সরকারনা কোবিদ-১৯ লাকশিন্নবা অমসুং শেন্নবগী খোংথাং অসিদা অখং অহৈ কয়া তান্নদুনা পাংথোকখিবগী মতাংদা মীদিয়াদা পাউদম কয়া অমা লাক্লি।

ৱাফমশিংসি পংহায়দা হায়জিনবনি অমসুং য়ুম্ফম য়াওদবনি। সরকারনা কোবিদ-১৯গী লায়চৎসি থেংননবা অখং অহৈশিংগী তেক্নিকেল অমসুং স্ত্রেতজিক ইনপুৎশিং, সাইন্তিফিক ওইবা ৱাখল্লোনশিং অমসুং হীরম অসিগা মরি লৈনবা পাউতাক কয়া লেপ্তনা লৌদুনা লাক্লি। কোবিদ-১৯গী নেস্নেল তাস্ক ফোর্স (এন.তি.এফ.) অমসু সেক্রেতরী দি.ঐচ.আর.-অমসুং-দি.জি.-আই.সি.এম.আর.গা লোয়ননা নিতি আয়োগকী মেম্বর (হেলথ)না চেয়রপর্সন অমসুং সেক্রেতরী (দি.ও.ঐচ.এফ.দবল্যু.) অমসুং সেক্রেতরী (দি.ঐচ.আর.)না কো-চেয়র ওইদুনা শেমখি। এন.তি.এফ.তা সরকার অমসুং সরকারগী মপানগী তেক্নিকেল/দোমেন এক্সপর্তশিং য়াওদুনা মীহুৎ ২১ য়াওরি। তাস্ক ফোর্স অসিদা য়াওরিবা মরু ওইরবা অখং-অহৈশিং অসি মীয়ামগী হকশেল অমসুং ইপিদেমিওলোজীগী হীরমগী মীওই ঙাক্তনি। কোভিদ-১৯গী অরুবা অমসুং শাথিনা শোকহল্লিবশিং অসি য়েংলদুনা কাংলুপ অসিদা হিদাক-লাংথক, ভাইরোলোজী, ফার্মাকোলোজী অমসুং থবক ওইনা পাংথোক্কদবা দোমেনগী মীওইশিংসু য়াওরি।

মখা তানা, তাস্ক ফোর্স অসিদা অখং-অহৈগী কাংলুপ মরি য়াওরি। ইপিদেমিওলোজী অমসুং য়েংশিনবগী (মীহুৎ ১৩) অমসুং থবক ওইনা পাংথোকপদা থিজিন হুমজিন্নবা (মীহুৎ ১৫) মীওইশিংসি সরকার অমসুং সরকারগী নত্তবা কাংবুদগী মীয়ামগী হক-শেল অমসুং ইপিদেমিওলোজীগী হীরমদা খং হৈরবা মীওই ঙাক্তনি।

তাস্ক ফোর্স অসিনা মীফম ২০ হেন্না ফমদুনা লায়চৎ অসিগী পাউখুম ওইনা চৎন-পথাপ ইনবা সাইন্তিফিক অমসুং তেক্নিকেল ওইবা খোংথাংশিং পাংথোক্তুনা মতেং পাংখি। মতেং পাংখিবশিং অসিগী মরক্তা তাস্ক ফোর্স অসিনা তেস্ত তৌবা, ঙাকথোকপা, লায়েংবা অমসুং য়েংশিনবগী মতাংদা চৎনগদা থৌওং কয়া অমসু ফোংখি। এন.তি.এফ. অসিগী মথক্তা হকশেল অমসুং য়াইফ য়ুম্বাল মন্ত্রালয়নসু মীয়ামগী হকশেলগী মরমদা খং-হৈরবশিং য়াওবা অখং-অহৈগী কাংলুপ অমসু শেমখি।

