হ্যুমেন রিসোর্স দিবেলপমেন্তকী কেন্দ্রগী মন্ত্রী শ্রী রমেশ পোখ্রিয়াল 'নিশঙ্ক'না ঙসি তোঙান-তোঙানবা কাঙলুপশিংদা হাইয়র এদজুকেসনগী ইন্সতিত্যুৎশিংগী ওইনা মপুং ওইবা কাঙলুপ মঙাদা মখোয়গী পরফোর্মেন্সতা য়ুম্ফম ওইরগা "ইন্দিয়া রেঙ্কিং ২০২০ ফোংখ্রে। মন্ত্রী অসিনা ইন্দিয়া রেঙ্কিং ২০২০ অসি কাঙলুপ ১০দা ভর্চুএল ওইনা ঐচ.আর.দি.গী রাজ্যগী মন্ত্রী শ্রী সঞ্জয় সিংহ ধোত্রেগী য়াওনা ফোংখ্রে। এদিসনেল সেক্রেতরী (হাইয়র এদজুকেসন) শ্রী রাকেশ রঞ্জন, এম.ঐচ.আর.দি.; য়ু.জি.সি.গী চেয়রমেন প্রোফেসর দি.পি. সিংহ; এ.আই.সি.তি.সি.গী চেয়রমেন অনিল সহাসরাবুধে; এন.বি.এ.গী চেয়রমেন প্রোফেসর কে.কে. অগরৱাল; এন.বি.এ.গী মেম্বর সেক্রেতরী দা. অনিল কুমার নাসা, অমসুং হাইয়র এদজুকেসন ইন্সতিত্যুসনশিংগী মীহুৎশিংনা ভিদিও কনফরেন্সিংগী খুথাংদা ফোংবগী থৌরম অদুবু শরুক য়াখি। মসিনা ভারত্তা হাইয়র এদজুকেসনগী ইন্সতিত্যুসনশিংগী ইন্দিয়া রেঙ্কিং মথং মনাও নাইনা ফোংলকপগী মঙাশুবা খুৎফোংনি। ২০২০দা, রেঙ্কিং মাপলগী মথক্তা "দেন্তেল" হায়বা মমিং অমসু ইহান হানবা ওইনা হাপচিন্দুনা কাঙলুপ/সব্জেক্তশিংগী মমিং ১০ শুহনখ্রে।

থৌরম অদুদা ৱা ঙাংলদুনা, মন্ত্রীনা হায়খি মদুদি, হায়রিবা রেঙ্কিংশিং অসিনা মহৈরোইশিংদা য়ুনিবর্সিতীশিংবু করিগুম্বা ক্রাইতেরিয়া খরদা য়ুম্ফম ওইদুনা খনবদা মতেং পাংলগনি অমসুং য়ুনিবর্সিতীশিংনসু মখোয়গী প্রফোর্মেন্সশিং অদু তোঙান-তোঙানবা রেঙ্কিং পেরামিতরশিংগী মতুং ইন্না ফগৎহনবা ঙম্লগনি অমসুং রিসর্স অমসুং ফগৎহনবা য়াবা মফমশিংদা লোইরিবা অহোবশিং খঙদোকপদা মতেং ওইরগনি। মহাক্না মখা তানা হায়খিবদা জাতিগী থাক্তা ইন্সতিত্যুসনশিংবু রেঙ্কিং পীবীবনা ইন্সতিত্যুসনশিং অসিগী মরক্তা হেন্না ফবা মওংদা হোৎনহন্নিংবগী ইথিল অমা ইনশিল্লি অমসুং মালেমগী থাক্তা লৈবা রেকিংদা অৱাংবা রেঙ্ক ফংহনবদা মতেং পাংই।

