ಕೋವಿಡ್ 19 ಕ್ಕಾಗಿ ಜೈವಿಕ ತಂತ್ರಜ್ಞಾನ ಇಲಾಖೆಯಿಂದ

ಕ್ಷಿಪ್ರ ಪ್ರತಿಕ್ರಿಯಾ ನಿಯಂತ್ರಣ ವ್ಯವಸ್ಥೆ ಸಕ್ರೀಯಗೊಳಿಸುವ ಕಾರ್ಯವಿಧಾನ ಅಳವಡಿಕೆ

ಜೈವಿಕ ಸುಕ್ಷತಾ ನಿಯಂತ್ರಣವನ್ನು ಸುಗಮಗೊಳಿಸಲು ಮತ್ತು ಪುನರ್ ಸಂಯೋಜಕ ಡಿ ಎನ್ ಎ ತಂತ್ರಜ್ಞಾನವನ್ನು ಹಾಗೂ ಅಪಾಯಕಾರಿ ಸೂಕ್ಷ್ಮ ಜೀವಿಗಳ ಕುರಿತು ಸಂಶೋಧನೆ ಮತ್ತು ಅಭಿವೃದ್ಧಿ ಕೈಗೊಳ್ಳುತ್ತಿರುವ ಸಂಶೋಧಕರು ಮತ್ತು ಉದ್ಯಮಗಳಿಗೆ ಅನುಕೂಲ ಕಲ್ಪಿಸಲು ಜೈವಿಕ ತಂತ್ರಜ್ಞಾನ  ಇಲಾಖೆ ಹಲವಾರು ಸಕಾರಾತ್ಮಕ ಕ್ರಮಗಳನ್ನು ಕೈಗೊಂಡಿದೆ.

1. ಭಾರತೀಯ ಜೈವಿಕ ಸುರಕ್ಷತಾ ಮಾಹಿತಿ ಪೋರ್ಟಲ್ ನ ಕಾರ್ಯಾಚರಣೆ. ಮೇ 2019 ರಲ್ಲಿ ಆರಂಭಿಸಲಾದ ಭಾರತೀಯ ಜೈವಿಕ ಸುರಕ್ಷತಾ ಮಾಹಿತಿ ಪೋರ್ಟಲ್ ನ್ನು ಸಂಪೂರ್ಣವಾಗಿ ಕಾರ್ಯರೂಪಕ್ಕೆ ತರಲಾಯಿತು ಮತ್ತು ಈಗ ಇಲಾಖೆಯು ಎಲ್ಲ ಹೊಸ ಅರ್ಜಿಗಳನ್ನು ಆನ್ ಲೈನ್ ಪೋರ್ಟಲ್ ಮೂಲಕವೇ ಸ್ವೀಕರಿಸುತ್ತಿದೆ. ಇದು ಸಂಪೂರ್ಣ ಪ್ರಕ್ರಿಯೆಯನ್ನು ಸಕಾಲಕ್ಕೆ ಮತ್ತು ಪಾರದರ್ಶಕವಾಗುವಂತೆ ಮಾಡಿದೆ.
2. ಸಂಶೋಧನಾ ಮತ್ತು ಅಭಿವೃದ್ಧಿ ಉದ್ದೇಶಕ್ಕಾಗಿ ಜಿ ಇ ಜೀವಿಗಳ ಆಮದು, ರಫ್ತು ಮತ್ತು ಅದರ ಉತ್ಪನ್ನದ ಸರಳೀಕರಣಗೊಳಿಸಿದ ಮಾರ್ಗಸೂಚಿಗಳ ಅಧಿಸೂಚನೆ : ಇಲಾಖೆಯು ಜನವರಿ 2020 ರಲ್ಲಿ ಪರಿಷ್ಕೃತ ಮಾರ್ಗಸೂಚಿಗಳನ್ನು ಹೊರಡಿಸಿತು. ಇದರಲ್ಲಿ ಆರ್ ಜಿ 1 ಮತ್ತು ಆರ್ ಜಿ 2 ವಸ್ತುಗಳಿಗೆ ಸಂಶೋಧನೆ ಮತ್ತು ಅಭಿವೃದ್ಧಿ ಉದ್ದೇಶಕ್ಕಾಗಿ  ಆಮದು, ರಫ್ತು ಮತ್ತು ಜಿ ಇ ಜೀವಿಗಳ ವಿನಿಮಯ ಹಾಗೂ ಅದರ ಉತ್ಪನ್ನಗಳ ಬಗ್ಗೆ ನಿರ್ಧಾರ ಕೈಗೊಳ್ಳುವ ಅಧಿಕಾರವನ್ನು ಸಾಂಸ್ಥಿಕ ಜೈವಿಕ ಸುರಕ್ಷತಾ ಸಮೀತಿಗೆ ವಹಿಸಲಾಗಿದೆ.
3. ಕೋವಿಡ್ 19 ಕುರಿತು ಸಂಶೋಧನೆ ಮತ್ತು ಅಭಿವೃದ್ಧಿ ಸೌಲಭ್ಯ : ಕೊರೊನಾ ವೈರಾಣು ಹರಡುವಿಕೆಯಿಂದ ಉದ್ಭವಿಸುತ್ತಿರುವ ಸಂದರ್ಭಗಳನ್ನು ಪರಿಗಣಿಸಿ ಮತ್ತು ಕೋವಿಡ್ 19 ಕ್ಷಿಪ್ರ ಸಂಶೋಧನೆ ಮತ್ತು ಅಭಿವೃದ್ಧಿಯ ಅವಶ್ಯಕತೆಯ ಬಗೆಗಿನ ತಿಳಿವಳಿಕೆಯೊಂದಿಗೆ ಕೋವಿಡ್ 19 ಕುರಿತು ಸಂಶೋಧನೆ ನಡೆಸುತ್ತಿರುವ ಸಂಶೋಧಕರು ಮತ್ತು ಉದ್ಯಮಗಳಿಗೆ ಅನುಕೂಲವಾಗುವಂತೆ ಇಲಾಖೆಯು ಸಕಾರಾತ್ಮಕವಾಗಿ ಹಲವಾರು ಕ್ರಮಗಳನ್ನು ಕೈಗೊಂಡಿದೆ. ಕೋವಿಡ್ 19 ಕುರಿತು ಡಿಬಿಟಿ ಈ ಕೆಳಗಿನ ಮಾರ್ಗಸೂಚಿಗಳು, ಆದೇಶಗಳು ಮತ್ತು ಪರಿಶೀಲನಾ ಪಟ್ಟಿಯನ್ನು ಹೊರಡಿಸಿದೆ :

