কেন্দ্রগী অৱাং নোংপোক্কী মফমশিং চাউখৎপগী রাজ্য মন্ত্রী (আই.সি.) অমসুং প্রধান মন্ত্রীগী লোয়শংগী রাজ্য মন্ত্রী দাক্তর জিতেন্দ্র সিংহনা ঙসি কোবিদকী লায়চৎ অসি থেংনবগী মরু ওইবা খুৎলায়দি খংজিনবনি, পাখৎপা নত্তে হায়খ্রে। ই.এস.আই.সি. মেদিকেল কোলেজ হাইদ্রবাদনা আই.আই.তি. হাইদ্রবাদ অমসুং এতোমিক ইনর্জী ভিভাগকা খুৎশম্নদুনা পুথোকপা ভারতকী অহানবা কোবিদ-১৯গী অনাবশিংগী লমদমসিদা শাবা, মমল তাংদবা, ৱায়রলেস ওইবা হকচাংগী মওং মতৌ য়েংশিন্নবা সীস্তেম, কোবিদ বীপ (কন্তিন্যুৱস ওক্সিজেনেসন এন্দ বাইতেল ইনফোর্মেসন দিতেক্সন বাইওমেদ ই.সি.আই.এল. ই.এস.আই.সি. পোদ) পুথোকখ্রে অমসুং থা অনিমুক মতম চানা অমসুং মায় পাক্না লোকদাউন তৌরুরবা মতুংদা তাঙ্কক নায়না লোকদাউন হাংদোকপগী থৌওং হৌরক্লবনিনা হৌজিক্তি লায়চৎ অসিগা মায় পাক্না থেংননবা লায়চৎ অসিগী মরমদা নিংথিনা খংবা অমসুং করম্না ঙাকথোক্কদগে হায়বা খংবগী মরু ওইবা অদুদা মীয়ামগী পুক্নিং চিংশিনখি।

ই.এস.আই.সি. মেদিকেল কোলেজ হাইদ্রবাদনা হান্ননা পুথোকখ্রবা খুৎলায়শিংগী মথক্তা অমুক্কা হন্না মমিং লৈরবা আই.আই.তি. হাইদ্রবাদ, ই.সি.আই.এল., হাইদ্রবাদ অমসুং তি.আই.এফ.আর. হাইদ্রবাদকা পুন্দুনা হৌজিক্কী কোবিদকী ইরাং অসিগী ইন্স্যুর তৌরবা মীওইশিংগী য়াইফনবগীদমক্তা অনৌবা খুৎলায় অমা পুথোকপগীদমক্তা থাগৎপা ফোংদোক্লদুনা দাক্তর জিতেন্দ্র সিংহনা কোবিদ বীপ অসি ভারতকী মমিং লৈরবা ইন্সতিত্যুত কয়া অমনা পুন্দুনা হোৎনমিন্নদুনা লৈবাক অসিনা হৌজিক থেংনরিবা ইরাং অসিদা শেল য়াম্না চংদনা ৱারোইশিন পুথোরক্তুনা অশেংবা মওংদা ভারতপু আত্মানির্ভর ওইহনবগী ময়েক লারবা খুদম্নি হায়খ্রে। দাক্তর জিতেন্দ্রনা কোবিদ বীপ অসিনা মালেম অসিবু মকোক ঙাওহল্লিবা কোবিদ থেংনবগী মতিক চাবা হিদাক অমা ওইরক্কনি হায়না হায়খ্রে।

খ্বাইদগী নৌবা কোবিদ বীপ অসিদা মখাগী মতিক মগুনশিংসি য়াওইঃ

ক. এন.আই.বি.পি. মোনিতর তৌবা- কোবিদ-১৯না নারবা অহল ওইরবা মীওইশিংনা শিবগী চাং খ্বাইদগী হেল্লি। মতাং অসিদা এন.আই.বি.পি. মোনিতর য়েংশিনবা অসি য়াম্না মরু ওই।

খ. ই.সি.জি. মোনিতর তৌবা- প্রোফাইলেক্সিস ওইনা শিজিন্নরিবা হিদাক অমসুং/নত্ত্রগা লাইয়েং হাইদ্রোক্সিক্লোরোক্বিন অমসুং এজিথ্রোমাইসিন অসিনা থমোয়দা য়াম্না শোকহল্লি মরম অদুনা ই.সি.জি. মোনিতর তৌবা অসি য়াম্না মরু ওই।

গ. নিংশা হোনবগী চাং- মসি বাইও ইম্পিদেন্সকী থৌওংনা ওল্লি।

কোবিদ বীপ্না লায়না শন্দোকহনবদা য়াম্না হন্থহনগনি অমসুং পি.পি.ই.গুম্বা মরু ওইরবা পোত্থোকশিং কনবা ঙমগনি।

দাক্তর সিংহনা ই.সি.আই.এল.গী মনুংদা চনবা এতোমিক ইনর্জী ভিভাগকী মীওইশিংবু হকশেলগা মরি লৈনবা খুদোংচাদবশিংগী ৱারোইশিন পীবগীদমক্তা থাগৎপা ফোংদোক্লি। মীয়াম্না খন্নরিবশিংগী ওন্না-তৈনবদা এতোমিক ইনর্জী ভিভাগ অসিনা ন্যুক্লিয়র ইইনর্জী মফম চানা শিজিন্নদুনা মীওইবা খুন্নাইগী কান্ননবা হায়দুনা থৱায় য়াওনা থবক কয়া পাংথোক্লি। মৈ পুথোকপা, লৌউ-শিংউগী পোত্থোক হেনগৎহনবা, চিঞ্জাক লিদুনা থম্বা নত্ত্রগা মুম্বাইদা তি.এম.সি. হায়দুনা লৈরিবা ত্যুমর লায়েংবগী মফম পীরিবা থৌওং কয়া অসি পায়খত্তুনা মতম পুম্বদা মীয়ামগীদমক্তা মাংজিল থানা হোৎনদুনা লাক্লি অমসুং লৈবাক অসিগী তঙাই ফদবা পুংফমশিংদা মতেং পাংলি।

কোবিদ বীপ পুথোকপা অসিসু মাইকৈ অসিদা পাংথোকপা খোংথাং অমনি। দাক্তর সিংহগী মমাংদসু হোম এফিয়ার্সকী রাজ্য মন্ত্রী, এস.ঐচ. কিশন রেদ্দী, এতোমিক ইনর্জী ভিভাগকী সেক্রেতরী শ্রী কে.এন. ভ্যাস, ই.এস.আই.সি. মেদিকেল কোলেজ, হাইদ্রবাদকী দীন প্রোফেসর স্রিনিবাস, ই.সি.আই.এল., হাইদ্রবাদকী চেয়রমেন অমসুং মেনেজিং দাইরেক্তর রিয়ার এদমিরেল সঞ্জয় চৌবে (রিতায়র্দ)নসু হৌজিক ওইরিবা মতাং অসিদা অসিগুম্বা পোৎ পুথোকপগী মরু ওইবগী মতাংদা ৱা ঙাংখি।

*****