প্রধানমন্ত্রীগী লোইশঙ

প্রধান মন্ত্রীনা লোইশঙ পায়বা অনিশুবা চহীগী অহানবা মন্ত্রী মন্দল মীফমগী ময়াই তাঙবল লৌখ্রে

এম.এস.এম.ই. সেক্তর, লম্বীদা পোৎ য়োল্লিবশিং অমসুং লৌমীশিংগী ওইবা পুৱারী ওইহৌরগদবা ৱারেপ লৌখ্রে

চহী ১৪গী মতুংদা অহানবা ওইনা এম.এস.এম.ই.গী ৱাহন্থোক শেমদোকখ্রে

ময়াই ওইবা য়ুনিৎশিংদা অহেনবা লুপা করোর ৫০ থাদরগনি অমসুং লুপা করোর ২৫০ কারক্নবা হোৎনরি

লম্বীদা পোৎচৈ য়োল্লিবশিংদা খুদোংচাগদবা লোন পীনবা স্পিসিএল মাইক্রো ক্রেদিৎ ফেসিলিতী স্কিম 'পি.এম. স্বনীধি' হৌদোকখ্রে

খরিফ কুম ২০২০-২১গীদমক, সরকারনা এম.এস.পি.বু পুথোকমলদগী শরুক ১.৫কী চাংদা লেপনবা লৌখিবা ৱাশক অদু ঙাক্লি

লৌউ-শিংউ অমসুং মসিগা মরী লৈনবা থবক-থৌরমশিংগী অতেনবা মতমগী লোন শিংগৎপগী তাং শাংদোকখ্রে; লৌমীশিংনা শেন্দোই হন্থবগী খুদোংচাবা ফংগদৌরি অমসুং শেল থিগৎপদা অহেনবা কান্নবসু ফংহনগনি

লাইরবশিংবু য়েংশিনবনা সরকার অসিগী খ্বাইদগী মরুওইবা পান্দম ওইরি

Posted On: 01 JUN 2020 5:31PM by PIB Imphal

প্রধান মন্ত্রী শ্রী নরেন্দ্র মোদীনা ময়াই তাংবল ফমদুনা কেন্দ্রগী মন্ত্রী মন্দল মীফম জুন ১, ২০২০গী নিংথৌকাবা নুমিত্তা ফমখ্রে। মসিনা কেন্দ্র সরকার অসিনা লোইশঙ পায়বগী অনিশুবা চহী হৌবগী অহানবা কেন্দ্রগী মন্ত্রী মন্দল মীফম্নি।

মীফম অসিগী মনুংদা, ভারতকী শুবা নোম্বা কল্লবা লৌমীশিং, এম.এস.এম.ই. সেক্তর অমসুং লম্বীদা পোৎচৈ য়োল্লিবা মীওইশিংগী পুন্সিদা মশক থোকপা অহোংবা অমা পীগদৌরি।

এম.এস.এম.ই.শিংদা পীবা মতেং:

এম.এস.এম.ই. হায়রগা খঙনবা মাইক্রো, স্মোল অমসুং ময়াই ওইবা ইন্তর্প্রাইজশিংনা ভারতকী শেন্মিৎলোনগী য়াংলেন শরু ওইরি। লৈবাক অসিগী মফম কয়াদা তুমিন্না মথৌ পাঙথোক্লদুনা, এম.এস.এম.ই. করোর ৬ হেনবনা মপাঙ্গল লৈরবা অমসুং মিপাল তাংদবা ভারত অমা শাগৎনবা হোৎনবদা অচৌবা থৌদাং লৌরি।

কোবিদ-১৯ লাইচৎকী মতুং তারকপা ওইনা প্রধান মন্ত্রী শ্রী নরেন্দ্র মোদীনা লৈবাক অসিবু শেমগৎনবা হোৎনবদা এম.এস.এম.ই.না লৌরিবা থৌদাং অসি অথুবদা শেমদোক-শাদোকখ্রে। মসিগী মরম অসিননি আত্মনির্ভর ভারত অভিয়ানগী মখাদা এম.এস.এম.ই.গী ওইবা অচৌবা মরু ওইবা শরুক অমা য়াওরিবদু।