1. ಲಸಿಕೆಗಳು, ರೋಗನಿರ್ಣಾಯಕತೆಗಳು, ರೋಗನಿರೋಧಕಗಳು ಮತ್ತು ಚಿಕಿತ್ಸೆ ಕ್ರಮಗಳ ಅಭಿವೃದ್ಧಿಗಾಗಿ ಅರ್ಜಿಗಳ ಪರಿಷ್ಕರಣೆಗೆ ಕೋವಿಡ್ – 19 ಕ್ಕಾಗಿ ಕ್ಷಿಪ್ರ ಪ್ರತಿಕ್ರಿಯಾ ನಿಯಂತ್ರಣ ಚೌಕಟ್ಟನ್ನು 20.03.2020 ರಂದು ಪ್ರಕಟಿಸಲಾಗಿದೆ.
2. 08.04.2020 “ಕೋವಿಡ್ – 19 ಮಾದರಿಗಳನ್ನು ನಿರ್ವಹಿಸಲು ಪ್ರಯೋಗಾಲಯಗಳ ಜೈವಿಕ ಸುರಕ್ಷತೆ ಕುರಿತಾದ ಮಧ್ಯಂತರ ಮಾರ್ಗಸೂಚಿ ದಾಖಲೆ” ಯನ್ನು ಡಿಬಿಟಿ ಪ್ರಕಟಿಸಿದೆ
3. 30 ಜೂನ್, 2020 ರವರೆಗೆ ವಿಡಿಯೋ ಕಾನ್ಫೆರೆನ್ಸ್ ಮೂಲಕ ಸಭೆಗಳನ್ನು ನಡೆಸಲು ಐಬಿಎಸ್ ಸಿಗಳಿಗೆ ಅವಕಾಶ ಕಲ್ಪಿಸಲಾಗಿದೆ.
4. ಪುನರ್ ಸಂಯೋಜಕ ಡಿ ಎನ್ ಎ ಕೋವಿಡ್ 19 ಲಸಿಕೆ ಅಭಿವೃದ್ಧಿಗೆ ಕ್ಷಿಪ್ರ ಪ್ರತಿಕ್ರಿಯಾ ನಿಯಂತ್ರಣ ಚೌಕಟ್ಟನ್ನು 26.05.2020 ರಂದು ಹೊರಡಿಸಲಾಯಿತು.

***