শ্রী পোখ্রিয়ালনা হায়খি, ঐচ.আর.দি. মন্ত্রালয়না হৌখিবা চহী মঙাদগী হাইয়র এদজুকেসনগী ইন্সতিত্যুসনশিংবু তোঙান-তোঙানবা কাঙলুপশিংদা অমসুং নোলেদজকী মমিংশিংদা রেঙ্ক শেম্বদা শীজিন্নরিবা নেসনেল ইন্সতিত্যুসনেল রেঙ্কিং ফ্রেমৱার্ক (এন.আই.আর.এফ.) শেম্নবা হোৎনবদা মরুওইবা থৌদাং অসি লৌরকখিবনি অমসুং মসিনা ঐখোয় পুম্নমক্কী ৱাখলদা অফবা ইথিল পীবীনবগী মচাক অমা ওইরি। মসিগুম্বা থবক অসিনা ইন্সতিত্যুসনশিংনা দেতা ওর্গনাইজ তৌজনবগী হৈনবী অমা শেম্লে অমসুং হায়রিবা ইন্সতিত্যুসনশিং অসিনা মশানা মশাবু চাংদম্ননিংঙাই ওইনবা হোৎনহল্লে। এন.আই.আর.এফ.না পীরিবা পেরামিতরশিংগী অপুনবা কাঙলুপ অসিনা হাইয়র এদজুকেসন ইন্সতিত্যুসনশিংগী মায় পাক্না তাকপীবগী, লর্নিং অমসুং রিসোর্সশিংগী, রিসর্চ অমসুং প্রোফেসনেল প্রেক্তিস, গ্রেজুএৎ আউৎকম্নচিংবশিংগী মরু ওইবা হীরম পুম্নমক য়াওহল্লিবা অসিদা মন্ত্রী অসিনা হরাউবা ফোংদোকখি।

ভারতকী লৈরিবা রিজনেল দাইবর্সিতী, আউৎরিচ, জেন্দর ইক্বিতী অমসুং খুনাই অসিদা খুদোংচাবা ফংজদ্রবা কাংবুশিংবু রেঙ্কিং মেথোদোলোজীদা য়াওহন্দুনা লৈবাক অসিগী ওইবা তোপ-তোপ্পা চান্নরবা পেরামিতর অমা ওইরে হায়বসি খঙবা মতমদা হরাউবা ফোংদোকখি। পেরামিতর অমসুং সব পেরামিতর খুদিংমক "সাইজ ইন্দিপেন্দেন্ত" অমসুং "এজ-ইন্দিপেন্দেন্ত" ওইহন্দুনা অচৌবা অমসুং চহী লিরবা ইন্সতিত্যুসনশং অসিবু মান্নদবা খুদোংচাবা ফংদনবা নোর্মেলাইজ তৌরে। শ্রী পোখ্রিয়ালনা হায়খি মদুদি ওবরওল রেঙ্কিংগী মথক্তা অকক্নবা কাঙলুপ্তা খায়দোকপা রেঙ্কিংসু কোলেজ অমসুং য়ুনিবর্সিতীশিংগী ওইনা পীরি অমসুং ইঞ্জিনীয়রিং, মেনেজমেন্ত, ফার্মাসী, আর্কিতেকচর, লো এন্দ মেদিসিনগী ওইবা অখন্ননা সব্জেক্তা য়েংদুনাসু রেঙ্কিং লেপ্পী। "দেন্তেল" হায়বা অনৌবা সব্জেত মমিং অমসু ২০২০দগী হৌদুনা হাপ্লে।

কোবিদ-১৯গী খুদোংচাদ্রবা মতম অসিদা ওনলাইন্দা প্রেক্তিস তৌবা য়ানবগী খুদোংচাবা পীনবগীদমক, এন.তি.এ.না হন্দক্তা ইনৌ নৌনা জে.ই.ই. অমসুং নীত মহৈরোইশিংগী নেসনেল তেস্ত অভ্যাস এপ হৌদোকখ্রে অমসুং মহৈরোই লাখ ৬৫ মুক্না হায়রিবা এপ অসিবু ওনলাইন্দা প্রেক্তিস তৌনবা দাউনলোদ তৌনখ্রে হায়না শ্রী নিশাঙ্কনা হায়খি।