মসিগী পেকেজ অসিগী মখাদা, এম.এস.এম.ই. সেক্তরদা অচৌবা মফম অমা কনবতা নত্তনা শেন্মিৎলোন হনগৎহন্নবা হোৎনবদা মরুওইবা মফম অমা কনবা ঙম্লিবা। মরুওইবা লাওথোকখিবশিংগী মনুংদগী মরী লৈনবা পায়খৎকদবা থবকশিং মাঙজৌননা পায়খৎপা হৌখ্রে।

ঙসিদি, ভারত সরকারনা আত্মনির্ভর ভারত পেকেজগী মখাদা অতোপ্পা লাওথোকখিবশিং থবক পায়খৎপা হৌনবা লম্বী য়াৎপা লোইখ্রে। মখোয়শিংদুগী মনুংদাঃ

• এম.এস.এম.ই.গী ৱাহন্থোক্তা হেন্না ফরবা মওংদা শেমদোকপা। মসিনা ললোন ইতিক তৌবদা হেন্না কোমহন্নবগী অতোপ্পা খোংথাং অমনি। মসিনা ইনবেস্তমেন্তশিংগী পুক্নিং চিংশিনবদা মতেং ওইরগনি অমসুং এম.এস.এম.ই. সেক্তরদা থবক হেন্না পীবা ঙম্লগনি;

• মন্ত্রী মন্দল মীফম্না হৌনবী মতুং ইন্না ৱারবা এম.এস.এম.ই. সেক্তরদা শৌগৎপীবা ওইনা সবওর্দিনেৎ দেৎকী মওংদা লুপা করোর ২০,০০০ থাদবগী অয়াবা পীখ্রে। মসিনা ৱারবা এম.এস.এম.ই. লাখ ২দা কান্নবা ফংহনলগনি।

• মন্ত্রী মন্দলনা ঙসি এম.এস.এম.ই.শিংগী ফন্দশিংগী ফন্দ ওইনা লুপা করোর ৫০,০০০গী ইক্বুইতী ইনফ্যুজনগী অয়াবা পীখ্রে। মসিনা এম.এস.এম.ই.শিংদা দেৎ ইক্বুইতী রেসিও মেনেজ তৌবা অমসুং মখোয়গী তৌবা ঙম্বগী চাং য়েংথোকপদা মতেং পাংলগনি। মসিনা স্তোক একচেঞ্জদা মিং য়াওনবগী খুদোংচাবা অমসু পীরগনি।

মখাদা তানা এম.এস.এম.ই.গী ৱাহন্থোক্তা নৌনা শেমদোকপাঃ

ভারত সরকারনা ঙসি এম.এস.এম.ই.গী ৱাহন্থোক্তা হেন্না খুমাং চাউশিনবা মওংদা শেমদোক্নবা ৱারেপ লৌখ্রে। লাওথোকখিবা পেকেজ অদুদা, মাইক্রো মেন্যুফেকচরিং অমসুং সর্বিস য়ূনিৎশিংগী ৱাহন্থোক্তা ইনবেস্তমেন্তকী লুপা করোর ১ হেনগৎপা অমসুং করোর ৫ তান্নবা হোৎনবা। অপীকপা য়ুনিৎশিংগী লিমিৎনা লুপা করোর ১০দা হেনগৎপা অমসুং লুপা করোর ৫০ তান্নবা হোৎনবা। মসিগা মান্ননা, ময়াই ওইবা য়ুনিৎশিংগীনা ইনবেস্তমেন্ত লুপা করোর ২০ ওইদুনা লুপা করোর ১০০ তান্নবা হোৎনবনি। পনবা য়াই, ২০০৬তা এম.এস.এম.ই. দিবেলপমেন্ত এক্ত থবক্তা ওন্থোরকপগা চহী ১৪গী মতুংদা শেমদোক শাদোকপনি। মে ১৩, ২০২০দা পেকেজ লাওথোকপা মতুংদা, লাউথোক্লিবা শেমদোক-শাদোক্লিবশিং অসি কৈথেলগী মমলগা য়েংনরুবদা চান্নদবা কয়া থেংনবদগী নৌনা শেমদোকপনি। মসিবু ৱাখলদা থম্লদুনা, প্রধান মন্ত্রীনা ময়াই ওইবা মেন্যুফেকচরিং অমসুং সর্বিস য়ুনিৎশিংগী লিমিৎপু হেনগৎনবা ৱারেপ লৌখি। হৌজিক্তি ইনবেস্তমেন্ত লুপা করোর ৫০ ওইবগা লোইননা কারকপদনা লুপা করোর ২৫০ ওইরগনি। মসিগা লোইননা মপাল লমদা থাদোকপগী তর্নওবরদি মাইক্রো, স্মোল নত্ত্রগা মেদিয়ম এম.এস.এম.ই.গী কাংলুপতা চনবা তর্নওবরগী লিমিৎ কী মনুং চল্লোই হায়রি।

