পেত্রোলিয়ম অমসুং নেচরেল গ্যাস মন্ত্রালয়
শ্রী ধর্মেন্দ্র প্রধান্না ও.পি.ই.সি.গী সেক্রেতরী জেনেরেলগা ৱারী শাদুনা মালেমগী ওইনা তং তাবা ইনর্জী ফংবা ঙম্নবা খোংথাংশিং লৌখৎনবা হায়খ্রে
Posted On:
04 JUN 2020 3:42PM by PIB Imphal
পেত্রোলিয়ম উমসুং নেচরেল গ্যাস অমসুং স্তীলগী মন্ত্রী শ্রী ধর্মেন্দ্র প্রধান্না ভিদিও কনফরেন্সকী খুত্থাংদা দাক্তর মোহম্মদ বারকিন্দো, সেক্রেতরী জেনেরেল, ওর্গানাইজেসন ওফ দি পেত্রোলিয়ম এক্সপোর্তিং কন্ত্রিস (ও.পি.ই.সি.)গা ৱা তান্নখ্রে। মালেমগী ইনর্জীগী কৈথেলদা হৌজিক ওইরক্লিবা থৌদোকশিং অমসুং কোবিদ-১৯গী মরক্তা ওইরিবা শুংদোক্ত্রিবা থাউগী মমলনা ওইহল্লিবা খুদোংচাদবশিং অমসুং থা অসিদা পাংথোক্কদৌরিবা ও.পি.ই.সি.গী মীফমগী মতাংদা ৱা তান্নখি।
শ্রী প্রধান্না লাক্কদৌরিবা মতম অসিদা মালেমগী শোল্লবা শেন্মিৎলোন অসিবু ফগৎহনবা ঙম্নবা পুথোক্লিবা অমসুং শিজিন্নরিবা লৈবাকশিংনা চেকশিনবা থৌদাং কয়া লৌখৎপগী তঙাই ফদবশিংগী মতাংদা পনখি। মহাক্না থাউগী কৈথেল তং তানা লৈহনবগী থৌদাং লৌরিবা ও.পি.ই.সি.গী থবকশিংদা মরু ওইনা মিৎয়েং পীখি অমসুং ভারতকী ইনর্জীগী শোইদ-ঙামদবগীদমক ও.পি.ই.সি. লৈবাকশিংগা নক্ননা চৎমিন্নবসু য়াখি অমসুং হৌজিক্কী লুরবা মতমসিদা মালেমগী ওইনা ইনর্জীগী ফিভমসু তং তানা লৈহন্নবগী মতাংদসু পনখি।
শ্রী বারকিন্দোনা ভারতনা লায়চৎ অসিবু থেংননবা লৌরিবা থৌদাংশিং অমসুং লৈবাক অসিগী শেন্মিৎলোন ফগৎহন্নবা পায়খৎলিবা খোংথাংশিংবু থমোয় শেংনা থাগৎপা ফোংদোকখি।
*****
(Release ID: 1629350)
Visitor Counter : 156