিলাইজর বিভাগকী ওফিসরশিংগা মীতিং অমা পাংথোকখ্রে।

মসিদা য়াওখিবশিং অদুদিঃ হিন্দুস্তান উর্বরক রসায়ন লিমিতেদ(ঐচ.ইয়ু.আর.এল.) অমসুং তালচর ফর্তিলাইজর লিমিতেদ(আর.এফ.সি.এল.)নি। আর.এফ.সি.এল., ঐচ.ইয়ু.আর.এল. অমসুং তি.এফ.এল.গী মকোকথোংবা ওফিসরশিংনা থবক অমুক হন্না তৌবা অসি য়েংলবা মতুংদা মীতিং অসিদা য়াওখি।

মথক্কী ফর্তিলাইজর প্লান্তশিং পুম্নমক্কী ফীভম অমসুং শেল-থুমগী মওং অসি য়েংশিল্লিবা মতম অদুদা শ্রী মন্দাবিয়ানা প্রোজেকশিং অসি অথুবা মতমদা লোইশিন্নবা লৌখৎপা য়াবা খোংথাংশিং লৌখৎনবা মরি লৈনবা ওথোরিতীশিংদা হায়খি।

রামাগুন্দন ফর্তিলাইজর্স অমসুং কেমিকেল লিমিতেদ(আর.এফ.সি.এল.)না হান্ননা চাদা ৯৯.৫৩দা থবক তৌবদা খুমাং চাওশিনবা ঙমখ্রে অমসুং কোবিদ-১৯না মরম ওইদুনা মচাক মচা-মচা খরা ৱাৎলি হায়না শ্রী মন্দাবিয়াদা পাওদমখি। সেপ্তেম্বর ২০২০দা য়ুরিয়া পুথোকপগী থবক অসি হৌদোক্লবা য়াই হায়বগী থাজবা লৈ।

মতৌ অসিগুম্না গোরখপুর, সিন্দ্রী অমসুং বরৌনী ফর্তিলাইজর প্লান্তশিংদা থবক্তা খুমাং চাওশিনবা অসি মথং-মথং চাদা ৭৭, ৭০ অমসুং ৬৯ য়ৌরে হায়না মন্ত্রীদা হায়খি। গোরখপুর, বরাওনি অমসুং শিন্দ্রীগী প্লান্তশিং অসি মে ২০২১গ মমাংদা লোইশিনবা ঙম্লগনি হায়না থাদনরি। হৌজিক-হৌজিক ওরিশাগী তালচের ফর্তিলাইজর প্লান্ততা প্রোজেক্কী মমাংগী থবকশিং চত্থরি হায়নসু পাওদমখি। মসিগী প্রোজেকশিং অসি কোবিদ-১৯ থোরকপনা মরম ওইদুনা থোরকপা শিংনবা কয়ানা খরা থেংথহল্লবসু প্রোজেকশিং অসিগী থবক অসি অকনবা মওংদা পাংথোক্নবা হোৎনরি।

য়ুরিয়াগী সেক্তরদা অমসুং ভারত অসি য়ুরিয়াগী সেক্তরদা মরাং কায়না লৈহনবদা খুদোংচানবা ভারত সরকারনা ন্যু ইনভেস্তমেন্ত পোলিসী(এন.আই.পি.),২০২০ অসি লাওথোকখ্রে। এন.আই.পি. ২০১২গী মখাদা ভারত সরকারনা ফর্তিলাইজর কোর্পোরেসন ওফ ইন্দিয়া(এফ.সি.আই.এল.) অমসুং হিন্দুস্তান ফর্তিলাইজর কোর্পোরেসন লিমিতেদ(ঐচ.এফ.সি.এল.)গী থবক লেপখ্রবা মথক্তা পনখ্রবা ফর্তিলাইজর প্লান্ত ৫ অসি অমুক থবক তৌবা হৌহনখ্রে।

থবক অমুক তৌবা হৌখ্রবা পব্লিক সেক্তর য়ুনিৎশিং অদুদিঃ –

রামাগুন্দন ফর্তিলাইজর্স এন্দ কেমিকেলস লিমিতেদ(আর.এফ.সি.এল.)

তালচর ফর্তিলাইজর্স লিমিতেদ (তি.এফ.এল.)

হিন্দুস্তান উর্বরক অমসুং রসায়ন লিমিতেদ (গোরখপুর, বরৌনী অমসুং সিন্দ্রী)

******