ঐখোয়গী শুবা নোম্বা কল্লবা লম্বীদা পোৎচৈ য়োল্লিবা মীওইশিংবু মতেং পাংবাঃ

হাউসিং অমসুং অর্বান এফিয়র্স মন্ত্রালয়না লম্বী পোৎচৈ য়োল্লিবশিংদা খুদোংচাগদবা লোন পীনবা স্পিসিএল মাইক্রো-ক্রেদিৎ ফেসিলিতী স্কিম- পি.এম. স্বনিধি- পি.এম. স্ত্রীত ভেন্দর'স আত্মনির্ভরনিধি হৌদোকখ্রে। মসিগী স্কিম অসিনা মখোয়গী থবকশিং অমুক নৌনা হৌবা অমসুং মখোয়গী হিংনবগী শেল তানবদা মতেং ওইরগনি।

ভেন্দরশিং, খবর য়োনবা, থেলা ইনবা, রেহরিৱালা, থেলিফদৱালানচিংবা মীওই লাখ ৫০ হেন্না তোঙান-তোঙানবা মফম কয়াদা মসিগী স্কিম অসিগী মখাদা কান্নবা ফংলগনি।

মখোয়না য়োল্লিবা পোত্থোকশিং অসি মনা-মশীং, হৈ, চাবা য়ারবা চীঞ্জাকশিং, চা, পকৌরা, ব্রেদ, য়েরুম, ফিরোল, তোংনবা পোৎচৈ, খুৎশা হৈবগী পোত্থোক, লাইরিক/স্তেসনরিনচিংবশিংনি। মখোয়না পীরিবা সর্বিসশিংগী মনুংদা শম ককপা, খোঙউপ শেম্বা, ক্বা য়োনবা, ফিরোল শুবগী থবকশিংনচিংবা য়াওরি।

কোবিদ-১৯না মরম ওইদুনা মখোয়না থেংনরিবা খুদোংচাদবশিংবু ভারত সরকারনা খঙই। অসিগুম্বা মতমদা, মখোয়দা মখোয়গী করবারদা মতেং ওইনবা মতীক চানা শেল পীবীবা তঙাই ফদে।

অরবান লোকেল বোদীশিংনা স্কিম অসিবু থবক্তা ওন্থোক্নবা হোৎনবা মতমদা অচৌবা থৌদাং অমা লৌবা চঙই।

মসিগী স্কিম অসি মরম কয়াগী মতুং ইন্না মরু ওইবা অমা ওইরিঃ

১. পুৱারীদা অহানবা ওইরিঃ

মসি ভারতকী পুৱারীদা অহানবা ওইনা পেরি-অরবান/খুঙ্গংগী মফমশিংদা লৈবা লম্বীদা পোৎচৈ য়োল্লিবশিংনা অরবান লাইব্লিহুদ প্রোগ্রামগী মখাদা কান্নবা ফংবা ওইরগনি।

পোৎ য়োল্লিবশিংনা অপুনবা শেনফম ওইনা লুপা ১০,০০০ লৌবা য়াহল্লগনি, হায়রিবসি চহী অমগী মনুংদা থাগী ওইনা শিংগৎপগী অয়াবা লৈ। মতম চানা/ঙন্না লোন শিংগৎপা তারবদি চহীদা @৭% মখোয়গী বেঙ্ক একাউন্তশিংদা দাইরেক্ত বেনিফিৎ ত্রান্সফরগী খুথাংদা থা তরুক থা থাগী ওইনা পীগনি। ঙন্না লোন শিংগৎপগী পেনালতী লৈরোই।

স্কিম অসিনা লোন ঙন্না শিংগৎলকপা মতমদা শেলথুমগী কৈরাক থাজদুনা মখোয়গী পান্দম ফংনবা হোৎনবদা মতেং পাংদুনা ক্রেদিৎ লিমিৎ হেনগৎলগনি।

এম.এফ.আই./ এন.বি.এফ.সি./ এস.ঐচ.জি. বেঙ্কশিংনা ইহান হানবা ওইনা শহরগী লাইরবশিংদা মখোয়গী লৈরিবা ফিবম অমসুং লম্বীদা পোৎচৈ য়োল্লিবা মীওইশিংগী স্কিম পীবা অহানবা ওইরি।