মীদিয়াগী কাংলুপ অমনা ভারতনা লায়চৎ অসি থেংনবগী লৌখিবা ৱারেপ কয়া অমগী মতাংদা পাউ ফোংলি। লোকদাউন তৌবগী ৱারেপ অসি কোবিদ-১৯গী কেস মশীং য়াম্না থুনা হেনগৎলকপদগী লৌখিবনি। নোংচুপকী লৈবাকশিংনা থেংনখিবা কেস মশীং য়াম্বা অমসুং মী শিবগী মশীং য়াম্বা অদুগুম্না ওইরমগদবদগী কেসকী দব্লিং রেৎ অসি য়াম্না হন্থখ্রিবনি। ঐখোয়গী লৈবাক্কী হকশেলগী পথাপ অসি কোবিদ-১৯গী অনাবগী মশীংনা লাকশিল্লম্বা য়াবগী ওইথোকপা লৈরম্লবনি।

লৈবাক অসিনা থেংনরক্লিবা অথুবা অহোংবশিংগী মতুং ইন্না চৎনগদবা অমসুং পাংথোক্কদবা থৌওংশিং য়াৎপগী তঙাই ফদবা কয়া অমা লৈখি। মসিগী ভাইরস অসি অনৌবা অমনি অমসুং মসিগী মরমদা পুম্নমক খংবদু ওইদ্রি। সরকারনা নৌনা খংলক্লিবা অমসুং ফিল্দদা থেংনরক্লিবা কয়া অদুগী মতুং ইন্না শেমদোক্তুনা পাংথোক্কদবা থৌরমশিং য়াৎখি।

মীয়ামগী হকশেলগী মতাংদা তোঙান তোঙানবা লায়চৎকী থাক্কী মতুং ইন্না তোঙান তোঙানবা থবক থৌরম পায়খৎফম থোকই হায়বসি মীয়াম্না খংনরিবদুনি। তশেংবদি খরা খেৎনবা, তাঙ্কক নায়না চত্থবা খোংথাং অসিনা অমুক হন্না ফরকপা ঙম্বা হকশেলগী পথাপকী অফবা মতিক মগুন অমনি। মীয়াম, দবল্যু.ঐচ.ও. অমসুং মালেমগী হকশেলগী খুন্নাইনা ভারতনা হকথেংননা অমসুং মরিক চুম্না কোবিদ-১৯ লান্থেংনবগী থৌওং অসিবু থাগৎনরিবনি। লোকদাউন থম্বদসু সাজ্য সরকারশিংনা পুল্লপ য়ানদুনা ৱারেপ লৌখিবনি।

ভারত সরকারনা লোকদাউন অমসুং অতোপ্পা অথিংবা থমদুনা ওইহনখিবা খুদোংচাদবশিংগী মরম অমসুং মদুনা মীওই লাখ কয়া লায়না অসিনা শোকহন্দুনা মীওই লিশীং কয়া শিবদগী কনখিবা অদুনা হকশেলগী পথাপ অমসুং মীয়াম্না শেম-শাদুনা লৈখিবগী মতাংদা ৱাফম কয়া অমা মীয়ামদা হায়খ্রবনি। য়ু.কে., ইতালি, স্পেন অমসুং জর্মনিগুম্বা লোকদাউন লৌথোকখিবা লমশিংগা চাংদম্নবদা ভারতনা মীওই লাখ অমদা খ্বাইদগী নেম্বা কেস মশীং, মীওই লাখ অমদা কেস ১৭.২৩ অমসুং মীওই লাখ অমদা ০.৪৯ শিবগী চাং খ্বাইদগী নেম্লিবনি (জুন ৬, ২০২০গী দবল্যু.ঐচ.ও.গী সিচুৱেসন রিপোর্তকী মতুং ইন্না)।

কোবিদ-১৯ লাকশিন্নবা অমসুং শেন্ননবগী তোঙান তোঙানবা থবক থৌরমশিংগী ৱারেপশিং, হোৎনবশিং অমসুং কাংলোনশিং অসি মীয়ামগীদমক্তা শেমখিবনি অমসুং মসিগী কান্নবশিং অসি সোসিএল মীদিয়াগী প্লেৎফোর্মশিং, চাং নায়না পীবা মীদিয়া ব্রিফিংশিংদা, তোঙান তোঙানবা মন্ত্রালয়/ভিভাগশিং (লৈবাক্কী অমসুং রাজ্যগী)গী নুংতিগী ওইবা প্রেস রিলিজশিং, ইলেক্ত্রোনিক অমসুং সোসিএল মীদিয়াদা পাংথোকপা পেনেল দিস্কসনশিংগী খুত্থাংদা মীয়ামদা পীদুনা লাক্লি।

*****