এপ্রিল ২০১৯ অমসুং মার্চ ২০২০গী মরক্তা অশোই-অঙাম থোক্তবগী রেকোর্দ অমা ভারত রেলৱেজনা থম্লে। চহি অসি থারগা হৌজিক ফাওবদা ত্রেনগী খুদোংথিবা অমদা পেসেঞ্জর অমতা শিখিদ্রি। ঙসিদগী চহি ১৬৬গী মমাংদা ১৮৫৩দা ভারত্তা রেলৱেজগী থবক হৌদোকখিবদগী অহানবা ওইনা ২০১৯-২০২০দা অহানবা মসিগী মাইপাকপা অসি ফংবা ঙমখিবনি। হিরম খুদিংমক্তা অশোই-অঙাম থোকহনদনবা থবকশিং ফগৎহনবা ভারত রেলৱেজনা লেপ্তনা হোৎনরকপগী মহৈ ওইনা হৌখিবা থা ১৫ অসিদা পেসেঞ্জর অমতা শিখিদবনি।

অশোই-অঙাম থোক্তনবা মীনা শেন্নবা লেবেল ক্রোসিং লৌথোকপা, রোদ ওবর ব্রিজ/ রোদ অন্দর ব্রিজ শাবা, থোংশিং শেমজিনবা, রেল ত্রেকশিং নৌনা শেমজিনবা, ত্রেক ফজনা য়েংশিনবা, অশোই-অঙাম থোক্তনবগী পায়খৎলিবা থবকশিং য়েংশিনবা, রেলৱেজ স্তাফশিংগী ত্রেনিং ফগৎহনবা, সিঙ্গনেলগী থবকশিং ফগৎহনবা, অনৌবা তেক্নোলোজিশিং অশোই-অঙাম থোকহন্দনবগী থবকশিংদা শীজিন্নবা, মমাংঙৈগী কোচশিংগী মহুৎ হেন্না ফবা অনৌবা কোচশিং মহুৎশীনবগী থবকশিং পায়খৎলে।

মখাগীশিং অসি ভারত রেলৱেজনা পায়খৎলিবা অশোই-অঙাম থোক্তনবগী মরুওইবা থবকশিংনি:

• রেকোর্দ ওইনা ২০১৯-২০২০দা মীনা শেন্নবা লেবেল ক্রোসিং ১২৭৪ লৌথোকখি, মসি ২০১৮-১৯দা লৌথোকখিবা অদুদগী মশিং শরুক অনি হেনগৎলবনি। মসি লেবেল ক্রোসিংশিং খ্বাইদগী য়াম্না লৌথোকপনি।

• রেলৱেজ নেতৱার্কশিংদা অশোই-অঙাম থোক্তবা হেনগৎহন্নবা ২০১৯-২০দা আর.ও.বি./আর.য়ু.বি.১৩০৯ শেমগৎলে।

• ২০১৯-২০দা থোং ১৩৬৭ নৌনা শেমজিল্লে।

• ২০১৯-২০দা ত্রেক কিলোমিতর ৫,১৮১গী রেলশিং নৌনা শেমজিল্লে । মসি মমাং চহিদগী চাদা ২০ হেনগৎলবনি ।

• সেলদগী খ্বাইদগী য়াম্বা ওইনা তন লাখ ১৩.৮কী রেলশিং লৌখি । তন লাখ ৬.৪গী অশাংবা রেলশিং ফংবদগী ৱেলদিং তৌবগী থবকশিং হন্থহন্দুনা হেন্না ফবা ওইহনখি।

• ২০১৯-২০দা লেবেল ক্রোসিং ২৮৫ সিঙ্গনেলশিংনা ইন্তরলোক তৌখি, হৌজিক ইন্তলোক তৌরবা লেবেল ক্রোসিং মশিং ১১,৬৩৯ য়ৌরে।

• স্তেসন ৮৪দা অশোই-অঙাম থোক্তবা হেনগৎহন্নবা ২০১৯-২০ মনুংদা মেকানিকেল সিঙ্গনেলগী থবকশিং ইলেকত্রোনিক সিঙ্গনেলগী থবকশিংনা মহুৎ শিল্লে।

চহি মঙাগী মনুংদা লুপা ক্রোর লাখ ১গী ফন্দ অমা চাদিং তৌদুনা ২০১৭-১৮দা হৌদোকখিবা রাস্ত্রিয়া রেল সুরক্সা কোসকী মখাদা মথক্কী থবকশিং অসি পায়খৎপা ঙমখিবনি। ফন্দ অসিগী চহিগী শেনফম্না লুপা ক্রোর ২০,০০০নি। মসিগী ফন্দ অসিনা অশোই-অঙাম থোকহন্দনবা মরুওইবা অমসুং অরুবা থবকশিং পায়খৎপা ঙমহনবনি অমসুং মদুগী ফলশিং উবা ফংলে।

*****