মন্ত্রীনা মন্ত্রালয় অসিগী ওফিসিএলশিংবু, নেসনেল বোর্দ ওব এক্রিদিতেসনগী মেম্বর সেক্রেতরীবু অমসুং এন.বি.এ.দা লৈরিবা মহাক্কী কাংবুবু অমসুং হৌখবা চহী মঙা অসিদগী হৌজিক ফাওবদা মরক্তা তৎপা লৈতনা ইন্দিয়া রেঙ্কিংশিং ফোংবীবগীদমক এনফ্লিবনেত সেন্তরগী কাংবুবু থাগৎপা ফোংদোকখি। তোঙান-তোঙানবা কাঙলুপ্তা অমসুং সব্জেক্ত দোমেনশিংদা অহানবদগী অহুমশুবা মফম ফাওবা তারক্লবা ইন্সতিত্যুসনশিংবু থাগৎপা ফোংদোকখি।

ঐচ.আর.দি.গী রাজ্যগী মন্ত্রী ওইরিবা শ্রী সঞ্জয় ধোত্রেনসু "ইন্দিয়া রেঙ্কিং ২০২০"দা অহানবা মফম কনবা ঙখ্রবা ইন্সতিত্যুৎশিংদা হরাউবা ফোংদোকখি অমসুং হন্দক্কী চহী অসিদা মকোক মথংদা য়াওবা ঙমহৌদ্রবা ইন্সতিত্যুৎশিংবুসু পুক্নিং থৌগৎখি। মহাক্না হায়খি, অসিগুম্বা রেঙ্কিংগী ফ্রেমৱার্ক অসিদা শরুক য়ারিবা অসিনা ইন্সতিত্যুসনশিং অসিগী থাজবদু উৎলে অমসুং শরুক য়াবা হায়বসিনা মায় পাকপগী অহানবা খোংথাংনি, মসিনা ইন্সতিত্যুসনশিং অসিগী থাজবা হেনগৎহল্লি। শ্রী ধোত্রেনা হায়খি মদুদি, রেঙ্কিং অসি মনুং মপান ফাওনা উহন্নবা অমসুং অফবা মওং অমদা চাংদম্ননবদা তঙাই ফদে।

রেঙ্কিং ফ্রেমৱার্ক অসিনা ইন্সতিত্যুসনশিং অসিবু পেরামিতরগী অপুনবা জেনেরিক গ্রুপ অমদা নৈনৈ হায়বদি, তিচিং, লর্নিং এন্দ রিসোর্স (তি.এল.আর.), রিসর্চ এন্দ প্রোফেসনেল প্রেক্তিস (আর.পি.), গ্রেজুএসন আউতকমস (জি.ও.), আউতরিচ এন্দ ইনক্লুসিবিতী (ও.আই.) অমসুং পর্সেপসন (পি.আর.)নি। রেঙ্কশিং অসি হায়রিবা পেরামিতরগী অপুনবা কাঙলুপ মঙা অসিদা পীরিবা মার্কশিংগী অপুনবা তিনশিন্নবদা য়ুম্ফম ওইরগা পীরি।

মসিগী নাকন্দা, অঙম্বা থাক্তা তোঙান-তোঙানবা পেরামিতরশিংবু এপ্লিকান্ত ইন্সতিত্যুসনশিংদগী ফংবা দেতা অমসুং অতোপ্পদগী ফংবা দেতাসু শীজিন্নখি। স্কোপস (এলসিবিয়র সাইন্স) অমসুং ৱেব ওব সাইন্স (ক্লারিবেত এনালাইতিক্স)পু পব্লিকেসন রিত্রিব তৌনবা অমসুং দেতা সাইতেসনগীদমক শীজিন্নখি। দর্ৱ্ন্তে ইন্নোবেসনবু পেতেন্তকী দেতা রিত্রিব তৌনবা শীজিন্নখি। মসিগী সোর্সশিং অসিদগী ফংবা দেতাশিংবু ইন্সতিত্যুসনশিংদা মনুং মপান নাইদনবা মখোয়গী ইনপুৎ পীবগী অয়াবা অমগা লোইননা শেয়র তৌখি।

