প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ফার্মাকোপিয়া কম্মিসন ফোর ইন্দিয়ন মেদিসিন এন্দ হোমিওপেথী (পি.সি.আই.এম.এন্দ ঐচ.)বু অয়ুশ মন্ত্রালয়গী মখাদা সবওর্দিনেৎ ওফিস ওইনা ১৯৭৫তা ঘাজিয়াবাদতা লিংখৎখিবা কেন্দ্রগী লেবোরেতরী অনী, ফার্মাকোপিয়া লেবোরেতরী ফোর ইন্দিয়ন মেদিসিন (পি.এল.আই.এম.) অমসুং হোমিওপেথীক ফার্মাকোপিয়া লেবোরেতরী (ঐচ.পি.এল.) পুন্সিন্দুনা শেম্বদা অয়াবা পীখ্রে।

হৌজিক-হৌজিক্কী ওইনা, ফার্মাকোপিয়া কম্মিসন ফোর ইন্দিয়ন মেদিসিন এন্দ হোমিওপেথী (পি.সি.আই.এম. এন্দ ঐচ.) হায়বসি ২০১০দা অয়ুশ মন্ত্রালয় লিংখৎখিবদগী মসিগী মখাদা ওতোনোমস বোদী অমা ওইনা লৈরি। পুন্সিল্লিবা অসিগী পান্দমদি ওর্গনাইজেসন অহুম অসিগী ইনফ্রাস্ত্রকচরেল ফেসিলিতী শীজিন্নবা, তেক্নিকেল মেনপাৱর রিসোর্স অমসুং শেলথুমগী রিসোর্সশিং হন্থহন্দুনা আয়ুর্বেদ, সিদ্ধ, উনানি অমসুং হোমিওপেথীগী হিদাক লাংথকশিং শেম শাবদা হেন্না ফগৎহন্নবা অমসুং মগুন হেন্না লৈহন্নবনি।

মসিগী পুন্সিল্লিবা অসি অয়ুশকী হিদাক মসুং ফার্মাকোপিয়া অমসুং ফোর্মুলাশিংদা মীৎয়েং থম্নবা অমসুং অপুনবা ওইনা চাউখৎনবগীদমকনি। মসিনা পুন্সিল্লবা পি.সি.আই.এম. এন্দ ঐচ.কী মওং মতৌদা অমসুং মসিগী লেবোরেতরীবু তঙাইফদবা এমেন্দমেন্তশিং অমসুং দ্রগ এন্দ কোস্মেতেক্স রুল, ১৯৪৫ গী প্রোবিজনশিং মনুং চলহন্দুনা আইনগী ওইবা মফম অমা কন্নবা হোৎনগনি। মসিগী হীরম অসিগী মতাংদা দ্রগস এন্দ কোস্মেতিক্স এক্ত, ১৯৪০গী মখাদা লৈবা স্তেত্যুতরী বোর্দ অমা ওইরিবা হেলথ সর্বিসকী দিরেক্তর জেনরেল, দ্রগস কন্ত্রোল্লর জেনরেল অমসুং আয়ুর্বেদ, সিদ্ধ অমসুং উনানি দ্রগস তেক্নিকেল এদবাইজরী বোর্দ (আসুদতাব)গা তান্নদুনা কেন্দ্র অমসুং রাজ্য সরকারশিংদা এ.এস.এল.তি. দ্রগশিং থানবগী খন্নখ্রে। শেলথুম মন্ত্রালয়গী এক্সপেন্দিচর বিভাগনা ফমশিং অমসুং পুন্সিল্লবা ওর্গনাইজেসনশিং অসিগী মথং মনাও লৈরিবশিং অসি শেমদোক শাদোক্নবা হোৎনবা হৌখ্রে।

অয়ুশ মন্ত্রালয়গী মখাদা লৈরিবা পি.এল.আই.এম. অমসুং ঐচ.পি.এল.না সবওর্দিনেৎ ওফিসশিং ওইদুনা অমসুং পি.সি.আই.এম. এন্দ ঐচ.না ওতোনোমস ওর্গনাইজেসন ওইদুনা পি.সি.আই. এন্দ ঐচ.পু অমত্তা ওইবা এদমিনিস্ত্রেতিব চুপ্লি অমগী মখাদা মন্ত্রালয় অসিদা লিংখৎনবা পুন্সিনগদৌরি।

পুন্সিল্লবা মতুংদা পি.সি.আই.এম. এন্দ ঐচ.দা এদমিনিস্ত্রেতিবকী ওইবা মওং মতৌ অমা মন্ত্রালয় অসিগী মতীক চানা কেপাসিতী অমসুং ফার্মাকোপিয়াগী থবকশিংগী আউৎকমদা ফগৎনবা, আয়ুর্বেদ, সিদ্ধ, উনানি অমসুং হোমিওপেথী হিদাকশিংগী ফার্মাকোপিয়াগী থাক হেনগৎপা, হঞ্জিন্না পুথোকপা অমসুং হিদাক্কী স্তেন্দর্দাইজেসন্দা থবক থিন্থবা অমসুং রিসোর্স মরম চানা অমসুং মতিক চানা শীজিন্ননবগীদমক্নি।

*****