২- শক্তি হেনগৎনবগীদমক তেক্নোলোজী শীজিন্নবা;

মপুগ ফানা য়ৌহন্নবা অমসুং মনুং মপান ফাওনা উহন্নবা থৌশিল ওইনা তেক্নোলোজী শীজিন্ননবগী সরকারগী পান্দম ওইনা, ৱেব পোর্তেল/মোবাইল এপ অমা স্কিমশিংবু য়েংশিন্নবা শেমখ্রে। আই.তি. প্লেৎফোর্ম অসিনা ভেন্দরশিংবু শেলথুমগী পথাপ অমদা পুশিনবা ঙম্লগনি। মসিগী প্লেৎফোর্ম অসিনা ৱেব পোর্তেল/মোবাইল এপপু সিদবীগী উদ্যামিত্রা পোর্তেলগী ক্রেদিৎ মেনেজমেন্ত অমসুং এম.ও.ঐচ.য়ু.এ.গী পাইসা পোর্তেলগা শম্নদুনা ইন্তরেস্ত সবসিদী মশা মতোমতা য়েংশিনগনি।

৩- দিজিতেল ত্রাঞ্জেক্সনবু পুক্নিং থৌগৎপাঃ

থা খুদিংগী লম্বীদা পোৎয়োনবশিংনা শেল হনবীদুনা স্কিম অসিনা দিজিতেল ত্রাঞ্জেক্সন্দা ইন্সেন্তিব পীরি।

৪- কেপাসিতী বিলদিংদা মিৎয়েং থম্বাঃ

এম.ও.য়ু.ঐচ.এ.না রাজ্য সরকার, রাজ্যগী দে-এন.য়ু.এল.এম., য়ু.এল.বি., এস.দি.বি.আই., সি.জি.তি.এম.এস.ই., এন.পি.সি.আই. অমসুং দিজিতেল পেমেন্ত এগ্রিগেতর মিসনশিংগা পুন্দুনা কেপাসিতী বিলদিংশিং অমসুং স্তেকহোল্দর খুদিংমক্কী ফাইনান্সিএল লিতরেসী প্রোগ্রাম অমসুং জুন থাগী মনুংদা লৈবাক শীনবা থুংনা আই.ই.সি.গী থবক থৌরমশিং হৌদোক্কনি অমসুং জুলাইদগী লোন পীবা হৌগদৌরি।

জয় কিসানগী ইথিল পীবাঃ

খরিফ কুম ২০২০-২১গীদমক, সরকারনা এম.এস.পি.বু পুথোকমলদগী শরুক ১.৫কী চাংদা লেপনবা লৌখিবা ৱাশক অদু ঙাক্লি। ঙসি, খরিফ কুম ২০২০-২১গী মহৈ মরোং ১৪গী এম.এস.পি. সি.এ.সি.পি.গী পাউতাক মতুং ইন্না লাওথোকখ্রে। মহৈ-মরোং ১৪গী তর্নওভরগী মমল অসি ৫০%দগী ৮৩% য়ৌরে।

ভারত সরকারনা অতেনবা মতমগী লোন লুপা লাখ ৩ ফাওবগী লৌউ-শিংউ অমসুং মসিগা মরী লৈনবা থবক খুদিংমক্কী শিংগৎলকপগী তাং ৩১.০৮.২০২০ফাওবা শাংদোকখ্রে। লৌমীশিংনা শেন্দোই হন্থবগী খুদোংচাবা ফংগদৌরি অমসুং শেল থীগৎপদা অহেনবা কান্নবসু ফংহনগনি।

লৌউ-শিংউগী অতেনবা মতমগী লোন্দা মার্চ ১, ২০২০ অমসুং ওগস্ত ৩১,২০২০গী মরক্তা পুত্থহৌবশিংনা শেন্দোইদা বেঙ্কতগী ২% তাবগী (আই.এস.) খুদোংচাবা ফংগনি অমসুং প্রোম্প রিপেমেন্ত ইন্সেন্তিব (পি.আর.আই.)না লৌমীশিংদা ৩%গী কান্নবা ফংগনি।

