“কোয়লা মনিংতমহনবা : আত্মানির্ভর ভারতকী অনৌবা থাজবশিং” পান্দমদা ২০২০গী জুন ১৮দগী শেন্দোং তান্নবা কোয়লা পেকপা হৌনবা ভারত সরকারন নিলাম লাউবা হৌরগনি। ন্যু দিল্লীদা ভর্চুএল ওইনা পাংথোক্কদবা হৌদোকপা থৌরমদা প্রধান মন্ত্রী নরেন্দ্র মোদীনা চীফ গেস্ত ওইনা শরুক য়াগনি।

ঙসি কোয়লা অমসুং মাইন্সকী য়ুনিয়ন মিনিস্তর প্রালহাদ জোসিনা ত্বিত তৌবদা হায়খি লৈবাক অসিদা অহানবা ওইনা শেন্দোং তান্নবা কোয়লা পেকপগী থবক ঐখোয়না জুন ১৮দগী হৌরগনি । থৌরম অদুদা প্রধান মন্ত্রী @NarendraModi জি শরুক য়াগনি। কোয়লাদা #AtmaNirbharBharat শেমগৎপা অসি মহাক্কী পান্দম অমসুং লমজিংবনি। মসি ফংবা ঙম্নবা ঐখোয়গী লম্বীদা ঐখোয় চৎপদা ঐ চাউথোকচবা পোকই।

নৌনা চাউখৎলক্নবা ভারতকী কোয়লাগী সেক্তর মনিংতমহনবা অসি পুৱারি ওইরবা নুমিৎ অমা ওইরগনি। প্রধান মন্ত্রী নরেন্দ্র মোদীগী পান্দম অমসুং লুচিং মখাদা হন্দক ভারতনা অত্মা নির্ভর ভারত হৌদোক্লে, কোয়লাগী সেক্তরদা লৈঙাক্কী অওনবশিং পুরক্তুনা কোয়লা পেকপদা লৈবাক অসি অত্মা নির্ভর ওইহন্নবা কোয়লা অমসুং মাইন্নিংগী সেক্তর থবক হৌরে।

ললোন-ইতিক চৎথনবা কোয়লা পেক্নবগী নিলাম লাউবগী থবকশিং মমাংদা চৎনরম্বদগী মপুংফানা তোঙাল্লে। হৌজিক শীজিন্নবা অমসুং মমলগী মতাংদা অথিংবা অমতা লৈত্রে । পাংথোক্নবা থৌরাং তৌরিবা নিলাম লাউবা অসিদা অনৌবা কম্পেনিশিং শরুক য়াবা য়ারে, অপফ্রন্দ এমাউন্ত হন্থরে, বিদ্দিংগী থবকশিংদা অরোন-অথুপ অমতা লৈত্রে, অতোমেতিক রুতকী খুৎথাংদা এফ দি আই চাদা ১০০ চংলকপা য়ারে অমসুং নেসনেল কোএল ইন্দেক্সতা য়ুম্ফম ওইদুনা শেন্দোং য়েন্নবগী মওং চৎনগনি। মমাংগা মান্নদবা মওংদা মাইপাক্লবা বিদ্দরশিংনা কোয়লা পুথোকপদা হোংদোক-হোংজিন তৌবা য়ারগনি অমসুং ঙন্না পুথোকপা অমসুং কোয়লা গ্যাসতিফিকেসনগী থবকশিংগী মনা পীনবা খুদোংচাবা য়াওরি।

কোয়লাগী খনিশিং নিলাম লাউবগী থবকশিং অসিনা লৈবাক অসিদা অহেনবা কোয়লা পুথোক্তুনা ইনর্জি সেকুরিতিগী অকনবা য়ুম্ফম অমা থোল্লগনি অমসুং মীওই মশিং য়াম্না থবক ফংহনগনি অমসুং কোয়লা সেক্তরদা শেন থাদবগী খুদোংচাবশিং ফংহল্লগনি। পায়খৎলিবা থবকশিং অসিনা শেনবা চহি ২৩-২৪দা ভারত্তা কোয়লা তন বিল্লিন ১ পুথোক্লবা য়ারি অমসুং লৈবাক অসিগী দরকার ওইবা থর্মেল কোয়লা পুথোকপা ঙমগনি।

*****