চহি খুদিংগী জুন ৫ দা ৱাল্দ ইনভাইরনমেন্ত দে পাংথোক্লি। য়ু.এন.ই.পি.না লাউথোকখিবা থিমদা য়ুম্ফম ওইদুনা ইনভাইরনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা ৱাল্দ ইনভাইরনমেন্ত দে পাংথোকলি অমসুং লুপ কয়ানা থৌরম কয়া শীল্লি। চহি অসিগী থিমদি ‘বাইওদাইভর্সিতী’ হায়বনি । হৌজিক লৈরিবা কোবিদ-১৯ লাইচৎকী ফিবম অসিদা চহি অসিগী থিম নগর বন (শহরগী উমং) হায়বা অসিদা মিনিস্ত্রিনা ৱাল্দ ইনভাইরনমেন্ত দে ভর্চুএল ওইনা পাংথোক্লগনি। থৌরম অদুদা ইনভাইরনমেন্ত , ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর প্রকাস জাবদেকরনা চীফ গেস্ত ওইনা শরুক য়াগনি। থৌরম অসি জুন ৫গী অয়ুক পুং ৯দগী লাইব ওইনা https://www.youtube.com/watch?v=IzMQuhmheoo দা য়েংবা য়াগনি ।

ভারতকী লম য়াম্না পীক্না লৈরি অমসুং মীওইবা অমসুং শা-শনগী মশিংনা বাইওদাইভর্সিতীগী চাদা ৮ ওইরি। লৈবাক অসিদা শা-শন অমসুং পাম্বী মখল কয়া মরাংকাইনা ফংলি অমসুং মালেমগী বাইও-দাইবর্সিতী হোতস্পোৎস ৩৫গী মনুংদা ৪ লৈবাক অসিদা লৈরি অমসুং মুৎখিবা য়াবা স্পেসিস কয়া লৈরি। মহৌশানা বাইওদাইবর্সিতী কনবা অসি অসুকপা উমংগী শরুকশিং খক্তা পাংথোক্কদবনি হায়না খন্নরম্মি অদুবু শহর পাকথোক-চাউথোরকপগী শহরগী মফমশিংসু বাইওদাইবর্সিতী কনবা দরকার ওইরে । কোর্পোরেসন অমসুং শহর ২০০ হেনবদা লৈকোলশিং লৈরবসু উমং লৈতবদগী শহরগী উমং শেমগৎনবা স্কিম অমা ইনভাইরনমেন্ত , ফোরেস্ত অমসুং ক্লাইমেত চেঞ্জ মিনিস্ত্রিনা অমুক হৌদোকলে । শহরগী উমংশিং অসিনা হায়রিবা শহরশিং অসিদা অফবা নুংশিৎ ফংহনবদা মতেং পাংগনি ।

পুনে শহরদা লম একর ৪০গী উমং শেমগৎলে । উ ৬৫০০০, পুখ্রি ৫ অমসুং য়েংনবা তৱার ২ শেমগৎলে অমসুং উশিং ফুত ২৫দগী ৩০ ফাওবা ৱাংলে । চহি অসিদা উ চারা য়াম্না থাগনি । হৌজিক উমং অসিদা পাম্বী মখল ২৩, উচেক মখল ২৯, কুরাক মখল ১৫, লিন মখল ১০ অমসুং মেম্মাল মখল ৩ লৈরে । শহরগী উমং শেমগৎপগী প্রোজেক অসিনা অকোয়বগী ফিবম ফগৎহনবতা নত্তনা পুনেগী মীওইশিং অয়ুক অমসুং নুমিদাংৱাইরমদা খোঙনা চৎনবা অফবা মফম অমা ফংহল্লে । ৱাজরে অর্বান ফোরেস্ত অসি হৌজিক লৈবাক অসিগী অতৈ মফমশিংগী তমজনফম অমা ওইরে ।

থৌরম অদুদা ইনভাইরনমেন্ত মিনিস্ত্রিগী রাজ্য মন্ত্রী বাবুল সুপ্রিয়ো, মহারাস্ত্রা সরকারগী ফোরেস্ত মিনিস্তর সঞ্জয় রাথে, ইনভাইরনমেন্ত মিনিস্ত্রিগী অনৌবা সেক্রেতরি আর.পি. গুপ্তা, ইনভাইরনমেন্ত মিনিস্ত্রিগী দি.জি. ফোরেস্ত অমসুং স্পিসিয়েল সেক্রেতরি সঞ্জয় কুমার, য়ুনাইতেদ নেসন কনভেন্সন তু কম্বেত দিসারতিফিকেসন(য়ু.এন.সি.সি.দি.)গী ইজিক্যুতিব দিরেক্তর ইব্রাহিম থিয়াৱাদ অমসুং য়ু.এন.ই.পি.গী ইজিক্যুতিব দিরেক্তর ইনগর এন্দর এন্দরসন শরুক য়াগনি । শক্নাইরবশিংনা থৌরম অদু ভর্চুএল ওইনা শরুক য়াগনি অমসুং https://www.youtube.com/watch?v=IzMQuhmheoo দা লাইব ওইনা য়েংবা য়াগনি ।

*****