ভারত সরকারগী বেঙ্কশিংদগী @৭%দা লৌমীশিংদা লোন পীবা অমসুং চহীদা বেঙ্কশিংদা ২%দা ইন্তরেস্ত সবভেন্সন পীবা অমসুং অহেনবা খুদোংচাবা ওইনা মতম চানা লৌমীশিংনা শিংগৎলকপদা চহী ৪% কাবী শেন্দোইদা লাখ ৩ ফাওবগী লোন পীবগী ৱারেপ।

ইন্তরেস্ত সবভেন্সন স্কিম (আই.এস.এস.) অসি কিসান ক্রেদিৎ কার্দকী খুথাংদগী ফংবা লোনশিং য়াওনা লৌমীশিংদা অতেনবা মহৈ মরোংগী লোন পীনবা হৌদোকখিবনি। হৌখিবা চয়োল খরা অসিদা, লৌমী কয়ানা বেঙ্ক ব্রাঞ্চশিংদা চত্তুনা মখোয়গী অতেনবা মতমগী মহৈ-মরোংগী লোন শিংগৎপা য়াখিদ্রে। মসিনা মরম ওইদুনা মন্ত্রী মন্দল মীফমগী ৱারেপনা লৌমী করোর কয়াদা কান্নবা ফংহল্লগনি।

লাইরবশিংগী য়েনশিনবীবনা সরকার অসিগী মকোক থংবা পান্দম্নিঃ

লাইরবা অমসুং খুদোংচাদ্রবশিংনা প্রধান মন্ত্রীনা লুচিংবা সরকার অসিগী খ্বাইদগী মকোক্তা থম্লি। কোরোনাভাইরস লাইচৎকী মনুংদা, লোকদাউন হেক লাওথোকখিবগা, সরকারনা খম থেংনা লাইরবশিংগীদমক য়েংবীদুনা লাক্লি। হায়রিবসিমক মার্চ ২৬, ২০২০দা প্রধান মন্ত্রী গরীব কল্যান য়োজনা পেকেজ, লোকদাউন হেক হৌবদগী নুমিৎ নিনিগী মনুংদা লাওথোকখিবদুনা তাক্লি।

মসিনা মীওই করোর ৮০গী চানবা পীবদা নত্তনা নুপী করোর ২০গী বেঙ্ক একাউন্ততা হকথেংননা শেল থাজিনখ্রে, অহল ওইরবা মীওইশিংদা হকথেংননা শেল থাবদা নত্তনা লাইরবী লুখ্রাবীশিং অমসুং নাম্ম-শোইরবা মীওইশিংদা শেল থাবতা নত্তনা পি.এন. কিসান ইন্সতোলমেন্ত লৌমী করোর কয়াদা পীবগী খোংথাংশিং লাওথোকখ্রে। মসিদা লোকদাউন্না মরম ওইদুনা য়েংশিলহৌদ্রবদি অৱাবা তারবশিংদা খুদোংচাদ্রবা কাংলুপ কয়াগী মীওইশিং কোনশিল্লি। নুমিৎ খরগী মনুংদা, মতেং অসি মীওই করোর কয়াদা হকথেংননা শেল ওইনা নত্ত্রগা অতোপ্পা মওংদা য়ৌখ্রে।

আত্মনির্ভর ভারতকী শরুক অমা ওইনা, লৈবাক অমা রাসন দার্দ অমা হায়বসিগী মখা পোন্না, চান্নবা পোৎলমশিং লেম্না রাসন কার্দ য়াওদবশিংদফাওবা য়াওনা য়ৌহনখ্রে, অনৌবা রেন্তেল স্কিমশিং, মখোয়গী য়ূমকৈগীদমক লাওথোকখ্রে।

লৌমীশিংগী য়াইফনবগীদমক শেমদোক-শাদোক্লবা কয়া অমা লাওথোকখ্রে, লৌমীশিংবু মখোয়বু পুনশিল্লিবশিংদগী থাদোকপীদুনা মশক থোকপা মওংদা চাউখৎপা ফংগদৌরি। মসিগা লোইননা, ফার্মগী ইনফ্রাস্ত্রকচরদা অহেনবা কয়া অমা থাদখ্রে। ঙা য়োকপগুম্বা মসিগা মরী লৈনবা থবকশিংগী শেল থুমগী পেকেজ লাওথোকপা।

খোংথাং খুদিংমক্তা, ভারত সরকারনা খুদোংচাদ্রবশিংদা নুংশিবা কয়া অমা উৎপীরি।

***



(Release ID: 1628768) Visitor Counter : 40