ইন্দিয়ন নেভীনা মে ৮, ২০২০দগী হৌদুনা ভারত মচাশিং ময়ুমদা পুরক্নবগীদমক ওপরেসন সমুদ্র সেতু হৌদোকখ্রে। ইন্দিয়ন .নেভেল জহাজ জলশ্বা অমসুং মগরনা মালদিব অমসুং শ্রী লঙ্কাদগী কোচি অমসুং তুতিকোরিনগী হিথাংফমশিংদা মীওই ২৮৭৪ পুরকখ্রে।

সমুদ্র সেতুগী মথংগী তাংকক্কী ওইনা, ইন্দিয়ন .নেভেল শিপ শরদুলনা জুন ৮, ২০২০দা ইস্লামিক রিপব্লিক ওব ইরানগী বান্দর অব্বাস হিথাংফমদগী ভারত মচাশিং গুজরাৎকী পোর্বন্দর তম্না পুরক্কদৌরি। ইস্লামিক রিপব্লিক ওব ইরান্দা লৈবা ইন্দিয়ন মিসন্না ভারত মচাশিংগী মিংগী লিস্ত অমা শেম্লি অমসুং তঙাইফদনা মেদিকেল স্ক্রীনিং তৌরবা মতুংদা মখোয়বু পুরক্নবগী থবকশিং লৌখৎকনি।

আই.এন.এস. শরদুলদা কোবিদকা মরী লৈনবা সোসিএল দিস্তেন্সিংগী কাঙলোনশিং ইন্নবা শেম শাখ্রে অমসুং জহাজ অসি অখন্ননা অহেনবা মেদিকেল স্তাফশিং, দোক্তর, হায়জিনিস্ত, ন্যুত্রিসনিস্ত, মেদিকেল স্তোর, রাসন, পার্সনেল প্রোতেক্তিব ইক্বিপমেন্ত, ফেস মাস্ক, লাইফসেবিং গিয়রনচিংবশিং হাপনবা অয়াবা পীবগা লোইননা মী লৌথোকপগী থবক্কীদমক অয়াবা পীখিবনি। অয়াবা পীরবা মেদিকেলগী আউৎফিৎশিংগী মথক্তা কোবিদ-১৯গী খুদোংথীবসিগী মনুংদা ইন্দিয়ন নেভীনা পুথোকপা অনৌবা পোত্থোক কয়াগা লোইননা কোবিদ-১৯ লাকশিন্নবা অখন্নবা মেদিকেল ইক্বিইপমেন্তশিং জহাজ অসিদা পুরি।

হোন্দোরক্লিবা মীওইশিং অসিদা তঙাইফদবা পোৎলমশিং অমসুং মেদিকেলগী ফেসিলিতীশিংসু পোর্বন্দর তম্না শমুদ্র লম্বীদা লাক্লিঙৈদা পীগনি। করিগুম্বা খুদোংচাদবা লাকপা মতমদা শীজিন্ননবগীদমক অখন্নবা আইসোলেসন কম্পার্তমেন্তশিংসু শেমদুনা থম্লি। লাইওং য়াওদনা লাইনা অসি পুদুনা চৎপা য়াওনা কোবিদ-১৯গা মরী লৈনবা অখন্নবা খুদোংথীবশিং লৈরিবসি উরদুনা অহকপা প্রোতোকোলশিংসু খোংচৎ অসিগী মনুংদা ইন্নবগীদমক শেমখ্রে।

পোর্বন্দরদা থুংলদুনা হি থাঙলবা মতুংদা, পুরক্লিবা মীওইশিং অদু রাজ্যগী ওথোরিতীশিংগী মখাদা য়েংশিন্নবগীদমক শীনগনি।

*****