প্রধান মন্ত্রী কৃশি সিঞ্চায় য়োজনা (পি.এম.কে.এস.ৱাই.-পি.দি.এম.সি.)গী শরুক অমা ওইনা এগ্রিকলচর কোওপরেসন অমসুং ফারমর্স ৱেলফিয়রনা 'পর দ্রোপ মোর ক্রোপ' থবক ওইনা পায়খৎলি। পি.এম.কে.এস.ৱাই.-পি.দি.এম.সি.না মাইক্রো ইরিগেসন তেক্নোলোজীশিং হায়বদি দ্রিপ অমসুং স্প্রিংকল ইরিগেসন সিস্তেমগী খুত্থাংদা ফার্মগী থাক্তা ঈশিং মতীক চানা শীজিন্নবা হেনগৎনবগী পান্দম থম্লি। দ্রিপ মাইক্রো ইরিগেসন তেক্নিক্না ঈশিং মাঙহন্দবদা নত্তনা হার শীজিন্নবা, শুৎশুমল চৎপা অমসুং অতোপ্পা অচঙবা শেলশিং হন্থহল্লি।

চৎলিবা চহী অসিগী ওইনা চহী অসিগী লুপা কোতি ৪০০০ কাইথোক্লে হায়না রাজ্যশিংদা খঙহনখ্রে। রাজ্য সরকারশিংনা থৌরাং অসিগী মখাদা কান্নবা ফংগদবা মীওইশিংগী মশক মমিং খঙদোকখ্রে। অতোপ্পা রাজ্য খরদা চহী ২০২০-২১গী ওইনা ফন্দ কাইথবগী থবকসু মাঙজৌননা হৌখ্রে।

মখা তানা, লুপা কোতি ৫০০০গী ওইগদবা মাইক্রো ইরিগেসন ফন্দ কোর্পসসু নাবারদকা লোইননা শেমখ্রে। ফন্দ অসিগী পান্দমদি, রাজ্যশিংনা রিসোর্সশিংগা লোইননা অখন্নবা অমসুং অনৌবা প্রোজেক্তশিং পায়খত্তুনা মাইক্রো ইরিগেসনগী থবকশিং পাকথোক চাউথোকহনবনি অমসুং মাইক্রো ইরিগেসন্দা পি.এম.কে.এস.ৱাই.-পি.দি.এম.সি.গী মখাদা শেল হেন্না কাইথবনি। হৌজিক ফাওবদা, অন্ধ্র প্রদেশ অমসুং তমিল নাদুদা মথং শিৎনা লুপা কোতি ৬১৬.১৪ অমসুং লুপা কোতি ৪৭৮.৭৯ নাবারদকী মখাদা মাইক্রো ইরিগেসন ফন্দগীদমক কাইথখ্রে। প্রোজেক্ত অসিগী মখাদা কোনশিল্লিবা লমগী শরুক্তি অন্ধ্র প্রদেশতনা লাখ হেক্তর ১.০২১নি অমসুং তমিল ০নাদুদনা হেক্তর লাখ ১.৭৬নি।

হৌখিবা চহী মঙা অসিদা (২০১৫-১৬দগীনা ২০১৯-২০ ফাওবদা) হেক্তর লাখ ৪৬.৯৬ পি.এম.কে.এস.ৱাই.-পি.দি.এম.সি.গী খুথাংদা মাইক্রো ইরিগেসনগী মখাদা কোনশিনখ্রে।

*****