"ওবরওল", অখন্নবা কাঙলুপ অমসুং/নত্ত্রগা দোমেন্দা অখন্ননা ইন্দিয়া রেঙ্কিং ২০২০গীদমক্তা তোপ-তোপ্পা ইন্সতিত্যুসন অপুনবা মশীং ৩৭৭১না থাজিল্লকখি। অপুনবা ওইনা হায়রিবা তোপ-তোপ্পা এপ্লিকান্ত ইন্সতিত্যুসন ৩৭৭১ অসিনা রেঙ্কিংগীদমক য়ুনিবর্সিতী ২৯৪, ইঞ্জিনীয়রিং ইন্সতিত্যুসন ১০৭১, মেনেজমেন্ত ইন্সতিত্যুসন ৬৩০, ফার্মাসী ইন্সতিত্যুসন ৩৩৪, লো ইন্সতিত্যুসন ৯৭, মেদিকেল ইন্সতিত্যুসন ১১৮, আর্কিতেকচর ইন্সতিত্যুসন ৪৮ অমসুং জেনরেল দিগ্রী কোলেজ ১৬৫৯ য়াওবা তোঙান-তোঙানবা কাঙলুপ/দোমেনশিংদা এপ্লিকেসন ৫৮০৫ থাজিল্লকখি। হন্দক্কী চহী অসিদা ইন্সতিত্যুসনশিংনা রেঙ্কিংগী থবক অসিদা শরুক য়াবগী চাং হেনগৎলক্লিবা অসিনা ভারত্তা লৈরিবা হাইয়র এদজুকেসনগী ইন্সতিত্যুসনশিংনা রেঙ্কিং এক্সর্সাইজ অসিবু অচুম্বা অমসুং মনুং মপান নাইদবা অমা ওই হায়বদু খঙবীরে তাকপনি। ইন্দিয়া রেঙ্কিং ২০২০দা তোপ-তোপ্পা এপ্লিকান্তশিংগী মশীং অসি ২০১৯দা ৩১২৭ ওইরম্বদগী ২০২০দা ৩৭৭১ হেনগৎলে অদুগা তোঙান-তোঙানবা কাঙলুপশিংদা থাজল্লকপা এপ্লিকেসনগী অপুনবা মশীংনা ২০১৯দা ৪৮৭৩ ওইরম্বদগী ২০২০দা ৫৮০৫ য়ৌরে হায়বদি তোপ-তোপ্পা ইন্সতিত্যুসন মশীংদা অপুনবা ওইনা ৬৪৪ হেনগৎলে অমসুং এপ্লিকান্তশিংগী অপুনবা মশীংনা ৯৩২ ওইরে হায়বনি।

প্রেক্তিস তৌবগী মতাংদা, ইঞ্জিনীয়রিংগী দিসিপ্লিন্দা ইন্সতিত্যসন ২০০ রেঙ্ক তৌখি, ওবরওল য়ুনিবর্সিতী অমসুং কোলেজগী কাঙলুপ্তা ইন্সতিত্যুসন ১০০, মেনেজমেন্ত অমসুং ফার্মাসীদা ৭৫, মেদিকেলদা ৪০ অমসুং আর্কিতেকচর অমসুং লোদা ২০-২০ অমসুং ইহান-হানবা ওইনা ইন্সতিত্যুসন ৩০না দেন্তেলদা রেঙ্ক তৌখি। চান্নবা য়েংদুনা অপুনবা ওইনা অহেনবা রেঙ্কিংসু পীখি। ইন্সতিত্যুসনশিংগী দেতাশিং অসি য়াম্না কন্না হোৎনদুনা ভেরিফাই তৌখি, ইঙ্কসিস্তেন ওইবা, চান্নদবা অমসুং আউতলাইয়রশিংবু স্ক্রীন তৌখি অমসুং আইদেন্তিফাই তৌখি, মসিদা কন্না হোৎনবা, খাঙবা কনবা, ইন্সতিত্যুসনশিংবু হৈ শিংনা হেন্দল তৌবা চঙখি।

ইন্দিয়া রেঙ্কিং ২০২০গী খ্বাইদগী ফবা ১০গী মমিনশিং মখাদা পীরিঃ

ওবরওল

য়ুনিবর্সিতী

ইঞ্জিনীয়রিং

মেনেজমেন্ত

কোলেজশিং

ফার্মাসী

মেদিকেল

আর্কিতেকচর

লো

দেন্তেল

*****