প্ৰতিৰক্ষা মন্ত্ৰালয়

ইৰাণৰ পৰা ভাৰতীয় নাগৰিকসকলক ঘূৰাই আনিবলৈ ভাৰতীয় নৌসেনাৰ-‘সমুদ্ৰ সেতু’ অভিযান আৰম্ভ

Posted On: 08 JUN 2020 10:10AM by PIB Guwahati

ভাৰতীয় নৌসেনাই ভাৰতীয় নাগৰিকসকলক ঘূৰাই অনাৰ বাবে ৮ মে’, ২০২০ত সমুদ্ৰ সেতু অভিযানৰ শূভাৰম্ভ কৰে৷ ভাৰতীয় নৌসেনাৰ জাহাজ জলসা আৰু মগৰে ইতিমধ্যে মালদ্বীপ আৰু শ্ৰীলংকাৰ পৰা কোচি আৰু টুটিকৰিন বন্দৰলৈ ২,৮৭৪গৰাকী ব্যক্তিক ঘূৰাই আনিছে৷

‘সমুদ্ৰ সেতু’ অভিযানৰ পৰৱর্তী পর্যায়ত ভাৰতীয় নৌসেনাৰ যুদ্ধজাহাজ ‘ছার্দুলে’ ৮ জুনত ইৰানৰ বান্দৰ আব্বাছ বন্দৰৰ পৰা গুজৰাটৰ পোৰবন্দৰলৈ ভাৰতীয় নাগৰিকক ঘূৰাই অনাৰ প্ৰক্রিয়া আৰম্ভ কৰিছে। ইৰানত ভাৰতীয় মিচনৰ অধীনত প্ৰস্তুত কৰা তালিকা অনুসৰি তেওঁলোকক ঘুৰাই অনা হৈছে৷ তেওঁলোকক ঘূৰাই অনাৰ পূৰ্বে প্ৰতিগকাৰী ভাৰতীয় নাগৰিকৰ স্বাস্থ্য পৰীক্ষা কৰা হ’ব৷

ঘূৰাই অনাৰ সময়ত ভাৰতীয় নৌসেনাৰ যুদ্ধজাহাজ ‘ছার্দুল’ত প্ৰতিগৰাকী যাত্রীৰ সামাজিক দূৰত্ব বিধি মানি চলা হ’ব৷ জাহাজত চিকিৎসাকর্মী, চিকিৎসক, স্বাস্থ্যকর্মী, ঔষধ, খাদ্য, মাস্ক আৰু ব্যক্তিগত সুৰক্ষা সঁজুলি যথাযথভাৱে ব্যৱস্থা কৰা হৈছে।

ঘূৰি অহা প্ৰতিগৰাকী যাত্রীক পোৰবন্দৰত পুনৰ স্বাস্থ্য পৰীক্ষা কৰা হ’ব৷ তেওঁলোকৰ বাবে বিশেষ আইছ’লেচনৰ ব্যৱস্থাও কৰা হৈছে। ক’ভিড-১৯ সমস্যা মোকাবিলা কৰাৰ ক্ষেত্ৰত সকলো যাত্রীৰ বাবে নিয়ম সম্পূৰ্ণৰূপে মানি চলা হ’ব৷

পোৰবন্দৰত উপস্থিত হোৱাৰ পাছত যাত্রীসকলৰ দায়িত্ব সংশ্লিষ্ট ৰাজ্য চৰকাৰক অৰ্পণ কৰা হ’ব৷

*******

VM/ MS/DB



(Release ID: 1630358) Visitor Counter : 152


Read this release in: Hindi , English , Urdu , Marathi , Manipuri , Bengali , Punjabi , Gujarati , Odia , Tamil , Telugu , Malayalam