প্রধান মন্ত্রীনা ঙসি উত্তরাখন্দগী রাজ্য সরকারগা ভিদিও কনফরেন্সকী থোংদা কেদরনাথ ধাম দিবেলপমেন্ত অমসুং রিকন্সত্রক্সনগী প্রোজেক্ত য়েংশিনখ্রে। তীর্থ অসিবু অমুক নৌনা শেমগৎ-শাগৎনবগী ৱাখল্লোন অদু থম্লদুনা প্রধান মন্ত্রীনা হায়খি মদুদি রাজ্য সরকারনা কেদরনাথ অমসুং বদ্রিনাথগুম্বা শেংলবা মফমশিং অসি মতম চুপ্পদা মীয়াম পু্ম্বনা খংনবা মওংদা অমসুং অকোইবগী ফীভমগা চাননা অমদি মহৌশা অমসুং মসিগী অকোইবদা লৈরিবশিং অদুগা চুশিন্নগদবা মওং অমদা রাজ্য সরকারনা শেমগৎনবা প্রোজেক্তশিং অসিগী ৱাখল্লোনশিং অদু শাগৎকদবনি অমসুং দিজাইন শেমগদবনি।

হৌজিক্কী ওইরিবা ফীভমশিং অমসুং শেংলবা মফমশিংদা লমকোয়বশিং অমসুং তীর্থ চৎপা মীশিং চাংদম্ননিংঙাই লৈতবা মওংদা চাং হন্থরকপগী চৈথেং অসি য়েংলগা প্রধান মন্ত্রীনা হৌজিক্কী শেম-শাবগী কুম অসি লাপ্না লৈনবগী চৎন -কাংলোনশিং অদু ঙাক্তুনা লেবর পুলশিং অদু নিংথিজনা য়েন্থোক্তুনা লোইশিন্দ্রিবা থবকশিং অসি মপুং ফানা লোইশিন্নবগীদমক্তা থবক্তা শিজিন্নবা য়াই হায়না প্রধান মন্ত্রীগী ওইবা ৱাখল্লোন ফোংদোকখি। মসিনা লাক্কদৌরিবা চহিশিংদা তুরিজমগী মফম অসি নিংথিজনা শেম-শাদুনা থম্নবগীদমক্তা খুদোংচাবশিং অমসুং ইনফ্রাস্ত্রকচরশিং অসি শেম্বদা মতেং পাংগনি।

মরুওইবা সজেসনশিংগী শরুক অমা ওইনা, প্রধান মন্ত্রীনা রাম্বনদগী কেদরনাথ ফাওবদা শন্দোকখ্রিবা ইপা-ইপুগী হাক্তকতগী লৈরক্লবশিং অমসুং লাইনিং-লাইওংগী ওইবা অতৈ মফমশিং অসি মখা তানা শেমগৎনবগী মতাংদা লমজিং-লমতাকখি। মসিগী থবক অসি কেদরনাথকী মরু ওইবা মফমশিং অসি অমুক হন্না-শেমগৎপদা মথক্তা অতোপ্পশিং শেমগৎপগী থবক ওইগনি।

মীতিং অসিদা ব্রহ্ম কমল বাতিকা (লৈকোল) অমসুং বাসুকী তালগীদমক্তা তীর্থ চৎপশিংগী লম্বী, ম্যুজিয়ম, অরিবা সহরগী ক্বাতরশিং অদু অমুক নৌনা শেমগৎনবা অমসুং পুৱারীগী মরু ওইবশিং অদু হান্নগী আর্কিতেকচরেল ওইবা য়ুম্মায়শিং অদুদা অদুম থম্বগা লোয়ননা অকোয়বদা লৈরিবশিং অদুদা নুংঙাইগদবা পার্কিংগী মফমশিং অদু তীর্থ অদুদগী নিংথিজনা লাপ্না অমসুং চাং চানা কান্ন-কান্ননা থম্বগী অতোপ্পা খুদোংচানবশিং অদুগী থাকশিংগা মরী লৈনবা হীরমশিংগী মতাংদা মরিক চুম্না খন্নবা উখি।

উত্তরাখন্দগী চীফ মিনিস্তর শ্রী ত্রিবেন্দ্র সিংহ রাৱত অমসুং অতৈ মকোক থোংবা ওফিসিএলশিংসু খন্ন-নৈনবা অদুদা শরুক য়াখি।

*****