মোতোর ভেহিকলশিংগী চে-চাংশিং চৎনবগী মতম চহি অসিগী সেপ্তেম্বর থা ফাওবা শাংদোক্লে হায়না রোদ ত্রান্সপোর্ত অমসুং হাইৱেজ অমসুং এম.এস.এম.ইগী য়ুনিয়ন মিনিস্তর নিতিন গাদকারিনা ঙসি লাউথোকখ্রে। মসি থবক ওইনা চৎনবা হৌনবা রোদ ত্রান্সপোর্ত অমসুং হাইৱেজ মিনিস্ত্রিনা রাজ্যশিং অমসুং য়ু তিশিংদা পাউতাক পীখ্রে।

মখল খুদিংমক্কী গারিশিংগী ফিতনেস, পর্মিৎ, দ্রাইভিং লাইসেন্স, রেজিস্ত্রেসন নৎত্রগা মরী লৈনবা চে-চাং খুদিংমক লোকদাউননা মরম ওইদুনা চৎনবগী মতম শাংদোক্লোই হায়না ২০২০গী মার্চ ৩০দা রোদ ত্রান্সপোর্ত অমসুং হাইৱেজ মিনিস্ত্রিনা রাজ্যশিং অমসুং য়ু তিশিংদা খঙহনখি অমসুং ২০২০গী ফেবুৱারি ১দগী মতম হেল্লবা নৎত্রগা ২০২০গী মে ৩১ দা মতম লোইরগদবা অদু ২০২০গী জুন ৩০ ফাওবা চৎননবা ইনফোর্সমেন্ত ওথোরিতিশিংদা পাউতাক পীখি।

অদুম ওইনমক, কোবিদ-১৯গী ফিবম অসি মখা চৎথদুনা লৈবদগী অমসুং হায়জরকপগী মতুং ইন্না, হায়রিবা চে-চাংশিং অসি চৎনবগী মতম চহি অসিগী সেপ্তেম্বর ৩০ ফাওবা শাংদোক্নবা পাউতাক পীনবা গাদকারিনা মহাক্কী মিনিস্ত্রিদা পাউতাক পীখি।

তুংদা, মতম অসিগী মতুংদা মীয়াম য়াইফনবা অমসুং হৌজিক ওইরিবা কোবিদ-১৯গী ফিবম অসি য়েংলগা, রোদ ত্রান্সপোর্ত অমসুং হাইৱেজ মিনিস্ত্রিনা ২০২০গী মে ২১দা গেজেত নোতিফিকেসন অমা থোক্তুনা সেন্ত্রেল মোতোর ভেহিকলস রুলস, ১৯৮৯গী মখাদা নৎত্রগা রুল ৩২গী মখাদা ২০২০গী জুলাই ৩১ফাওবা ভেলিদিতিগী ফিস লৌবা কোমথোকপনি।

কোবিদ-১৯গী হৌজিক ওইরিবা ফিবম অসিদা মীয়ামদা খুদোংচাবা পীনবা মোতোর ভেহিকলস এক্ত ১৯৮৮ নৎত্রগা অতোপ্পা এক্তশিংগী অসিগুম্বা অতোপ্পা প্রোবিজনশিংগী মখাদা মসিগী কোমথোকপা অসি চৎননবা রাজ্যশিং/য়ু তিশিংদা হায়জখ্রে।

*****