হকশেল অমসুং য়াইফ য়ুম্বাল মন্ত্রালয়না অৱাংবা থাক্কী মখল-মখা কয়াদা হৈথোয় শিংথোইরবা কেন্দ্রগী কাংবু খরা কোবিদ-১৯গী কেস ৱাংনা লৈবা রাজ্য/য়ু.তি. ১৫গী জিলা/ম্যুনিসিপাল বোদী ৫০ হেনবদা রাজ্য সরকারশিংবু লায়চৎ অসি নিংথিনা শেন্নবা অমসুং লাকশিনবদা মতেং পাংনবা থাখ্রে। রাজ্য/য়ু.তি.শিং অদুদিঃ মহারাস্ত্রা (জিলা/ম্যুনিসিপালিতী ৭); তেলঙ্গানা (৪); তমিল নাদু (৭), রাজস্থান (৫); অসম (৬); হরিয়ানা (৪); গুজরাত (৩); কর্নাতকা (৪); উত্তরাখন্দ (৩); মধ্য প্রদেশ (৫); নোংচুপ বেঙ্গল (৩); দিল্লী (৩); বিহার (৪); উত্তর প্রদেশ (৪) অমসুং ওরিশা (৫)নি।

মীওই অহুমগী কাংবুসিদা মীয়ামগী হকশেলগী মরমগী অখং-অহৈ/ইপিদেমিওলোজিস্ত/ক্লিনিসিয়ান অনি অমসুং থবক শেন্ননবা অমসুং লৈঙাক্তা মতাং পাংনবা সেনিয়র জোইন্ত সেক্রেতরীগী থাক্তা লৈবা নোদেল ওফিসার অমা য়াওই। কাংবু অসিনা ফিল্দদা থবক তৌরি অমসুং হেলথ কেয়রগী মফমশিংদা চত্তুনা রাজ্যগী হকশেলগী বিভাগশিংদা লায়চৎ অসিবু লাকশিন্নবা থৌওংশিং পায়খৎপদা মতেং পাংগনি অমসুং জিলা/শহর মনুংদা কেসশিং অদুবু নিংথিনা য়েংশিন্দুনা লায়েংবদসু মতেং পাংগনি।

পুন্না থবক তৌমিন্নবা, খোংজেল থুনা থবক পায়খৎপা, হেন্না কান্নগদবা পথাপ শিজিন্নবদা নিংথিনা থবক পায়খৎপা ঙম্নবা রাজ্যশিং অসিদা মতেং পাংবা লাক্লিবা কেন্দ্রগী কাংবুশিংদা জিলা/ম্যুনিসিপালিতীগী মীওইশিংনা তোয়না পাউ ফাওনদুনা লৈনবসু হৌদোকখ্রে।

তেস্ত তৌবদা থেংনবা খুদোংচাদবশিং, মীওই লাখ ২০গী ওইনা তেস্ত তৌবদা তপ্লিবা, কেস য়াম্না লাকপগী চাং, তেস্ত তৌরবা মতুংদা কেস য়াম্না লাকপগী চাং, মথংগী থা অনিদা তেস্ত মশিং শুনা তৌবা ঙম্লোইদবগী খুদোংচাদবা, ফমুং ৱাৎপা, মী লৈতবা হেনগৎলকপগী চাং, দব্লিং রেৎ হেনগৎলকপা, এক্তিব কেস্তা মশিং খংহেন হেনগৎলকপনচিংবগী হীরমশিং অসিদা কেন্দ্রগী কাংবু অসিনা রাজ্য/য়ু.তি.শিংদা মতেং পাংগনি।

জিলা/ম্যুনিসিপালিতী অয়াম্বনা জিলাগী থাক্কী মেদিকেল অমসুং লৈঙাক্লোইগী মীওইশিং য়াওবা হীরম অসিগীদমক্তা ওইনা কাংবু কয়া শেমদুনা কেন্দ্রগী মীওইশিং অসি মতেং পাংনবা থৌরাং কয়া অমা হান্ননা পায়খৎখ্রে।

*****